Éxodo 20:18 - CHUYA QELLQA La Biblia en Quechua de Ayacucho 2012

¹⁸ Llapallan runakunam rayokunata hinaspa trompetapa waqasqanta uyarirqaku, qawarqakutaqmi llipyakunatawan orqopa qosnisqantapas. Chaymi manchakuspanku karullapi sayarqaku.

Quechua Ayacucho Bible 1987

¹⁸ Llapallan runakunam uyarirqaku rayokunata hinaspa cornetapa waqasqanta, qawarqakutaqmi llipyakunatawan orqopa qosnisqantapas. Chaymi runakuna manchakuspanku karullapi sayarqaku.

Chuya Qellqa 1992

¹⁸ Llapallan runakunam rayokunata hinaspa trompetapa waqasqanta uyarirqaku, qawarqakutaqmi llipyakunatawan orqopa qosnisqantapas. Chaymi manchakuspanku karullapi sayarqaku.

Éxodo 20:18 Iomraidhean Croise

Génesis 15:17

Inti seqaykuyta sinchita tutayaruptinmi rikurirurqa huk qosnichkaq hornowan lenwachkaq nina, hinaspam chitqasqa animalkunapa chawpinta pasarqa.

Génesis 3:10

Chaymi payñataq nirqa: Huertapi voznikita uyariruspaymi, qalalla kasqayta qawakuykuspay mancharikurqani, nispa.

Jeremías 23:23

Ñoqa Tayta Diosmi kaynata nini: Ñoqaqa hichpaykichikpi kaspa otaq karupi kaspapas Diosnikichikmi kani.

Deuteronomio 18:16

Kaytam Horeb orqopi hu-ñunakuptinchik mañakuspa nirqankichik: “Señornikichik Tayta Diospa rimasqantaqa amañayá huktawanqa uyarisaqkuñachu, nitaq ninapa hatun rupariynintapas rikusaqkuñachu, chaynapi mana wañurunaykupaq”, nispaykichik.

Deuteronomio 4:36

Hanaq pachamantam yachachisunaykichikpaq rimapayamusurqankichik, kay pachapiñataqmi rupachkaq ninata qawachisurqankichik, hinaptinmi chay ninapa ukunmanta rimamusqanta uyarirqankichik.

Deuteronomio 5:23

Tutayay ukumanta lloqsimuq rimariyta uyarispaykichikmi chaynataq orqotapas rupachkaqta rikuspaykichikmi, qamkunapas, kamachikuqkunapas chaynataq ancianokunapas ñoqaman hamuspa niwarqankichik:

Deuteronomio 5:25

Chaywanpas, ¿imamantamá kay mancharikuypaq ninapa rupasqanqa chinkasaqku? Sichum Señorninchik Tayta Diospa rimamusqanta yapatawan uyarispaqa wañurusaqkum.

Deuteronomio 5:27

Chaynaqa, qamllayá Señorninchik Tayta Diosman asuykuspa tukuy nimususqaykita uyarimuy hinaspa willawanaykikupaq, chaynapi kamachimususqaykita kasukunaykupaq”, nispa.

Deuteronomio 5:5

Chaypiqa ñoqam karqani Tayta Diospa hinaspa qamkunapa chawpikichikpi, chaynapi Tayta Diospa imam nimuwasqanta qamkunaman willanaypaq. Qamkunaqa rupachkaq ninata manchakuspaykichikmi orqoman mana seqarqankichikchu. Chaypim Tayta Dios nirqa: