Éxodo 20:17 - CHUYA QELLQA La Biblia en Quechua de Ayacucho 2012

¹⁷ Amam munapayankichu runamasikipa wasinta, warminta, criadanta, criadonta, toronta, asnonta nitaq ima kapuqnintapas, nispa.

Quechua Ayacucho Bible 1987

¹⁷ —Amam munapayankichu runamasikipa wasinta, amam munapayankichu runamasikipa warminta nitaq sirviententapas nitaq sirvientantapas nitaq asnontapas nitaq runamasikipa imantapas.

Chuya Qellqa 1992

¹⁷ Amam munapayankichu runamasikipa wasinta, warminta, criadanta, criadonta, toronta, asnonta nitaq ima kapuqnintapas, nispa.

Éxodo 20:17 Iomraidhean Croise

Génesis 14:23

Manam qampa kaqtaqa ni huk qaytullantapas nitaq usutaykipa watullantapas hapisaqchu, nispay. Yanqañataqmi niwaq: “Ñoqam Abramtaqa apuyarachirqani”, nispayki.

Génesis 3:6

Chaymi warmi qawaykurqa chay sachapa rurunqa mikunapaq hina kasqanta hinaspa yachayta haypanapaqpas munayllapaqña kasqanta, chaymi rurunta pallaykuspan mikururqa, qosanmanpas qoykuptinmi paypas mikururqa.

Génesis 34:23

Chaynapim llapa kapuqninkupas chaynataq animalninkupas ñoqanchikpaqña kanqa. Ichaqa paykunawanyá allinta tanteanakusun ñoqanchikwan yachanankupaq, nispanku.

Jobwan Sutichasqa Libro 31:1

Ñawiywanmi contratota ruwarqani sipaskunata mana munapayanaypaq.

Jobwan Sutichasqa Libro 31:9

Sichum sapaq warmiwan engañarachikuptiyqa, sichum vecinoypa warminta munapayaptiyqa

Proverbios 4:23

Tukuy ima waqaychasqaykimantapas, aswanqa sonqoykitayá waqaychay, chaymantam imayna kawsaypas lloqsimun.

Proverbios 6:29

Runamasinpa warminwan puñuruq runaqa, cheqaptapunim castigasqa kanqa.

Eclesiastés 4:8

Mana wawqeyuq, mana churiyuq, mana piniyuq runatam rikurqani. Mana samaykuspam llamkan, tukuy imayuq kasqanwanpas manam contentakunchu. Payqa manam tapukunchu: “¿Pipaqtaq kusikuytapas qepancharispay kaynataña llamkani?” nispaqa. Chaypas waspiy hina chinkaruqllam.

Isaías 33:15

Isaiasñataqmi nirqa: Allinkunata ruwaspa cheqap rimaqmi, engañowan qollqe ganayta mana munaqmi, sobornota mana chaskikuy munaqmi, runa wañuchiqkunapa consejasqanta mana uyariqmi, mana allinkunata mana qawaq munaqmi,

Isaías 57:17

Engañaspa mana allinkunata ruwasqanraykum piñakuspay Israelta ñakarichirqani, piñakuyniypim paymanta pakakurqani; aswanqa paymi mana kasukuq rikurirurqa, munasqallan ruwaymanmi qokururqa.

Jeremías 22:17

Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Jeremías 5:8

Yeguapa qepanki potro caballokuna hinaraqmi runamasinkupa warminta qatikachaspa weqeqeqenku, nispa.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Miqueas 2:2

Paykunam hukpa chakranta otaq wasintapas munaruspaqa suwaypawan qechuruspa hapikuykunku, dueñontapas aylluntinta ñakarichispam lliw herencianta qechurunku, nispa.

Habacuc 2:9

Suwakuspalla wasinta huntachikuq runa, mana allinmanta ayqenanpaq alto-altopi qesanta ruwakuruq runa, ¡imallapiraq rikukunki!

Mateo 20:15

¿Manachum qollqeywanqa munasqayta ruwayman? ¿Icha allin runa kasqaywanchu envidiakunki? nispa.

Mateo 5:28

Ñoqam ichaqa nikichik: Pipas warmita munapayaspan qawaqqa sonqonpim waqllikurunña.

Lucas 12:15

Nirqataqmi: Qollqella kuyaymanta cuidakuychik. Runaqa manam tukuy imayuq karuspachu allinta kawsanqa, nispa.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Hechos 20:33

Ñoqaqa manam pipa qollqentapas, qorintapas nitaq pachantapas muna-payarqanichu.

Hechos 5:4

¿Manachum chakraykiqa qampa karqa? Ña rantikuruptikiqa, ¿manachum makillaykipi chay qollqeqa karqa? Manam runakunatachu llullakurunkiqa, aswanqa Diostam, nispa.

Romanos 13:9

Kaynatam wakin kamachikuykunapas niwanchik: Amam waqllikunkichu, amam wañu-chinkichu, amam suwakunkichu [amam llullataqa willakunkichu], nitaqmi pipa imantapas munapayankichu, nispa. Kay kamachikuywan wakin kaqkunaqa hukllawakun: “Runamasikitam kikikita hina kuyanki” niq kamachikuypim.

Romanos 7:7

Hinaptinqa, ¿imanisuntaq? ¿Leyqa huchachum? ¡Manapunim! Mana ley kaptinqa manachá yachaymanchu karqa imam huchallikuy kasqantapas. Manachá yachaymanchu karqa runapa kaqnin munapayayqa hucha kasqanta: “Amam munapayankichu” nispa ley mana niptinqa.

1~Corintios 6:10

nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

Efesios 5:3

Qamkunaqa Diospa sapaqchakusqanmi kankichik, chaynaqa amañayá rimayllapas rimariychikchu huchapakuymantaqa chaynataq millakuypaq kaqkunamanta nitaq qollqella kuyay huchakunamantapas.

Efesios 5:5

Kaytayá yachaychik: Pipas huchapakuqkunaqa, millakuypaq hucha ruwaqkunaqa hinaspa idolokuna yupaychaq hina qollqella kuyaqkunapas, Cristopa hinaspa Diospa munaychakusqanmanqa manam yaykunqachu.

Deuteronomio 5:21

Amam runamasikipa warmintaqa munapayankichu, nitaq wasintapas, allpantapas, criadontapas, criadantapas, torontapas, asnontapas nitaq imantapas, nispa.

Deuteronomio 7:25

Llapa idolonkunatapas kañankichikmi, chay idolokunata llusichisqanku qorita qollqetapas amam munapayankichikchu, yanqam urmachisunkichikman, Señornikichik Tayta Diospa qayllanpiqa chaykunaqa millakuypaqmi.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Josué 7:21

Jericó llaqtamanta apamusqanchik kaqkunamantam, Babiloniamanta kaq kuyayllapaq capata, iskay chunka kimsayuq kilo qollqeta hinaspa medio kilo pesaq qorita rikururqani. Chaykunatam kuyaruspay hapikurqani, hinaspaymi carpaypa chawpinpi allpa ukupi pamparurqani, qollqepas chaykunapa ukunpim pakasqa kachkan, nispa.

1~Samuel 12:3

Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.

1~Samuel 15:19

¿Imanasqataq Tayta Diospa kamachisusqaykitaqa mana kasukurqankichu? ¿Imanasqataq Amalec runakunapa allinnin animalninkunata puchuykamuspa Diospa ñawpaqninpi mana allinta ruwarunki? nispa.