Éxodo 19:10 - CHUYA QELLQA La Biblia en Quechua de Ayacucho 2012

¹⁰ Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Quechua Ayacucho Bible 1987

¹⁰ Chaymi Tayta Dios nirqa: —Runakunaman rispayki kunan hinaspa paqarin punchaw preparamuy adorawanankupaq, pachankuta taqsakuspankuyá

Chuya Qellqa 1992

¹⁰ Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Éxodo 19:10 Iomraidhean Croise

Génesis 35:2

Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

2~Samuel 19:24

Saulpa willkan Mefi-bosetpas rey chaskiqmi lloqsirqa, payqa manam chakintapas mayllakurqachu, barbantapas manam siksikurqachu, nitaqmi pachantapas taqsakurqachu reypa lloqsisqan punchawmanta Jerusalenman hawkalla kutimunankama.

2~Crónicas 29:34

Ichaqa llapa sacerdotekunam aslla kasqankurayku mana kamakurqakuchu kañana animalkunapa qaran chustunankupaq, chayraykum wakin sacerdotekuna chuyanchakunankukama ayllunku levitakunaña yanaparqa. Levitakunaqa sacerdotekunamantapas chaylla chuyanchakuy munaqmi karqaku.

2~Crónicas 29:5

paykunata nirqa: ¡Yaw, levitakuna uyariwaychik! Kunanyá chuyanchakuychik hinaspa ñawpaq taytaykichikkunapa yupaychasqan Tayta Diospa templonta chuyanchaychik, santuariomantapas millakuypaq kaqkunata wischuychik.

Jobwan Sutichasqa Libro 1:5

Sapa convido tukuytam, Jobqa churinkunata qayachimuspan chuyanchaq. Tutapayta hatarispanmi sapa churinpaq huchankumanta mayllasqa kanankupaq animalta wañuchispa Diosman lliw kañana sacrificiota ofreceq. Sapa kutillam chaynata ruwaq sonqonpi kaynata nispan: Ichapas churiykunaqa imawanpas huchallikurunku, ichapas paykunaqa Diosta. sonqonkupi kamirunku, nispa.

Levítico 11:25

Pipas chay urukuna wañuruptin hoqariqqa pachantam taqsakunqa, hinaspam tutaykunankama millakuypaq kanqa.

Levítico 15:5

Chay onqoqpa camanta tupaykuqqa pachankunata taqsakuspanmi bañakunqa, payqa tutaykuqkamam millakuypaq kanqa.

Números 11:18

Llaqtata kamachiy paqarin chuyanchakunankupaq, chaynapi aychata mikunankupaq. Paykunatam uyarirqani: “Maypiraq aycha mikunanchikpaq”, nispa waqasqankuta. Uyarirqanitaqmi “Egipto nacionpiqa allinmi kakurqanchik”, nisqankutapas. Chaynaqa, ñoqam paykunaman mikunankupaq aychata qosaq.

Números 19:19

Chuya kaq runam kimsa kaq punchawpi chaynataq qanchis kaq punchawpi chay millakuypaq kaq runaman challanqa. Qanchis kaq punchawpi chuyancharuptinmi pachankunata taqsakuspan bañakunqa. Ichaqa tutaykunankamam millakuypaq kanqa.

Números 31:23

chaynataq imapas ninapa mana rupanan kaqtaqa chuyanchanaykichikpaqmi ninapi chulluchinkichik, hinaspam chuyanchana yakuwan mayllankichik. Ninapa rupanan kaqkunatañataqmi yakullawan mayllanki-chik.

Números 31:24

Qanchis kaq punchawpim pa-chaykichikta taqsaspa chuyaña kankichik, chaymantañam campamentoman kutiykunkichik”, nispa.

Números 8:21

Chaynapim Leví ayllukunaqa chuyanchakuspa pachankutapas taqsakurqaku, hinaptinmi Aaronñataq ofrendata hina Tayta Diospaq sapaqcharqa, hinaspam huchanku pampachasqa kananpaq sacrificiota ruwarqa.

Números 8:7

Paykunata chuyanchaspaykiqa kaynatam ruwanki: Paykunatam hucha mayllana yakuwan challanki hinaptinmi lliw cuerponkupi pelonkuta siksikunqaku, taqsakunqakutaqmi pachankutapas, chaynapim chuyanchasqa kanqaku.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

Hebreos 10:22

Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Josué 3:5

Hinaptinmi runakunata Josué nirqa: Chuyanchakuychik, paqarinmi qayllaykichikpi admirakuypaq kaqkunata Tayta Dios ruwanqa, nispa.

Josué 7:13

Hatarispayki runakunata chuyanchay hinaspa paqarinpaq chuyanchakamunankupaq kamachiy. Ñoqa Tayta Diosmi, Israelpa Diosninmi kaynata nini: Chinkachisqa kananpaq ñakasqa kaqkunam Israel ukupi kachkan. Chaykuna chawpikichikmanta chinkachisqa kanankamam enemigoykichikta mana venceyta atinkichikchu.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.

1~Samuel 16:5

Samuelñataqmi nirqa: Arí, Tayta Diosman sacrificio qoqmi hamuchkani, chaynaqa qamkunapas chuyanchakuychik sacrificiota Diosman qonanchikpaq, nispa. Chaymantam Isaitawan churinkunata chuyancharuspa sacrificiota ofrecenankupaq qayarqa.