Éxodo 19:11 - CHUYA QELLQA La Biblia en Quechua de Ayacucho 2012

¹¹ hinaspa mincha punchawpaq allichakuchunku; mincha punchawtam Sinaí orqopa hawanman, llapallan runakuna qawachkaptin ñoqa Tayta Dios uraykamusaq.

Quechua Ayacucho Bible 1987

¹¹ minchapaq allichakuchunku, mincham ñoqa Tayta Dios uraykamusaq Sinai Orqopa hawanman llapallan runakuna qawachkaptin.

Chuya Qellqa 1992

¹¹ hinaspa mincha punchawpaq allichakuchunku; mincha punchawtam Sinaí orqopa hawanman, llapallan runakuna qawachkaptin ñoqa Tayta Dios uraykamusaq.

Éxodo 19:11 Iomraidhean Croise

Génesis 11:5

Ichaqa Tayta Diosmi uraykamuspan runakunapa ruwasqan llaqtata chaynataq torretapas qawaykurqa.

Nehemías 9:13

Sinaí orqopa hawanmanmi uraykamurqanki, hanaq pachamantam paykunata rimapayamurqanki, reglamentoykikunatawan yachachikuynikikunatam qorqanki, estatutoykikunatawan allin kamachikuykunatam qorqanki.

Éxodo 19:16

Kimsa kaq punchaw achikyaqmanmi rayokuna, llipyakuna karqa, yana puyukunañataqmi orqota tapaykurqa; hinaptinmi trompetakuna nisyuta waqaptin campamentopi llapallan runakuna manchakuymanta katkatatarqaku.

Éxodo 19:18

Ninapi Tayta Dios uraykamuptinmi Sinaí orqo qosnirirqa hornopa qosniriynin hinaraq, orqontinmi sinchita katkatatarqa.

Éxodo 19:20

Tayta Diosmi Sinaí orqoman uraykamurqa, hinaspam Moisesta chayman rinanpaq qayamurqa, chaymi Moisés seqarqa.

Éxodo 24:16

Tayta Diospa atiyninmi Sinaí orqopa hawan-man tiyaykurqa. Soqta punchawmi orqota puyu taparurqa. Qanchis kaq punchawpiñataqmi puyu ukumanta Moisesta Tayta Dios qayamurqa.

Éxodo 24:17

Tayta Diospa atiynintam Israelpa mirayninkuna orqopa puntanpi lenwachkaq ninata hina rikurqaku.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Éxodo 34:2

Paqarinpaq alistakuy, paqarinmi Sinaí orqopa puntanman seqanki, chaypim ñoqawan tupasunchik.

Éxodo 34:5

Tayta Diosñataqmi puyupi uraykamuspan Moiseswan karqa, hinaspam sutinta willarqa.

Números 11:17

Uraykamuspaymi qanwan rimasaq, hinaspam qampi kaq espiritumanta paykunaman qosaq, chaynapi runakuna nanachikuypi yanapasunaykipaq. Chaynapim runakunamantaqa manaña qamllañachu nanachikunki.

Juan 3:13

Manam pipas hanaq pachataqa rirqachu, aswanqa runapa Churillanmi, paymi hanaq pachamanta uraykamurqa.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Deuteronomio 33:2

Tayta Diosmi Sinaí orqomanta hamurqa, Seir orqomantam inti hina achkirimurqa, Parán orqomantam kancharimurqa, waranqantin-waranqantin chuyakunapa chawpintam hamurqa, yachachikuyninkunatam rupachkaq ninata hina apamurqa.

Deuteronomio 4:10

Horeb orqopi, Señornikichik Tayta Diospa qayllanpi kasqaykichik punchawpim Tayta Dios niwarqa: “Kay nisqaykunata uyarinankupaq runakunata huñumuy, chaynapi kay pachapi kawsananku punchawkama kasuwanankupaq hinaspa llapa churinkumanpas yachachinankupaq”, nispa.

Josué 3:5

Hinaptinmi runakunata Josué nirqa: Chuyanchakuychik, paqarinmi qayllaykichikpi admirakuypaq kaqkunata Tayta Dios ruwanqa, nispa.