Éxodo 19:6 - CHUYA QELLQA La Biblia en Quechua de Ayacucho 2012

⁶ Qamkunam sacerdoteykuna kankichik, ñoqallataña serviwanaykichikpaq sapaqchasqa llaqta”. Chaynatam Israelpa mirayninkunaman willamunki, nispa.

Quechua Ayacucho Bible 1987

⁶ Llapallaykichikmi ñoqapaq kankichik reyta serviq sacerdotekuna, ñoqallata serviwanaykichikpaq sapaqchasqa nacion.” Kay nisqaykunatam Israelpa mirayninkunaman willanki.

Chuya Qellqa 1992

⁶ Qamkunam sacerdoteykuna kankichik, ñoqallataña serviwanaykichikpaq sapaqchasqa llaqta”. Chaynatam Israelpa mirayninkunaman willamunki, nispa.

Éxodo 19:6 Iomraidhean Croise

1~Reyes 3:8

Chaywanpas akllakusqayki llaqtaykita nanachikunaypaqmi churaykuwanki, paykunaqa achkallaña kasqankuraykum manaña yupay atina kachkanku.

1~Reyes 8:53

Señorllayku, Dios Taytallayku, qanmi kay pachapi llaqtakunamanta paykunata herenciayki kananpaq rakirqanki. Chaynatam serviqniki Moisesnintakama nirqanki ñawpaq taytaykuta Egipto nacionmanta hurqomuspayki, nispa.

1~Crónicas 17:22

Qanmi Israelta wiñaypaq llaqtayki kananpaq takyachirqanki, Dios Taytalláy, qanmi Diosnin kanki.

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Éxodo 22:31

Qamkunaqa ñoqallapaqña sapaqchasqa runakunam kankichik, chayraykum aycha mikuq purun animalkunapa wañuchisqan animalpa aychantaqa ama mikunkichikchu, chay aychataqa allqokunamanmi wischuykunkichik.

Éxodo 28:36

Huk letrerotam qorimanta ruwanki hinaspam sellopi hina qellqanki “Tayta Diospaq sapaqchasqa” niqta.

Isaías 43:4

Qamtaqa allinpaqmi qawayki ancha kuyasqaymi kanki, rantikipim runakunata pagarqani, vidaykiraykum nacionkunata qoykurqani.

Isaías 61:6

Qamkunaqa “Tayta Diospa Sacerdoten” nispa sutichasqam kankichik, “Diospa Serviqnin” nispa sutichasqam kankichik. Wakin nacionkunapa kapuqninkunatam mikunkichik, paykunapa reqsisqa kayninwanmi alabakunkichik.

Isaías 62:12

Israeltam sutichanqaku: “Tayta Diospa librasqan chuya llaqta” nispanku. Jerusalentañataqmi sutichanqaku: “Sumaq waqaychasqa munayllapaqña llaqta”, nispanku.

Isaías 66:21

Tayta Diosmi nin: Paykunamantam sacerdotekuna hinaspa levitakuna kanankupaq akllasaq, nispa.

Jeremías 13:11

Imaynam huk runa chumpita weqawninman watakurun, chaynatam Israel runakunatawan Judá runakunatapas ñoqaman watasqata hatallirqani, chaynapi runaykunaña kaspanku wakin runakunaman sutiyta reqsichinankupaq, yupaychawaspanku hatunchawanankupaq. Ichaqa manam kasuwarqakuchu. Ñoqa Tayta Diosmi chaynata nini.

Jeremías 2:3

Israel runakunaqa sapaqchakusqaymi karqankichik, cosechaypa punta kaq rurunmi karqankichik. Pipas dañasuqnikikunataqa, hatun sasachakuykunawanmi ñakarichirqani, nispa. Ñoqa Tayta Diosmi chaynata nini.

Jeremías 7:23

Paykunataqa kaynatam nirqani: Nisqaykunata kasu-kuptikichikqa ñoqam Diosnikichik ka-saq qamkunañataqmi llaqtay kanki-chik, nisqaykunaman hinayá kawsaychik, chaynapi ima ruwasqaykichikpas allin kananpaq.

Levítico 20:24

Chayraykum nikichik: Qamkunam paykunapa allpanpi munaychakunkichik, kikiypunim qosqaykichik tukuy imakunapapas kasqan allpata. Ñoqam wakin nacionkunamanta rakiqnikichik Tayta Dios kani, nispa.

Levítico 20:26

Qamkunaqa chuyayá kaychik ñoqa Tayta Diospas chuya kasqayrayku, ñoqam wakin nacionkunamanta sapaqcharqaykichik ñoqallapaqña kanaykichikpaq.

Levítico 21:23

Chuyay-chuyay lugarmanmi ichaqa ama yay-kunqachu, nitaqmi altarmanpas asuykunqachu, mana sano kasqanrayku. Chaynata ruwaspanqa santuarioytam qachachanman. Ñoqa Tayta Diosmi sacerdotekunataqa sapaqcharqani, nispa.

Amós 3:2

Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Hageo 2:5

Imaynam Egiptomanta lloqsimuptikichik qamkunawan pactota ruwasqayman hinam, Espirituy qamkunata yanapasunkichik, chaynaqa ama manchakuychikchu.

Números 16:3

Paykunam huñunakuruspanku Moisespa hinaspa Aaronpa contranpi kaynata nirqaku: ¡Qamkunapa munaychakuynikichikqa kaykamallayá kachun! Diosqa kay runakunataqa llapallantam sapaqcharqa, Tayta Diospas llapanchikwanmi kachkan. ¿Chaynaqa, imanasqataq qamkunalla Tayta Diospa llaqtanpi munaychakuchkankichik? nispanku.

Romanos 12:1

Chaynaqa, wawqe-panillay-kuna, Diosninchikpa llakipaya-kuyninraykum ruegakuykichik, cuer-poykichiktayá Diosman qoychik, kawsachkaq ofrendata hina hinaspa chuyata, paypa munasqanman hina. Kaynam cheqap yachaywan Diosta yupaychayqa.

1~Corintios 3:17

Sichum pipas Diospa templonta tuñichiqtaqa Diosmi paytapas tuñirachinqa, Diospa templonqa chuyam, chay temploqa qamkunam kankichik.

Deuteronomio 14:21

Kikillanmanta wañuruq animaltaqa amapunim mikunkichikchu. Chayku-nataqa llaqtaykichikpi yachaq huklaw llaqtayuqkunamanmi mikunanpaq qoy-kunkichik, manachayñataqmi puriqku-naman rantikurunkichik. Señornikichik Tayta Diospaq sapaqchasqa runankunañam qamkunaqa kankichik. Cabra uñataqa amam mamanpa lechenpiqa yanunkichikchu.

Deuteronomio 26:19

Paymi wakin nacionkuna hatarichisqanmantapas ancha reqsisqata chaynataq allin qawasqata ruwasunkichik. Chaymi Señornikichik Tayta Diospa nisqanpi hina payllapaqña sapaqchasqa kankichik.

Deuteronomio 28:9

Sichum kamachikuyninkunata ruway-man churaspa munasqanman hina kawsaptikichikqa, prometesusqaykichikman hinam Tayta Diosqa payllapaqña sapaqchasqan llaqtanta hina uywasunkichik.

Deuteronomio 7:6

Qamkunaqa Señornikichik Tayta Diospa sapaqchakusqan llaqtanmi kankichik. Tayta Diosmi kay pachapi llaqtakunamanta akllasurqankichik paypa kuyasqan llaqta kanaykichikpaq.

1~Tesalonicenses 5:27

Señorpa sutinpim kamachikichik, llapallan iñiqkunapaqyá kay cartata leeychik.

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Apocalipsis 1:6

Paymi reykunataña hinaspa sacerdotekunataña churaykuwanchik, Taytanta servinanchikpaq. Paytayá qapaqchasunchik hinaspa hatunchasunchik wiña-wiñaypaq. Amén.

Apocalipsis 20:6

Mayna kusisqam hinaspa chuyataqmi kanku punta kawsarimuypi kawsarimuqkunaqa. Iskay kaq wañuyqa manañam paykunataqa imananqañachu, aswanqa kanqaku Diospa hinaspa Cristopa sacerdotenkunañam, paykunaqa Cristowanmi waranqa wata munaychakunqaku.

Apocalipsis 5:10

Diosniykupaqmi munaychakuq sacerdotekunataña ruwawarqankiku, chaymi kay pachapi munaychakusaqku”, nispanku.