Éxodo 2:23 - CHUYA QELLQA La Biblia en Quechua de Ayacucho 2012

²³ Watakuna pasaruptinmi Egipto nacionpi rey wañururqa. Israelpa mirayninkunañataqmi esclavo kasqankurayku llumpay ñakariypi karqaku, chaymi waqaspanku Diosta mañakurqaku.

Quechua Ayacucho Bible 1987

²³ Achka wata pasaruptinmi Egipto nacionpi chay rey wañururqa. Israelpa mirayninkunañataqmi sonqonkumanta llakikurqa sirviente kasqankurayku chaymi waqaspanku mañakurqaku Diosta.

Chuya Qellqa 1992

²³ Watakuna pasaruptinmi Egipto nacionpi rey wañururqa. Israelpa mirayninkunañataqmi esclavo kasqankurayku llumpay ñakariypi karqaku, chaymi waqaspanku Diosta mañakurqaku.

Éxodo 2:23 Iomraidhean Croise

Génesis 16:11

Wiksayuqmi kachkanki, qari wawata wachakuspaykim Ismaelwan sutichanki. Waqasqaykitam Tayta Dios uyarirusunki.

Génesis 4:10

Hinaptinmi Tayta Dios nirqa: ¿Imatataq kayta ruwarunki? Wawqekipa allpaman chaqchusqayki yawarninmi justicia ruwanaypaq qaparispa qayakamuwan.

Nehemías 9:9

Egipto nacionpi imaynam taytaykupa ñakarisqantam qawarqanki, Puka lamar qochapa patanpi qayakusqankutam uyarirqanki.

Jobwan Sutichasqa Libro 35:9

Runakunaqa llumpayta ñakarispankum qayakunku, paykunaqa munaychakuqkunapa makinmanta librasqa kanankupaqmi qayakunku.

Éxodo 1:14

Mana aguantay atina sasallaña llamkaykunawanmi ñakarichirqaku, mitu ruwaypi, adobe chutaypi hinaspa chakra llamkaykunapi. Chay ruwaykunapi llamkachispam Israelpa mirayninkunata llumpayta ñakarichirqaku.

Éxodo 4:19

Madián lawpi kachkaptinraqmi Moisesta Tayta Dios nirqa: Egipto nacionman kutiy, llapallan wañuchiy munasuqnikikunaqa wañurunkuñam, nispa.

Éxodo 6:5

Israelpa mirayninkunapa ñakarisqankutapas yachanim, paykunawanmi Egipto runakuna servichikuchkanku. Pacto ruwasqaytaqa manam qonqanichu,

Éxodo 6:9

Chaynatam Israelpa mirayninkunata Moisés rimapayarqa. Paykunam ichaqa Moisesta mana kasurqakuchu, sasallaña llamkaypi tarikuspanku llumpay pisipasqa kasqankurayku.

Éxodo 7:7

Faraonwan rimasqan tiempopim Moisesqa pusaq chunka watanpiña karqa, Aaronñataqmi pusaq chunka kimsayuq watanpiña karqa.

Isaías 19:20

Chay señalmi paykunapaq testigo kanqa Tayta Dios chawpinkupi kasqanta yachanankupaq. Chaymi ñakariyninkupi Tayta Diosta mañakuptinku salvaqninkuta kachamunqa, hinaptinmi paykunata libranqa.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Números 20:16

Chaymi Tayta Diosta qayakuptiyku uyariykuwaspanku angelninta kachamurqa hinaspam Egipto nacionmanta hurqoramuwarqaku. Kunanqa allpaykipa linderonwan tupaq Cades llaqta lawpiñam kachkaniku.

Hechos 7:30

Tawa chunka wata pasaruptinñam, Sinaí orqopa hichpan chunniqpi huk angelta rikururqa rupachkaq tankar kichkapi.

Deuteronomio 24:15

Llamkasqanmantaqa manaraqpas inti seqaykuytam hina chay punchawllapi pagaykapunki. Chay runaqa wakcha kasqanraykum llamkapakusqan qollqellawan kawsan, mana chaynata ruwaptikiqa Tayta Diosta qayakuptinmi huchayuq kawaq.

Santiago 5:4

Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.

1~Samuel 12:8

Jacobmi mirayninkunapiwan Egipto nacionman ripukurqa. Chaypim ñawpaq taytanchikkuna ñakarisqankurayku Diosta qayakurqaku. Hinaptinmi Tayta Dios kacharqa Moisestawan Aaronta, paykunam taytanchikkunata Egipto nacionmanta hurqomuspanku kay allpaman yachanankupaq churarqa.

1~Samuel 9:16

Paqarin kay horata hinam, Benjamín ayllumanta huk runata kachamusqayki, paytam aceitewan tallispa sapaqchanki Israel runaykunapa reynin kananpaq, paymi filisteokunamanta libranqa. Israel llaqtaypa ñakarisqantam qawani, chaymi mañakuyninku qayllayman chayaramun, nispa.