Éxodo 20:2 - CHUYA QELLQA La Biblia en Quechua de Ayacucho 2012

² Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Quechua Ayacucho Bible 1987

² —Ñoqam kani yupaychasqaykichik Tayta Dios, Egipto nacionpi sirviente kasqaykichikmantam horqomurqaykichik.

Chuya Qellqa 1992

² Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 20:2 Iomraidhean Croise

1~Reyes 18:39

Llapa runakunañataqmi chayta rikuruspanku qonqoranpa pampaman kumuykuspa nirqaku: ¡Tayta Diosmi cheqap Diosqa, Tayta Diosmi cheqap Diosqa! nispanku.

2~Reyes 17:12

“Qamkunaqa amam chaynakunataqa ruwankichikchu” nispa Tayta Dios nichkaptinpas idolokunatam yupaycharqaku.

2~Reyes 17:7

Chaykunaqa Israel runakunata pasarqa Egiptopa reynin Faraonpa makinmanta hurqomuqninku Tayta Diospa contranpi huchallikuspanku tukuy rikchaq idolokunataña yupaychasqankuraykum;

2~Crónicas 28:5

Chayraykum Siria nacionpa reyninman Tayta Dios qoykurqa. Siria runakunam venceruspanku achka-achkata presocharuspa Damasco llaqtaman aparqaku. Tayta Diosqa qoykurqataqmi Israel nacionpa reyninmanpas, hinaptinmi paypas pasaypaqta vencerurqa.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 15:13

Kuyakuynikiman hinam kay librasqayki llaqtaykita pusawachkankiku, hatun atiynikiwanmi yachanayki wasiman pusawachkankiku.

Éxodo 15:16

Dios Taytallayku, paykunaqa mancharikuymanta katkatatachunku, hatun atiynikirayku rumi hina upallachunku; runaykikuna pasanaykukama upallachunku, kay rantisqaykikuna pasanaykukama upallachunku.

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Éxodo 20:1

Diosmi tukuy kaykunata rimarispan nirqa:

Éxodo 29:46

Chaynapim ñoqa Tayta Dios, Diosninku kasqayta yachanqaku. Chawpinkupi yachanaypaqmi Egipto nacionmanta paykunata hurqomurqani. Ñoqa Tayta Diosmi, Diosninku kani.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Isaías 43:3

Ñoqaqa salvaqniki Tayta Diosmi kani, Israelpa Chuya Diosninmi kani. Rantikipim Egipto nacionta pagarqani, rantikipim Etiopía naciontawan Seba nacionta qoykurqani.

Jeremías 16:14

Ñoqa Tayta Diosmi nini: Chaywanpas hamuchkanmi punchaw, Israelpa mirayninkunata Egiptomanta hurqomuq ñoqa Tayta Diospa sutiypi manaña juranankupaq.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 34:13

Ñoqa Israelpa yupaychasqan Tayta Diosmi kaynata nini: Ñawpaq taytaykichikkunata Egipto nacionpi esclavo kachkaptinku hurqomuspaymi, paykunawan pactota ruwarqani. Hinaspaymi kamachirqani:

Ezequiel 20:19

Ñoqam kani yupaychasqaykichik Tayta Diosqa, decretoykunata kasukuspa kamachikuyniykunata ruwayman churaychik.

Ezequiel 20:5

Ñoqa Tayta Diospa nisqayta kaynata niy: Israelta akllakusqay punchawmi mirayninkunaman Egipto nacionpi reqsichikurqani, hinaspaymi jurarqani “ñoqa Tayta Diosmi, Diosnikiqa kani”, nispa.

Ezequiel 20:7

Hinaspam llapallankuta kamachirqani millakuypaq idolonkunata wischu-nankupaq chaynataq Egipto nacionpa cheqnipay idolonkunawanpas ama qachachakunankupaq. Chaynataqa kamachirqani paykunapa Diosninku kasqayraykum.

Oseas 12:10

Profetakunatam rimapayarqani anchallatañam profetizarqaku, rikchanachiykunawanmi profetankunatakama rimapayarqani.

Oseas 13:4

Ñoqaqa Señornikichik Tayta Diosmi kani, Egiptopi kasqaykimantaraqmi Diosnikichik kani. Ñoqamanta huk Diostaqa manam reqsirqankichikchu, ñoqamanta hukqa manam pipas salvasunkichikmanchu.

Levítico 11:45

Diosnikichik kanaypaqmi Egipto nacionmanta ñoqa Tayta Dios hurqomurqaykichik. Chaynaqa, chuya kasqayraykuyá qamkunapas chuya kaychik, nispa.

Levítico 19:36

Balanzaykichikpas, pesoykichikpas, tupunaykichikpas chaynataq litroykichikpas cabalmi kanqa. Ñoqa Tayta Diosmi Egipto nacionmanta hurqomurqaykichik.

Levítico 23:43

Chaynapim qepa wiñay miraynikichikkuna yachanqaku ñawpaq taytankuta Egiptomanta hurqomuspay carpakunapi kawsachisqayta. Ñoqa Tayta Diosmi Diosnikichik kani, nispa.

Levítico 25:38

Ñoqa Tayta Diosnikichikmi Egipto nacionmanta hurqomurqaykichik Canaán allpata qonaypaq hinaspa Diosnikichik kanaypaq.

Levítico 25:42

Paykunaqa Egipto nacionmanta hurqomusqay serviqniykunam, criado hinaqa manam rantikusqaqa kanqakuchu.

Levítico 25:55

Israelpa mirayninkunaqa serviqniykunam, paykunataqa serviqniy kasqankuraykum Egipto nacionmanta hurqomurqani. Ñoqa Tayta Diosmi Diosnikichik kani.

Levítico 26:1

Amam idolokunataqa ruwankichikchu, nitaqmi llaqtayki ukupiqa rumimanta llaqllasqa ima idolotapas sayachinkichikchu. Chaykunapa qayllanpiqa amataqmi qonqorakunkichikchu. Ñoqaqa Tayta Diosmi kani.

Levítico 26:13

Ñoqa Tayta Diosmi Egipto nacionmanta hurqomurqaykichik manaña paykunapa criadon kanaykichikpaq. Yugota pakipachkaq hinam criado kasqaykichikmanta libramurqaykichik, hinaspam qari-qarillataña purichirqaykichik.

Romanos 10:12

Chaynaqa, judiokunawan mana judío kaqkunapas chay hinallam kanku. Señorninchikqa lliwchanchikpaqmi chullalla. Payqa haykam mañakuqkunamanmi chaninninpi qon.

Romanos 3:29

Chaynaqa, Diosqa ¿judiokunapa Diosnillanchu? ¿Manachu wakiq runakunapapas Diosninku? Arí, paykunapapas Diosninkum.

Deuteronomio 13:10

Egipto nacionpi esclavo kasqaykimanta hurqomusuqniki Señornikichik Tayta Diosmanta rakiy munasusqaykimantam wañunankama rumiwan chamqapanki.

Deuteronomio 15:15

Egipto nacionpi esclavo kasqaykichik-manta Señornikichik Tayta Dios hurqomususqaykichiktam yuyarinkichik. Chayraykum chaynata kunan kamachikichik.

Deuteronomio 20:1

Sichum guerrapi peleaq lloqsispaykichik, enemigoykichikpa caballonkunata, carretankunata chaynataq tropankunata qamkunamantapas aswan achka-achka kasqanta qawaykuspaykichikqa amam manchakunkichikchu. Egipto nacionmanta hurqomusuqninchik Señornikichik Tayta Diosmi yanapasunaykichikpaq qamkunawan kachkan.

Deuteronomio 5:15

Egipto nacionpi esclavo kasqaykitayá yuyariy, chaymantam ñoqa Señorniki Tayta Dios hatun atiyniywan chaynataq hatun castigowan hurqomurqayki. Chayraykum ñoqa Señorniki Tayta Dios kamachiki samana punchawta waqaychanaykipaq.

Deuteronomio 5:6

Ñoqam kani Señorniki Tayta Diosqa, Egipto nacionpi esclavo kasqaykimanta hurqomusuqniki.

Deuteronomio 7:8

Tayta Diosmi qamkunata kuyaspa chaynataq ñawpaq taytaykichikman jurasqanta cumplispan, Egipto nacionpi esclavo kasqaykichikmanta hurqomusurqankichik, hinaspam hatun atiyninwan rey Faraonpa munaychakuyninmanta hurqomusurqankichik.

Jueces 2:1

Gilgal llaqtamanta Boquim lawman Tayta Diospa angelnin rispanmi Israelpa mirayninkunata nirqa: Ñoqam Egipto nacionmanta hurqo-murqaykichik, hinaspam ñawpaq tay-taykichikman prometispa qosqay allpaman pusamurqaykichik. Paykunamanmi nirqani: “Qamkunawan pacto ruwasqaytaqa manam yanqachasaqchu,

Jueces 6:10

Nirqayki-chiktaqmi: “Ñoqam qamkunapa Dios-nikichik kani, amorreokunapa diosninkutaqa amam manchakunkichikchu, paykunapa allpanpim kunan yacha-chkankichik”, nispay. Qamkunam ichaqa mana kasukurqankichikchu, nispa.