Éxodo 18:11 - CHUYA QELLQA La Biblia en Quechua de Ayacucho 2012

¹¹ Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta.

Quechua Ayacucho Bible 1987

¹¹ Egipto runakunaqa karqa Israel runakunapa contranpi alto tukuqllañam chaymi vencesqa karqaku. Kunanmi reqsini Tayta Diosqa llapa dioskunamantapas aswan hatun kasqanta.

Chuya Qellqa 1992

¹¹ Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta.

Éxodo 18:11 Iomraidhean Croise

1~Reyes 17:24

Viudañataqmi nirqa: Kunanmi yachaykuni qamqa Diospa runan kasqaykita chaynataq Tayta Diospa palabran rimasqaykipas cheqap kasqanta, nispa.

2~Reyes 5:15

Chaymantam riqmasinkunapiwan Eliseopa kasqanman kutiruspanku ñawpaqninpi sayaykuspa Naamán nirqa: Kunanmi yachaykuni, manam kay pachapiqa Dios kanchu aswanqa Israel nacionllapim. Ama hina kaspaykiyá kay serviqnikimanta kay regalokuna apamusqayta chaskiykullaway, nispa.

1~Crónicas 16:25

Tayta Diosqa ancha hatunmi, payqa yupaychana Diosmi, dioskunamantapas aswan manchakuypaqmi.

2~Crónicas 2:5

Templo ruwasqayqa hatunmi kanqa, Diosninchikqa kay pachapi llapallan dioskunamantapas ancha hatun kasqanrayku.

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Nehemías 9:16

Paykunawan ñawpaq taytaykum ichaqa hatun tukuq rumi sonqo runakuna karqaku, chayraykum kamachikuynikikunata mana kasukurqakuchu.

Nehemías 9:29

Kamachikuynikikunaman kutirikunankupaqmi anyarqanki, paykunam ichaqa hatun tukuspanku kamachikuynikikunata mana kasukurqakuchu, yachachikuynikikunapa contranpi huchallikuspam sarutyarqaku, chay yachachikuykunaqa kawsaytam qon pipas kasukuqninmanqa, mana kasukuq hinaspa rumi sonqo kaspankum mana kasukurqakuchu.

Éxodo 1:10

Chaynaqa, amaña miranankupaqyá yachaywan paykunapa contranpi imatapas ruwasunchik. Yanqañataq guerrapi kaptinchik enemigonchikkunaman hukllawakuykuspa contranchikpi peleanmanku hinaspa kay allpamanta ripukunmanku, nispa.

Éxodo 1:16

Hebreo casta warmikunata qespichispaykichikqa imam wawa kasqantam qawankichik; qari kaptinqa wañuchinkichikmi, warmi kaptinmi ichaqa ama imanankichikchu, nispa.

Éxodo 1:22

Chaymi lliw runankunata Faraón kamachirqa: Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Éxodo 12:12

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.

Éxodo 14:8

Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Éxodo 5:2

Rey Faraonñataqmi nirqa: ¿Pitaq Tayta Diosqa payta kasuspay Israelpa mirayninkunata kachaykunaypaqqa? Tayta Diostaqa manam reqsinichu, manataqmi Israel miraykunatapas kachariymanchu, nispa.

Éxodo 5:7

Kunanmantaqa amañam adobeta chutanankupaq pajata qonkichikñachu, kikinkuñam huñukamunqaku.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Números 33:4

Egipto runakunapa piwi wawa-churinkuta Tayta Dios wañurachiptinmi pampanankukama Israelpa mirayninkuna lloqsimurqaku. Chay punchawpim Egiptopa diosninkunata Tayta Dios penqayman churarqa.

Lucas 1:51

Atiyninwanmi admirakuypaq kaqkunata ruwarqa, hatun tukuqkunapa imam ruway munasqankutam yanqacharun.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

1~Samuel 2:3

Amayá pipas rimachunchu hatun tukuspaqa, amayá pipas alabakuchunchu llumpaytaqa, Tayta Diosmi yachan runapa tukuy allin mana allin ruwasqanta.