Éxodo 18:19 - CHUYA QELLQA La Biblia en Quechua de Ayacucho 2012

¹⁹ Kunanyá kay rimapayasqayta uyariway, Diostaqyá qanwan kachun. Kay runakunapa rantinpiyá Diosman asuykuy hinaspa sasachakuyninkuta apaykuy.

Quechua Ayacucho Bible 1987

¹⁹ Kunanyá uyariway kay consejasqayta, Diostaqyá qanwan kachun. Qanmi Diosman presentakunayki kay runakunapa rantinpi, apanaykitaqmi paykunapa asuntonkunatapas.

Chuya Qellqa 1992

¹⁹ Kunanyá kay rimapayasqayta uyariway, Diostaqyá qanwan kachun. Kay runakunapa rantinpiyá Diosman asuykuy hinaspa sasachakuyninkuta apaykuy.

Éxodo 18:19 Iomraidhean Croise

Génesis 39:2

Ichaqa Tayta Diosmi Joseywan karqa, chaynapim payqa Egipto nacionniyuq patronninpa wasinpi yachaspa ima ruwasqanpipas allin lloqsirqa.

2~Samuel 14:17

Reynilláy, ñoqaqa munani sonqollay tiyaykachinaykitam, qamqa Diospa angelnin hinam allin kaqta mana allin kaqtapas sumaqta reqsinki. Tayta Diosyá qanwan kachun, nispa.

Éxodo 18:15

Hinaptinmi Moisés nirqa: Diosta tapupunaypaqmi runakuna ñoqaman hamuwanku.

Éxodo 18:20

Paykunamanyá Diospa decretonkunatawan yachachikuyninkunata willay, hinaspayá imaynam kawsanankutawan imam ruwanankuta yachachiy.

Éxodo 18:24

Chaymi Moisesqa suegronpa nisqanta kasukuspan chaynata ruwarqa.

Éxodo 20:19

Hinaspam Moisesta nirqaku: Qamyá rimapayawaykuqa, ñoqaykuqa uyarisaqkum, Diosqa ama rimapayawachunkuchu, yanqañataqmi wañuruymanku, nispanku.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 4:12

Chaynaqa, kunan riy, ñoqam rimachiqniki kasaq, ñoqataqmi imam rimanaykitapas yachachisqayki, nispa.

Éxodo 4:16

Paymi qampa rantikipi runakunaman rimapayanqa, qampa rimanaykita hinam rimanqa, qamñataqmi ñoqapa rantiypi kanki.

Proverbios 9:9

Yachayniyuq runata yachachiptikiqa aswan yachayniyuqraqmi kanqa, allin kawsakuq runata yachachiptikiqa aswan yachayniyuqraqmi kanqa.

Números 27:5

Hinaptinmi Moisés chay warmikunapa nisqanta Tayta Diosman willarqa.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Deuteronomio 20:1

Sichum guerrapi peleaq lloqsispaykichik, enemigoykichikpa caballonkunata, carretankunata chaynataq tropankunata qamkunamantapas aswan achka-achka kasqanta qawaykuspaykichikqa amam manchakunkichikchu. Egipto nacionmanta hurqomusuqninchik Señornikichik Tayta Diosmi yanapasunaykichikpaq qamkunawan kachkan.

Deuteronomio 5:5

Chaypiqa ñoqam karqani Tayta Diospa hinaspa qamkunapa chawpikichikpi, chaynapi Tayta Diospa imam nimuwasqanta qamkunaman willanaypaq. Qamkunaqa rupachkaq ninata manchakuspaykichikmi orqoman mana seqarqankichikchu. Chaypim Tayta Dios nirqa:

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.