Éxodo 19:16 - CHUYA QELLQA La Biblia en Quechua de Ayacucho 2012

¹⁶ Kimsa kaq punchaw achikyaqmanmi rayokuna, llipyakuna karqa, yana puyukunañataqmi orqota tapaykurqa; hinaptinmi trompetakuna nisyuta waqaptin campamentopi llapallan runakuna manchakuymanta katkatatarqaku.

Quechua Ayacucho Bible 1987

¹⁶ Chay punchaw chayaramuptinmi achikyaqta rayokuna, llipyakuna, rakta yana puyukuna orqopa hawanpi karqa, cornetakuna sinchillataña waqaptinmi campamentopi kaq llapallan runakunapas katkatatarqaku.

Chuya Qellqa 1992

¹⁶ Kimsa kaq punchaw achikyaqmanmi rayokuna, llipyakuna karqa, yana puyukunañataqmi orqota tapaykurqa; hinaptinmi trompetakuna nisyuta waqaptin campamentopi llapallan runakuna manchakuymanta katkatatarqaku.

Éxodo 19:16 Iomraidhean Croise

2~Samuel 22:10

Cielota kicharispam tutay-tutay puyukunapa hawanta uraykamurqa.

2~Crónicas 5:14

Puyu huntarusqanraykum llapa sacerdotekunapas imam ruwanankutapas mana ruwayta atirqakuchu, temploman Tayta Diospa kanchariynin huntarusqanrayku.

Jobwan Sutichasqa Libro 38:25

¿Pitaq llipyapa rayopa ñanninta kicharqa? ¿Pitaq loco parapa ñanninkunata kicharirqa,

Éxodo 19:11

hinaspa mincha punchawpaq allichakuchunku; mincha punchawtam Sinaí orqopa hawanman, llapallan runakuna qawachkaptin ñoqa Tayta Dios uraykamusaq.

Éxodo 19:15

Runakunatam Moisés nirqa: Mincha punchawpaqmi allichakunkichik, chay punchawpaqqa amam warmikichikwanpas puñunkichikchu, nispa.

Éxodo 19:17

Moisesñataqmi Dioswan tupanankupaq llapa runakunata campamentomanta lloqsichimurqa, hinaptinmi orqopa ñawpaqninpi sayarqaku.

Éxodo 19:9

Chaymi Moisesta Tayta Dios nirqa: Ñoqam qanwan rimanaypaq yanay-yanay puyupi hamusaq, chaynapi runakuna uyarispanku tukuy tiempo qampi hapipakunankupaq, nispa. Moisesñataqmi runakunapa nisqanta Tayta Diosman willarqa.

Éxodo 20:18

Llapallan runakunam rayokunata hinaspa trompetapa waqasqanta uyarirqaku, qawarqakutaqmi llipyakunatawan orqopa qosnisqantapas. Chaymi manchakuspanku karullapi sayarqaku.

Éxodo 20:21

Runakuna karullapi sayanankukamam Moisesñataq Diospa kasqan yana puyu ukuman asuykurqa.

Éxodo 40:34

Hinaptinmi Diosman asuykuna carpata puyu tapaykuptin Tayta Diospa atiynin carpaman huntaykurqa.

Éxodo 9:23

Chaymi cieloman tawnanta Moisés haywarirqa, hinaptinmi rayokunata llipyakunata hinaspa runtu parata Egiptoman Tayta Dios chayachimurqa.

Jeremías 5:22

Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Nahúm 1:3

Tayta Diosqa mana chaylla piñakuruqmi, payqa ancha hatun atiyniyuqmi, huchayuq runataqa castiganqapunim; para-wayrapi chaynataq vientokunapipas puriqmi, puyukunapas purisqanpa polvonmi.

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Deuteronomio 5:5

Chaypiqa ñoqam karqani Tayta Diospa hinaspa qamkunapa chawpikichikpi, chaynapi Tayta Diospa imam nimuwasqanta qamkunaman willanaypaq. Qamkunaqa rupachkaq ninata manchakuspaykichikmi orqoman mana seqarqankichikchu. Chaypim Tayta Dios nirqa:

Hebreos 12:21

Mancharikuypaqmi kay qawasqankuqa karqa, chaymi Moisespas kaynata nirqa: “Mancharikuymantam katkatatachkani”, nispa.

Apocalipsis 1:10

Señorpa punchawninpi, Chuya Espiritupa atiyninwan kachkaspaymi, qepaypi trompetapa nisyu qapariyninta hina uyarirqani

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.

Apocalipsis 4:1

Chaymantam rikurqani hanaq pachapi punku kicharayachkaqta. Punta qayakuy uyarisqaymi trompetapa waqaynin hina karqa, ñoqawan rimaspanmi kaynata nirqa: ¡Kayman qespimuy, kaykunapa qepanman imakunam pasakunantaqa ñoqam qawachisqayki! nispa.

Apocalipsis 4:5

Chay tronomantam lloqsimusqa llipyakuna, rayokuna hinaspa qapariykuna. Trononpa ñawpaqninpiñataqmi rupachkasqa qanchis mecherokuna, chaykunaqa kasqa Diospa qanchis espiritunkunam.

Apocalipsis 8:5

Hinaspam chay angelqa hapisqan qontichinaman altarpa hawanmanta nina sansata hinaykuspan kay pachaman wikutiykamurqa hinaptinmi rayokuna, qapariykuna, llipyaykuna hinaspa terremoto karurqa.