Éxodo 17:7 - CHUYA QELLQA La Biblia en Quechua de Ayacucho 2012

⁷ Chay sitiotam “Meriba” nispa suticharqaku, Israelpa mirayninkuna chaypi atipanakusqankurayku. Suticharqakutaqmi “Masah” nispapas, Tayta Diosta chaypi tentasqankurayku. Paykunam nirqaku: “¿Ñoqanchikwanchu Tayta Dios kachkan icha manachu?” nispanku.

Quechua Ayacucho Bible 1987

⁷ Chay sitiotam suticharqaku “Meriba” nispa chaypiqa Israelpa mirayninkuna atipanakusqankurayku. Suticharqakutaqmi “Masah” nispapas chaypiqa Tayta Diosta tentaspa pruebasqankurayku. Paykunam nirqaku: “¿Ñoqanchikwanchu kachkan Tayta Dios icha manachu?” nispa.

Chuya Qellqa 1992

⁷ Chay sitiotam “Meriba” nispa suticharqaku, Israelpa mirayninkuna chaypi atipanakusqankurayku. Suticharqakutaqmi “Masah” nispapas, Tayta Diosta chaypi tentasqankurayku. Paykunam nirqaku: “¿Ñoqanchikwanchu Tayta Dios kachkan icha manachu?” nispanku.

Éxodo 17:7 Iomraidhean Croise

Éxodo 17:2

Chaymi runakunañataq Moiseswan atipanakuspa nirqaku: ¡Yakuta tomanaykupaq qowayku! nispanku. Hinaptinmi paykunata Moisés nirqa: ¿Imanasqataq ñoqata mañapayawankichik? ¿Imanasqataq Tayta Diosta tentaspa pruebankichik? nispa.

Éxodo 34:9

hinaspam nirqa: Señorlláy, cheqaptapuni kuyawaspaykiqa ñoqaykuwanyá riy. Señorlláy, llaqtaykiqa rumi sonqo runakunam, mana allin ruwasqaykutawan huchaykuta pampachaykuspayá runaykikunapaqña chaskiykullawayku, nispa.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Números 14:22

Egiptopipas, chunniqpipas atiyniytawan señal ruwasqaykunata rikuchkaspanku, achka kuti-kamaña pruebaman churawaqniykunaqa chaynataq kamachikuyniykunatapas mana kasukuqkunaqa,

Números 20:13

Chay yakutam Meriba nispa suticharqaku. Chaypim Israelpa mirayninkuna Tayta Dioswan atipanakurqaku, chaypitaqmi chuya kasqanta paykunaman qawachirqa.

Números 20:24

Aaronmi wañukuspan Israelpa miray-ninkunaman qosqay allpaman mana yaykunqachu, Meriba yakupa waqtanpi mana kasuwasqaykichikrayku.

Números 27:14

Zin chunniqpi llapa runakuna contraypi hatarispanku yakuta mañakuptinkum mana kasuwaspaykichik chuya kayniyta mana qawachirqankichikchu. Chaymi lloqsiq yakuta Meriba nispa suticharqaku, chayqa Cades lawpi Zin chunniqpim kachkan.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.

Deuteronomio 33:8

Leví ayllumantam kaynata nirqa: Dios Taytalláy, Tumim rumikiwan Urim rumikiyá qanman sonqoyuq runapaq kachun, paytam Masahpi pruebaman churarqanki, Meriba yakupa kasqanpim atipanakurqanki.

Deuteronomio 6:16

Masah lawpi pruebaman churasqaykichikta hinaqa amam yupaychasqaykichik Tayta Diostaqa pruebaman churankichikchu.

Deuteronomio 9:22

Tabera lawpipas, Masah lawpipas hinaspa Kibrot-hataava lawpipas Tayta Diostaqa piñachirqankichikmi.

Josué 22:31

Chaymi paykunata sacerdote Eleazarpa churin Finees nirqa: Kunanmi yachaykuniku Tayta Diosqa ñoqanchikwan kasqanta, chayta ruwaspaykichikqa manam Tayta Diospa contranpi hatarinaykichikpaqchu nitaqmi payta qepan-chanaykichikpaqchu ruwarqankichik. Kunan-mi Tayta Diospa castigonmanta Israelpa wakin mirayninkunata libraruwankiku, nispa.