Éxodo 18:21 - CHUYA QELLQA La Biblia en Quechua de Ayacucho 2012

²¹ Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Quechua Ayacucho Bible 1987

²¹ Akllay runakunamanta chaypaq hina qarikunata, Dios respetaqkunata, cheqap rimaq qarikunata, apuyaruylla mana munaqkunata. Paykunatam churanki waranqa runakuna kamachiqpaq, pachak runakuna kamachiqpaq, pichqa chunka runakuna kamachiqpaq chaynataq chunka runakuna kamachiqpaq.

Chuya Qellqa 1992

²¹ Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Éxodo 18:21 Iomraidhean Croise

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

Génesis 42:18

Kimsa punchawmantam paykunata José nirqa: Ñoqaqa Diostam kasukuni, kawsakuyta munaspaqa kaynata ruwaychik:

Génesis 47:6

kayqaya Egipto allpaqa makikipi kachkan, chaynaqa taytaykitawan wawqekikunata Gosén allpapi churamuy. Sichum paykuna ukupi kachkan uywaykuna nanachikunanpaq hina, hinaptinqa animalniykunata michinankupaq churamuy, nispa.

2~Samuel 18:1

Davidmi soldadonkunata tropa-tropata rakinaspan sapa waranqa soldadokunapaq hinaspa sapa pachak soldadokunapaq kamachikuqta churarqa.

2~Samuel 23:3

Israelpa Diosninmi rimarirqa, Israelta waqaychaq Diosmi niwarqa: Pipas allinta ruwaspa runakunata kamachiqmi, pipas Diosta kasukuspa runakunata kamachiqmi,

1~Reyes 18:12

Reyman willaq rinaykamachá hu-klawman Tayta Diospa Espiritun aparu-sunki, hinaptinchá Acabman willaykuptiy pasamuspa mana tarisuspayki wañu-rachiwanqa. Ñoqaqa joven kasqaymantapunim Tayta Diosta kasukuni.

1~Reyes 18:3

Rey Acabmi mayordomon Abdiasta qayachimurqa. Abdiasqa Tayta Diosta kasukuq runam karqa,

Esdras 7:25

Esdras, qamñataqmi Diosnikipa yachay qosusqaykiman hina, haykam Tayta Diospa kamachikuynin yachaqkunamanta juezkunatawan gobernadorkunata churanki, chaynapi Eufrates mayupa intipa seqaykunan lawninpi yachaq runakunata kamachinankupaq; mana yachaqkunatañataqmi qam yachachinki.

Nehemías 5:9

kaynata nirqani: Manam allinchu chay ruwasqaykichikqa. Qamkunaqa Diosninchiktayá respetaychik, chaynapi enemigonchik nacionkuna ama burlakuwananchikpaq.

Nehemías 7:2

Jerusalenpi kamachikunanpaqmi wawqey Hananita churarqani, Hananiastañataqmi reypa palacionpi kamachikunanpaq, paytaqa churarqani confianza runa kaptinmi chaynataq Tayta Diostapas manchakusqanraykum.

Jobwan Sutichasqa Libro 1:1

Uz nacionpim Job sutiyuq runa yacharqa. Payqa karqa mana huchayuqmi, allin kaqkuna ruwaqmi, Tayta Diosta manchakuqmi, mana allin ruwaykunamanta sapaqchakuqmi.

Jobwan Sutichasqa Libro 29:16

Wakchakunapa taytanmi karqani, huklaw llaqtayuqkunatam nanachikurqani.

Jobwan Sutichasqa Libro 31:13

Sichum criadoykuna imatapas mañawaptinkuqa, ñoqaqa chayllam qoykuq kani.

Éxodo 17:9

Chaymi Josueyta Moisés nirqa: Ñoqanchikmanta qarikunata akllay hinaspa Amalec runakunawan peleanaykipaq lloqsiy. Paqarinmi Diospa tawnanta hapiykuspay orqopa puntanpi kasaq, nispa.

Éxodo 18:25

Israel castakunamantam Moisés akllarqa chaypaq hina allin yachayniyuq qarikunata, hinaspam churarqa waranqa runakunapi, pachak runakunapi, pichqa chunka runakunapi hinaspa chunka runakunapi kamachikuqkuna kanankupaq.

Proverbios 28:2

Mana allin ruwaypa huntasqan llaqtapiqa achkallañam kamachikuqkunapas, yachaywan kamachikuqmi ichaqa allinta takyachin.

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Isaías 16:5

Diosmi hatun kuyakuyninpi huk kamachikuqta Davidpa mirayninmanta churanqa. Paymi juzgaspan allin arreglota ruwanqa, runakuna allinta ruwanankupaqmi hikutanqa, nispanku.

Isaías 33:15

Isaiasñataqmi nirqa: Allinkunata ruwaspa cheqap rimaqmi, engañowan qollqe ganayta mana munaqmi, sobornota mana chaskikuy munaqmi, runa wañuchiqkunapa consejasqanta mana uyariqmi, mana allinkunata mana qawaq munaqmi,

Isaías 59:4

Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Ezequiel 18:8

Mana mirayniyuqllapaqmi qollqetapas prestan, qollqepa miraynintapas manam mañanchu, manam payqa pitapas imananchu; runakuna quejanakuptinpas, mana mayqanmanpas sayapakuspam allin arreglota ruwan.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Zacarías 7:9

Tukuy Atiyniyuq Tayta Diosmi kaynata nin: Qamkunaqa cheqap kaqwan juzgaspayá runamasikichik-wanqa llakipayanakuspa chaynataq kuyapayanakuspa kawsaychik.

Zacarías 8:16

Chaynaqa, kaykunata ruwaychik: Runamasikichikwan cheqap kaqta rimaychik, mana pimanpas sayapakuspa allin arreglota ruwaychik, cortekunapipas hawkayayta maskaychik.

Números 1:16

Paykunatam Israelpa miraynin ukumanta akllarqaku, paykunam sapa ayllumanta akllasqa karqaku.

Números 1:4

Sapa ayllumantam huk kamachikuq yupaysisunkichik.

Números 10:4

Hukllanta tocachiptikiñataqmi, sapa ayllupi kamachikuqkunalla otaq Israel miraykunapi waranqa runakunapa kamachiqninkunalla qayllaykiman huñunakamunqaku.

Lucas 18:2

Huk llaqtapim karqa Diosta mana manchakuq hinaspa runakunatapas mana respetaq juez.

Lucas 18:4

Chay juezmi ichaqa unayña mana atiendeyta munarqachu. Chaymantam kaynata tantearurqa: “Diosta mana manchakuchkaspaypas chaynataq runakunata mana respetachkaspaypas,

Hechos 20:33

Ñoqaqa manam pipa qollqentapas, qorintapas nitaq pachantapas muna-payarqanichu.

Hechos 6:3

Chaynaqa, wawqe-panillaykuna, qamkunamantayá Chuya Espiritupa huntasqan allin yachayniyuq hinaspa allin kawsakuyniyuq qanchis runakunata akllaychik, chaynapi paykunaña mikuyta aypunankupaq.

Deuteronomio 22:18

Hinaptinmi ancianokuna chay qarita presocharuspa azotenqaku.

1~Timoteo 3:3

upyakuykunapi mana purikuqmi, peleollapi mana purikuqmi, pacienciakuqmi, mana atipanakuqmi, qollqellaman mana qokuruqmi.

Josué 22:14

Fineeswan kuskam rirqaku chunka kamachikuqkuna, paykunaqa sapa ayllupi kamachikuqkunam karqaku.

1~Samuel 8:12

churanqataqmi waranqa soldadokuna kamachiq kananpaq chaynataq pichqa chunka soldadokuna kamachiq kananpaq; wakintañataq chakranta yapupunanpaq, cosechankuna hoqaripunanpaq chaynataq armankuna hinaspa carretankuna ruwaq kanankupaq.

1~Samuel 8:3

Ichaqa manam taytanku Samuel hinachu allinta ruwarqaku, aswanqa apuyayta kuyaruspankum sobornota chaskikuqku, ima sasachakuytapas mana kaqninpim allichaqku.