Éxodo 16:6 - CHUYA QELLQA La Biblia en Quechua de Ayacucho 2012

⁶ Chaymi Israelpa mirayninkunata Moiseswan Aarón nirqaku: Tardemanmi yachankichik Egipto llaqtamanta Tayta Dios hurqomususqaykichikta.

Quechua Ayacucho Bible 1987

⁶ Chaymi Israelpa llapallan mirayninkunata Moiseswan Aaron nirqa: —Tardemanmi yachankichik Egipto llaqtamanta Tayta Dios horqomususqaykichikta.

Chuya Qellqa 1992

⁶ Chaymi Israelpa mirayninkunata Moiseswan Aarón nirqaku: Tardemanmi yachankichik Egipto llaqtamanta Tayta Dios hurqomususqaykichikta.

Éxodo 16:6 Iomraidhean Croise

Éxodo 12:51

Chay punchaw-pipunim Israelpa mirayninkunata Egipto nacionmanta tropa-tropata Tayta Dios hurqorqa.

Éxodo 16:3

Hinaspam nirqaku: Allinchá kanman karqa Egipto na-cionpi Tayta Dios wañurachiwaptin-kuqa, chay nacionpiqa aychayuq man-kakunapa ladonpim tiyarqaniku, tantatapas saksanaykukamam mikuq kaniku; kunanñataqmi kay chunniqman pusaramuwankiku yarqaymanta wañuchiwanaykikupaq, nispanku.

Éxodo 16:8

Moisesqa nirqataqmi: Tardemanmi Tayta Dios aychata qosunkichik mikunaykichikpaq, paqarin tutapaytañataqmi saksanaykichikkama tantata qosunkichik. Tayta Diosmi uyarirun paypa contranpi rimasqaykichikta. Ñoqaykuqa, ¿pitaq kaniku? Rimasqaykichikqa manam ñoqaykupa contraykupichu, aswanqa Tayta Diospa contranpim, nispa.

Éxodo 32:1

Orqoman risqanmanta Moisés manaña rikurimuptinmi, Aaronman asuykuspanku llapa runakuna kaynata nirqaku: Pusawanankupaq dioskunata ruwapuwayku, Egipto nacionmanta hurqomuwaqniyku Moisestaqa imachá pasarun, manam yachanchikchu, nispanku.

Éxodo 32:11

Chaymi Tayta Diosta ruegakuspan Moisés nirqa: Dios Taytalláy, amayá piñakuychu Egipto nacionmanta hurqomusqayki runaykikunapa contranpiqa, paykunataqa hatu-hatun atiynikiwanmi hurqomurqanki.

Éxodo 32:7

Chaymi Moisesta Tayta Dios nirqa: Kutiy, Egipto nacionmanta hurqomusqayki runakunam millakuypaqta ruwachkanku.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Números 16:28

Hinaptinmi Moisés nirqa: Kunanmi yachankichik kaykunata ruwanaypaq Tayta Dios kamachimuwasqanta, manam kikillaymantachu kaykunataqa ruwani.

Números 16:30

Sichum mancharikuypaq kaqta Tayta Dios ruwaspa paykunata allpapa sonqonman kawsachkaqllata wichiykachiptinmi ichaqa, yachankichik kay runakunaqa Tayta Diospa contranpi hatariq kasqankuta, nispa.