Éxodo 18:12 - CHUYA QELLQA La Biblia en Quechua de Ayacucho 2012

¹² Hinaspam Jetroqa huk animalta apamuspan lliw kañana ofrendatawan chaynataq huk rikchaq ofrendakunatapas Diosman ofrecerqa. Chaymanmi Aaronpas chaynataq Israelpa llapa ancianonkunapas hamurqaku, Diospa qayllanpi Moisespa suegronwan mikunankupaq.

Quechua Ayacucho Bible 1987

¹² Chaymi Moisespa suegron Jetro apamurqa huk animalta wañuchispan Diospaq lliwta kañananpaq. Chaywan kuskata kañananpaqmi apamurqataq huk rikchaq ofrendakunatapas. Chaymanmi hamurqa Aaronpas chaynataq Israel castakunapa llapallan ancianonkunapas Diospa qayllanpi Moisespa suegronwan mikunankupaq.

Chuya Qellqa 1992

¹² Hinaspam Jetroqa huk animalta apamuspan lliw kañana ofrendatawan chaynataq huk rikchaq ofrendakunatapas Diosman ofrecerqa. Chaymanmi Aaronpas chaynataq Israelpa llapa ancianonkunapas hamurqaku, Diospa qayllanpi Moisespa suegronwan mikunankupaq.

Éxodo 18:12 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 26:25

Chaymi Isaac huk altarta chaypi perqaspan Tayta Diosta mañakurqa. Chaypim carpantapas sayachirqa, serviqninkunañataqmi huk pozota uchkurqaku.

Génesis 26:30

Chaymi Isaac paykunaman convidaptin mikuspa tomarqaku.

Génesis 31:54

Chaymantam Diospaq animalkunata wañuchispan Jacob kañarqa, hinaspam ayllunkunata qayaspa mikurqaku. Mikuruspankum orqopi chay tuta, puñurqaku.

Génesis 4:4

Abelpas piwin ovejankunamantam wiran kaqta apamurqa. Chaymi Abelpa ofrendanta Tayta Dios chaskirqa.

Génesis 43:25

Paykunañataqmi Joseywan chawpi punchawpi mikunankuta yachaspanku regalokunata allicharqaku.

Génesis 8:20

Chaymantam huk altarta Tayta Diospaq Noé ruwapurqa, hinaspam sacrificanapaq kaq llapallan animalmanta, pawaq animalkunamanta chaynataq pampan puriqkunamantapas wañuchispa lliw kañana ofrendata Diosman chay altarpi ofrecerqa.

2~Samuel 9:7

Chaymi David nirqa: Ama manchakuychu. Ñoqam taytayki Jonatanrayku yanapaspay abueloyki Saulpa llapa allpanta kutichipusqayki, qamñataqmi ñoqawan kuska tukuy tiempo mikunki, nispa.

2~Crónicas 30:22

Chaymi tukuy sonqowan Tayta Diosta serviq levitakunata sumaq rimaykunawan rey Ezequías kallpancharqa. Qanchis punchawmi fiestapi wañu-chisqanku animalkunata mikurqaku, Dioswan allinlla kasqankumanta ofrendatapas ofrecespankum ñawpaq taytankupa yupaychasqan Tayta Diosman graciasta qorqaku.

Jobwan Sutichasqa Libro 1:5

Sapa convido tukuytam, Jobqa churinkunata qayachimuspan chuyanchaq. Tutapayta hatarispanmi sapa churinpaq huchankumanta mayllasqa kanankupaq animalta wañuchispa Diosman lliw kañana sacrificiota ofreceq. Sapa kutillam chaynata ruwaq sonqonpi kaynata nispan: Ichapas churiykunaqa imawanpas huchallikurunku, ichapas paykunaqa Diosta. sonqonkupi kamirunku, nispa.

Jobwan Sutichasqa Libro 42:11

Hinaptinmi paninkunapas, wawqenkunapas, lliw reqsiqninkunapas Jobta watukurqaku, hinaspam wasinpi convidota ruwaspanku paywan mikurqaku. Tayta Diospa sasachakuykuna qosqanmantapas llakipayaykuspankum sonqonta tiyachirqaku. Sapakamam qori-qollqetawan huk qori anillota qoykurqaku.

Jobwan Sutichasqa Libro 42:8

Chaynaqa, kunanyá qanchis torokunata chaynataq qanchis carnerokunata aparikuspa serviqniy Jobman riychik, hinaspayá qamkunapa rantikichikpi lliw kañana sacrificiota ofrecemuwaychik. Serviqniy Jobñataqmi qamkunapaq mañakamuwanqa, hinaptinmi uyariykuspay contraypi mana allinkuna rimasqaykichikmanta pampachasqaykichik. Qamkunaqa manam serviqniy Job hinachu cheqap kaqta rimarqankichik.

Éxodo 18:13

Paqarinnintin punchawmi runakunapa quejanta arreglananpaq Moisés tiyaykurqa; runakunañataqmi Moisespa ñawpaqninpi pacha achikyaqmanta tutaykuykama sayarqaku.

Éxodo 2:16

Madián lawpi sacerdotepam qanchis warmi churinkuna karqa, paykunam taytanpa ovejankunaman tomachinanpaq artesakunaman yaku hurqoq hamurqaku.

Éxodo 2:20

Chaymi taytanku tapurqa: ¿Maypitaq chay runa kachkan? ¿Ima-nasqataq saqeramunkichik? Mikunanpaq qayamuychik, nispa.

Éxodo 20:24

Altarniytaqa allpamantam ruwanki, hinaspam animalkunata wañuchispayki chaypi lliwta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Ñoqam hamuspay sitiota akllasaq, sutiyta chaypi yuyarinaykichikpaq, hinaspaymi chaypi bendecisqaykichik.

Éxodo 24:11

Diosqa Israelpi kamachikuqkuna-taqa manam imanarqachu, chaymi Diosta qawaspanku mikuspa tomar-qaku.

Éxodo 24:5

Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq.

Éxodo 3:1

Moisesmi Madianpi sacerdote suegron Jetropa ovejankunata michichkaspan chunniqninta qatispan Diospa sapaqchasqan Horeb orqokama chayarurqa.

Éxodo 33:7

Moisesmi carpata campamentomanta karupi sayachirqa, hinaspam “Diosman asuykuna carpa” nispa suticharqa. Chaymi pipas Tayta Diosta maskay munaqqa campamentopa hawa lawninpi Diosman Asuykuna carpaman riq.

Daniel 10:3

Manam miski mikuykuna-tapas nitaq aychatapas mikurqanichu. Vinotapas manam malliykurqanichu, nitaqmi miski asnaq aceitewanpas talli-kurqanichu, chay kimsa semana cumpli-kunankama.

Números 10:29

Huk punchawmi Madián ayllu suegron Jetropa churin Hobabta Moisés nirqa: Tayta Diospa qowasqanku allpamanmi richkaniku, sichum ñoqaykuwan riptikiqa yanapasqaykikum. Israel ayllukunataqa Tayta Diosmi prometewarqaku yanapawanankupaq, nispa.

Lucas 14:1

Samana punchawpim fariseokunapa kamachiqninpa wasinman Jesús yaykurqa chaypi mikunanpaq, wakin fariseokunañataqmi wateqarqaku.

Lucas 14:15

Chayta uyariruspanmi, Jesuswan kuska mesapi tiyaqkunamanta huknin nirqa: Mayna kusisqam Diospa munaychakuyninpi mikuqkunaqa, nispa.

1~Corintios 10:18

Qawaychik Israel llaqtapa ruwasqanta: Sacrificiopaq ruwasqanku aychata mikuqkunaqa ¿Manachu altarwan hukllawasqa kanku?

1~Corintios 10:21

Señorpa copanmanta tomachkaspaqa manam demoniokunapa copanmantaqa tomawaqchikchu, nitaqmi Señorpa mikunanmanta mikuchkaspapas demoniokunapa mikunanmantaqa mikuwaqchikchu.

1~Corintios 10:31

Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Deuteronomio 27:7

chaynataq paywan allinlla kasqaykichikmanta ofrendatapas, hinaspam Tayta Diospa qayllanpi mikuspaykichik fiestata ruwankichik.