Éxodo 18:23 - CHUYA QELLQA La Biblia en Quechua de Ayacucho 2012

²³ Sichum kaykunata ruwayman churanki, Diospas chaynata kamachisuptikiqa takyankim, runakunapas hawkallam wasinkuman kutikunqaku, nispa.

Quechua Ayacucho Bible 1987

²³ Amalaya Diospas chaynata kamachisunkiman, kayta ruraspaykiqa aguantankim, kay llapallan runakunapas hawkallam wasinkuman kutikunqaku.

Chuya Qellqa 1992

²³ Sichum kaykunata ruwayman churanki, Diospas chaynata kamachisuptikiqa takyankim, runakunapas hawkallam wasinkuman kutikunqaku, nispa.

Éxodo 18:23 Iomraidhean Croise

Génesis 18:33

Chaymantam Abrahamwan rimayta tukuruspan Tayta Dios pasakurqa, Abrahamñataqmi maymi kasqanman kutikurqa.

Génesis 30:25

Joseyta Raquel wachakuruptillanmi Labanta Jacob nirqa: Aviawayña llaqtayman ripukunaypaq,

2~Samuel 18:3

Ichaqa tropankunam nirqaku: Manapunim ñoqaykuwanqa riwaqchu, enemigonchiktaqa manam imapas qokunqachu ñoqayku lluptiptiykupas otaq wakin soldadokuna wañuptiykupas, qamqa chunka waranqa soldadomantapas mastam valenki. Aswanqa yanapamuwanaykikupaq llaqtapi qepay, nispanku.

2~Samuel 19:39

Reymi llapa runankunawan Jordán mayuta chimparurqaku. Hinaptinmi Barzilaita David muchaykuspan Tayta Diospa bendicionninta mañapurqa. Chaymantam Barzilaiqa wasinman kutikurqa.

2~Samuel 21:17

Ichaqa Sarviapa wawan Abisaimi Davidta yanapaspan chay filisteota wañurachirqa. Chaymi Davidpa soldadonkuna juraspa nirqaku: Kunanmanta ñawpaqmanqa manañam ñoqaykuwan guerraman lloqsinkichu, manam munanikuchu Israelpa achkiynin wañurunanta, nispanku.

Éxodo 16:29

Amam qon-qankichikchu, ñoqam qoykichik samana punchawta, chayraykum soqta kaq pun-chawpiqa mikuytapas iskay punchawpaq qoykichik. Qanchis kaq punchawpiqa, sapakamam hinallapi kankichik, amam pipas maymi kasqanmanta lloqsinqachu, nispa.

Éxodo 18:18

Sapallaykiqa anchatam pisiparunki, pisiparunqakutaqmi qanman hamuq runakunapas. Sapallaykipaqqa kay ruwasqaykiqa sasallañam, sapa-llaykiqa manam ruwayta atiwaq-chu.

Éxodo 18:22

Paykunam tukuy tiempopi runakunapa quejanta arreglanqaku; sasan kaqkunatam apamusunki, paykunañataqmi fácil arreglana quejakunata arreglanqaku. Chaynapim kay sasa llamkaynikimanta samarinki, chaynatam paykuna yanapasunki.

Éxodo 18:24

Chaymi Moisesqa suegronpa nisqanta kasukuspan chaynata ruwarqa.

Hechos 15:2

Chaymi Pablowan Bernabeyqa llum-payta paykunawan atipanakurqaku. Chayraykum Pablotawan Bernabeyta hinaspa wakin iñiqkuta akllarurqaku, Jerusalenman rispa apostolkunawan hinaspa chaypi kaq iñiqkunapa ancia-nonkunawan chay asuntomanta rima-munankupaq.

Gálatas 2:2

Rirqaniqa revelacionpi Diospuni Jerusalenman riy niwaptinmi. Chaypim lliw iñiqkunaman willarqani, mana judío kaqkunaman allin noticia imayna willakamusqaymanta, kamachiqninkuwanpas sapaqpi huñunakuspaymi willarqani, chaynapi Jesucristomanta willakamusqay mana yanqa kananpaq.

1~Samuel 8:22

Hinaptinmi Samuelta Tayta Dios nirqa: Mañakusqankuman hina huk reyta akllapuy, nispa. Chaymi Samuelqa Israel runakunata kamachirqa maymi llaqtankuman kutinankupaq.