Éxodo 19:9 - CHUYA QELLQA La Biblia en Quechua de Ayacucho 2012

⁹ Chaymi Moisesta Tayta Dios nirqa: Ñoqam qanwan rimanaypaq yanay-yanay puyupi hamusaq, chaynapi runakuna uyarispanku tukuy tiempo qampi hapipakunankupaq, nispa. Moisesñataqmi runakunapa nisqanta Tayta Diosman willarqa.

Quechua Ayacucho Bible 1987

⁹ Chaymi Tayta Dios nirqa Moisesta: —Ñoqam hamusaq yanay-yanay puyupi qanwan rimanaypaq chaynapi runakuna uyarispanku tukuy tiempo qampi confiakunankupaq —nispa. Moisesñataqmi runakunapa nisqanta Tayta Diosman willarqa.

Chuya Qellqa 1992

⁹ Chaymi Moisesta Tayta Dios nirqa: Ñoqam qanwan rimanaypaq yanay-yanay puyupi hamusaq, chaynapi runakuna uyarispanku tukuy tiempo qampi hapipakunankupaq, nispa. Moisesñataqmi runakunapa nisqanta Tayta Diosman willarqa.

Éxodo 19:9 Iomraidhean Croise

1~Reyes 8:12

Hinaptinmi Salomón nirqa: Dios Taytalláy, qanmi nirqanki: “Tutayay puyu ukupim yachasaq”, nispa.

2~Crónicas 20:20

Paqarinnintinmi Tecoa chunniqman lloqsirqaku, chaymi lloqsichkaptinku rey Josafat sayarispan nirqa: Judá runakuna hinaspa Jerusalenpi kaqkuna uyariwaychik: Tayta Diosman hapipakuptikichikqa yanapawasunmi, profetakunapipas hapipakuychiktaq, hinaptinqa imapas allinmi lloqsisunkichik, nispa.

2~Crónicas 6:1

Hinaptinmi Salomón nirqa: Dios Taytalláy, qanmi nirqanki tutayay ukupim yachani, nispa.

Éxodo 14:31

Israel runakunaqa Tayta Diospa hatun atiyninwan Egipto runakunapa contranpi ruwasqanta qawaykuspankum Tayta Diosta manchakurqaku, hinaspam Tayta Diosman chaynataq serviqnin Moisespipas hapipakurqaku.

Éxodo 19:16

Kimsa kaq punchaw achikyaqmanmi rayokuna, llipyakuna karqa, yana puyukunañataqmi orqota tapaykurqa; hinaptinmi trompetakuna nisyuta waqaptin campamentopi llapallan runakuna manchakuymanta katkatatarqaku.

Éxodo 20:21

Runakuna karullapi sayanankukamam Moisesñataq Diospa kasqan yana puyu ukuman asuykurqa.

Éxodo 34:5

Tayta Diosñataqmi puyupi uraykamuspan Moiseswan karqa, hinaspam sutinta willarqa.

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

Éxodo 4:5

Kay señalwanmi creenqaku ñawpaq taytaykichik Abrahampa, Isaacpa hinaspa Jacobpa Tayta Diosnin qanman rikurisusqaykita.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Isaías 7:9

Samaria llaqtaqa Efrainpa otaq Israel nacionpa capitalninmi, Remaliaspa churin Pekañataqmi Samaria llaqtapa reynin. Sichu qamkunapas ñoqapi mana hapipakuspaqa manam unaytaqa takyankichikchu, nispa.

Números 12:5

Tayta Diosñataqmi carpaman uraykamurqa sayaq puyupa ukunpi, hinaspam carpapa punkunman Aarontawan Mariata qayarqa. Iskayninku asuykuptinkum

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Marcos 9:7

Hinaptinmi puyu rikuriykamuspa paykunata pampaykurqa, chay puyu ukumantam huk rimay uyarikamurqa: Paymi kuyasqay Churiy, payta uyariy-chik, nispa.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Deuteronomio 4:10

Horeb orqopi, Señornikichik Tayta Diospa qayllanpi kasqaykichik punchawpim Tayta Dios niwarqa: “Kay nisqaykunata uyarinankupaq runakunata huñumuy, chaynapi kay pachapi kawsananku punchawkama kasuwanankupaq hinaspa llapa churinkumanpas yachachinankupaq”, nispa.

Deuteronomio 4:36

Hanaq pachamantam yachachisunaykichikpaq rimapayamusurqankichik, kay pachapiñataqmi rupachkaq ninata qawachisurqankichik, hinaptinmi chay ninapa ukunmanta rimamusqanta uyarirqankichik.

Apocalipsis 1:7

Qawaychik, puyupim Cristo hamuchkan. Llapallan runakunam rikunqaku, rikunqakutaqmi espadawan tuksiqkunapas, kay pachapi llapallan runakunapas paymantam waqanqaku. Arí, chaynam kanqa. Amén.