Éxodo 20:24 - CHUYA QELLQA La Biblia en Quechua de Ayacucho 2012

²⁴ Altarniytaqa allpamantam ruwanki, hinaspam animalkunata wañuchispayki chaypi lliwta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Ñoqam hamuspay sitiota akllasaq, sutiyta chaypi yuyarinaykichikpaq, hinaspaymi chaypi bendecisqaykichik.

Quechua Ayacucho Bible 1987

²⁴ Allpamantam ruranki altarta ñoqapaq hinaspam wañuchisqayki animalkunata chaypi lliwchanta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Munasqay sitiopi adorawanaykichikpaq sutiy churasqa lugarman hamuspaymi bendecisqaykichik.

Chuya Qellqa 1992

²⁴ Altarniytaqa allpamantam ruwanki, hinaspam animalkunata wañuchispayki chaypi lliwta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Ñoqam hamuspay sitiota akllasaq, sutiyta chaypi yuyarinaykichikpaq, hinaspaymi chaypi bendecisqaykichik.

Éxodo 20:24 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

2~Samuel 6:12

Rey Davidmanmi willaykurqaku: Obed-edompa wasinpi Tayta Diospa Arcan kasqanraykum payta, ayllunkunata chaynataq lliw kapuqninkunatapas Dios bendeciykun, nispa. Chaymi Obed-edompa wasinmanta Diospa Arcanta kusikuywan Jerusalenman David apachimurqa.

1~Reyes 8:29

Tuta punchawyá kay templota qaway, kay templomantam nirqanki: “Chaypim sutiy reqsisqa kanqa”, nispa. Chaynaqa, serviqnikipa kay lugarmanta mañakusqantayá uyariykullaway.

1~Reyes 8:43

hanaq pachapi wasikimanta uyariykamuy, hinaspayá chay runapa mañakususqaykiman hina ruwaykuy, chaynapi kay pachapi llapallan runakuna sutikita reqsispanku Israel runaykikuna hina manchakusunaykipaq, chaynapim kay ruwachipusqay templopi sutiki hatunchasqa kasqanta yachanqaku.

1~Reyes 9:3

Hinaspanmi nirqa: Mañakuwasqaykitawan qayakuwasqaykitam uyariykuni. Kay templo ruwasqaykitam ñoqapaq sapaqcharuni chaypi wiñaypaq sutiyta reqsichinaypaq, sapa punchawmi nanachikuspay waqaychasaq.

2~Reyes 5:17

Chaymi Naamán nirqa: Ama hina kaspayá kay llaqtaykipi allpata iskay mulapi apanaypaq qoykuway. Kunan punchawmantam kay serviqnikiqa Tayta Diosllapaqña animalkunata kañapusaq, manañam wakin dioskunamanqa ofrecesaqñachu, aswanqa Tayta Diosllapaqñam.

2~Crónicas 12:13

Rey Roboammi munaychakuyninta allinta takyachispan Jerusalén llaqtapi munaychakurqa. Payqa tawa chunka hukniyuq watanpim munaychakuyta qallaykurqa, hinaspam chunka qanchisniyuq wata Jerusalén llaqtapi munaychakurqa. Jerusalén llaqtatam Israelpi llapallan ayllukunamanta Tayta Dios akllakurqa sutin chaypi reqsisqa kananpaq. Roboampa mamanmi karqa Amón nacionniyuq Naama.

2~Crónicas 6:6

Ichaqa Jerusalén llaqtatam akllarqani chaypi sutiy reqsisqa kananpaq, Davidtañataqmi akllarqani Israel llaqtaypi munaychakunanpaq”, nispa.

2~Crónicas 7:16

Kunanmi akllakuspay kay templota ñoqallapaqña sapaqchani sutiy wiña-wiñaypaq reqsisqa kananpaq. Kay templotaqa qawaspaymi tukuy sonqoywan nanachikusaq.

Esdras 6:12

Tayta Diosyá tuñichichun mayqan nacionpas chaynataq mayqan reypas kay kamachikuyniyta yanqachaspan Tayta Diospa Jerusalenpi kaq templonta tuñichiptinqa. Ñoqa Dariom kay kamachikuyta qoni, chaynaqa ruwasqapuni kachun”, nispa.

Nehemías 1:9

Ñoqaman kutirikamuspa kamachikuyniykunata kasukuptikichikqa, karu llaqtakunapi cheqechisqa kasqaykichikmanta huñumuspaymi, sutiy hatunchasqa kananpaq akllasqay sitioman kutichimusqaykichik”, nispayki.

Éxodo 10:25

Hinaptinmi Moisés nirqa: Qanmi animalkunataqa qowankiku Señorniyku Tayta Diospaq sacrificaspa ofrecemunaykupaq.

Éxodo 18:12

Hinaspam Jetroqa huk animalta apamuspan lliw kañana ofrendatawan chaynataq huk rikchaq ofrendakunatapas Diosman ofrecerqa. Chaymanmi Aaronpas chaynataq Israelpa llapa ancianonkunapas hamurqaku, Diospa qayllanpi Moisespa suegronwan mikunankupaq.

Éxodo 20:25

Rumimanta altarta ruwapuwaspaykiqa, amam labrasqa rumimantaqa ruwankichu, herramientawan labraspaykiqa manam yupaychawanaykipaq hinachu ruwach-kanki.

Éxodo 24:4

Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam.

Éxodo 24:5

Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq.

Éxodo 27:1

Huk cuadrado altartam acacia tablamanta ruwanki, largonpas anchonpas iskay metro cuartonmi kanqa, sayayninñataqmi huk metro cuarton.

Isaías 64:5

Qamqa kusikuywan allinkuna ruwaqkunamanmi, munasqaykiman hina kawsaqkunaman taripaykunki. Ichaqa unay watakunam huchallapi kawsaspayku piñachirqaykiku, chaynaqa ¿imaynataq salvasqa kaymanku?

Levítico 17:9

ñoqa Tayta Diosman ofrecewananpaq asuykuwananku carpaman mana apamuspaqa, llaqtamanta chinkachisqam kanqa.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Mateo 18:20

Maypipas iskayllapas otaq kimsallapas ñoqapa sutiypi huñunakuptinkuqa, paykunapa chawpinpim ñoqapas kachkani, nispan.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Deuteronomio 12:11

Señornikichik Tayta Diospa sutin reqsisqa kananpaq, kikinpa akllasqan sitiopi, imaynam kamachisqayman hina, lliw kañana sacrificiota, wakin ofrendakunata, diezmoykichikkunata, ofrendaykichikkunata chaynataq payman prometesqaykichik allinnin kaqkunatapas ofrecenkichik.

Deuteronomio 12:21

Señornikichik Tayta Diospa akllasqan sitio qamkunapa yachasqaykichikmanta karupiraq kaptinqa, Tayta Diospa qosusqaykichik vacaykichikta, ovejaykichikta nakaspam kamachisqayman hina munasqaykichikta llaqtaykichikpi mikunkichik.

Deuteronomio 12:5

Aswanqa llapallan ayllukunapa allpanmantam huk sitiota Señornikichik Tayta Dios akllanqa, chaypim sutinta reqsichispa yachanqa, chayman rispam yupaychamunkichik.

Deuteronomio 14:23

Trigomanta, vinomanta hinaspa aceitemanta rakisqaykichik diezmotawan, vacaykichikmanta hinaspa ovejaykichikmanta hurqosqaykichik punta uñankunatam Señornikichik Tayta Diospa qayllanpi mikunkichik, mikunkichikqa sutin reqsisqa kananpaq akllakusqan sitiopim, chaynapi pay kasukuyta yachanaykichikpaq.

Deuteronomio 16:11

Señornikichik Tayta Diospa qayllanpim hatun fiestata ruwaspa churikichikkunawan, criadoykichikkunawan, criadaykichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan hinaspa viudakunawan kuska kusikunkichik. Chaytaqa Señornikichik Tayta Diospa akllasqan sitiopim ruwankichik.

Deuteronomio 26:2

chay allpapi tarpusqaykichikpa punta rurunkunatam Señornikichik Tayta Diospa santuarionman canastapi apankichik.

Deuteronomio 7:13

Payqa kuyasuspaykichikmi bendecisunkichik hinaspam mirachisunkichik. Bendecinqataqmi wawa-churikichiktapas, allpaykichikpa ruruntapas, trigoykichiktapas, vinoykichiktapas, aceitekichiktapas, vacaykichikpa hinaspa ovejaykichikpa uñankunatapas. Chaynataqa ruwanqa ñawpaq taytaykichikman qonanpaq jurasqan allpapim.

1~Timoteo 2:8

Ñoqam munachkani tukuy hinastinpi kaq runakuna makinkuta hoqaris-panku Diosta chuya sonqolla mañaku-nankuta, chaytaqa ruwachunku ama piñakuspa hinaspa ama atipanakuspa.