Éxodo 16:3 - CHUYA QELLQA La Biblia en Quechua de Ayacucho 2012

³ Hinaspam nirqaku: Allinchá kanman karqa Egipto na-cionpi Tayta Dios wañurachiwaptin-kuqa, chay nacionpiqa aychayuq man-kakunapa ladonpim tiyarqaniku, tantatapas saksanaykukamam mikuq kaniku; kunanñataqmi kay chunniqman pusaramuwankiku yarqaymanta wañuchiwanaykikupaq, nispanku.

Quechua Ayacucho Bible 1987

³ Chay runakunam nirqaku: —Allinchá kanman karqa Egipto nacionpiraq Tayta Dios wañurachiwaptinkuqa, chay nacionpiqa aychayoq mankakunapa ladonpim tiyarqaniku, saksanaykukamam mikukuq kaniku, kunanñataqmi kay chunniqman pusaramuwankiku llapachallaykuta yarqaymanta wañuchiwanaykikupaq —nispa.

Chuya Qellqa 1992

³ Hinaspam nirqaku: Allinchá kanman karqa Egipto nacionpi Tayta Dios wañurachiwaptinkuqa, chay nacionpiqa aychayuq mankakunapa ladonpim tiyarqaniku, tantatapas saksanaykukamam mikuq kaniku; kunanñataqmi kay chunniqman pusaramuwankiku yarqaymanta wañuchiwanaykikupaq, nispanku.

Éxodo 16:3 Iomraidhean Croise

2~Samuel 18:33

Chaymi rey hukmanyaruspan punkupa altonpi cuartoman waqastin seqarqa. Waqastin rispanmi nirqa: ¡Churilláy Absalón, churilláy, Absalón! ¡Qampa rantikipi ñoqa wañuyman karqa! ¡Kuyasqay churilláy Absalón! nispa.

Jobwan Sutichasqa Libro 3:1

Jobmi rimarispan nacesqan pun-chawta ñakaspan

Jobwan Sutichasqa Libro 3:10

Ñakasqayá kachun nacesqay tutaqa, ñakasqayá kachun kayna sasachakuykuna qawanayta mana harkakusqanmanta.

Jobwan Sutichasqa Libro 3:20

¿Imanasqataq ñakariqman Diospas achkiyta qawachin? ¿Imanasqataq llakipa huntasqanman kawsayta qonraq?

Éxodo 14:11

Hinaspam Moisesta nirqaku: ¿Manachu Egipto nacionpi sepultura karqa kay chunniqpi wañunaykupaq? ¿Imanasqataq kayta ruwawankiku? ¿Ima-paqtaq Egipto nacionmanta hurqomuwarqankiku?

Éxodo 17:3

Ichaqa runakunam yakumanta kaspanku Moisespa contranpi kaynata nirqaku: ¿Imapaqtaq Egipto nacionmanta hur-qomuwarqankiku, churiykutawan ani-malniykutapas yakumanta wañuchiwanaykikupaq? nispanku.

Éxodo 2:23

Watakuna pasaruptinmi Egipto nacionpi rey wañururqa. Israelpa mirayninkunañataqmi esclavo kasqankurayku llumpay ñakariypi karqaku, chaymi waqaspanku Diosta mañakurqaku.

Éxodo 5:21

Hinaspankum nirqaku: Tayta Diosyá juzgaspa castigasunkichik. Qamkunapa hawaykichikmantam Faraonwan runankuna cheqnipakuruwaspanku wañuchiwaykupi richkanku, nispa.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 42:14

“Manam kay allpapiqa yachaymankuchu, aswanqa Egiptomanmi risaqku. Chaypiqa manañam guerrata rikusaqkuchu, guerrapaq trompetapa waqasqantapas manañam uyarisaqkuchu, nitaqmi yarqaymantapas ñakarisaqkuñachu” nispaykichik,

Jeremías 44:17

Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Lamentaciones 4:9

Yarqaymanta wañuqkunamantaqa guerrapi wañuqkunaraqmi aswan allinqa, kaykunaqa mikunankupaq kawsay manaña kaptinmi allimanta wañurqaku.

Números 11:15

Sichum chaynata ñoqawan ruwaspaykiqa, ama hina kaspa wañurachiway. Hinaptinqa manañam chayna sasachakuykunapi kasaqñachu, nispa.

Números 11:20

Aswanqa killantinmi senqankutapas lloqsinankama hinaspa millakuspa aminankukama mikunqaku. Ñoqa Tayta Dios paykunawan kachkaptiymi qepanchawaspanku qayllaypi waqaspa nirqaku: “¿Imapaqraq Egipto nacionmanta lloqsimurqanchik?” nispanku.

Números 14:2

Llapallankum Moisespa hinaspa Aaronpa contranpi rimaspa kaynata nirqaku: Amalaya Egipto nacionpi otaq kay chunniqpipas wañuruchwan karqa.

Números 14:3

¿Imapaqtaq Tayta Dios kay allpaman pusamuwarqanchik guerrapi wañunanchikpaq? ¿Warminchikkunatapas chaynataq churinchikkunatapas enemigonchik qechuwananchikpaq? ¡Egipto nacionman kutikuyninchikmi allinqa kanman! nispanku.

Números 16:13

¿Yanqapaqchu rikchakapusunki tukuy imapapas kanan Egipto nacionmanta pusaramuwaspaykiku kay chunniqpi wañurachiwaynikiku? ¿Kamachikuq hinachu ñoqaykupi munaychakuyta munanki?

Números 16:41

Paqarinnintinmi Israelpa mirayninkuna Moisespa chaynataq Aaronpa contranpi rimaspanku nirqaku: Qamkunam Tayta Diospa llaqtanta wañuchichkankichik, nispanku.

Números 21:5

Hinaspam Diospa contranpi chaynataq Moisespa contranpi rimaspa nirqaku: ¿Imapaqtaq Egipto nacionmanta hurqomuwarqankiku kay chunniqpi wañunaykupaq? Mikuypas yakupas manam kanchu. Maná sutiyuq mikuytapas amirunikuñam, nispanku.

Hechos 26:29

Hinaptinmi Pablo nirqa: Asllamanta otaq achkamanta kaspapas Diosyá munachun ama qamllachu, aswanqa kaypi lliw uyariqniykunapas Cristoman ñoqa hina iñikunaykichikta, ichaqa amayá ñoqa hina cadenasqachu, nispa.

1~Corintios 4:8

Qamkunaqa saksasqañam kachkankichik, apuyarunkichikñam kanpas, mana ñoqallaykuwanmi munaychakuchkankichikña. ¡Amalaya reyña kawaq-chik ñoqaykupas qamkunawan kuska reyña kanaykupaq!

2~Corintios 11:1

Loco hina rimasqaykunatayá aguantaykuwankichik. ¡Arí, aguantaykuwaychikyá!

Deuteronomio 28:67

Hatun mancha-kuytawan sasachakuyllata qawaspay-kichikmi sapa pacha achikyayta ninkichik: “Amalaya tutaykurunmanña”, nispa. Tutaykuruptinñataqmi ninkichik: “Amalaya achikyarunmanña”, nispa.

Deuteronomio 8:3

Yarqaymanta ñakarichisuspaykichikpas “maná” sutiyuq mikuytam mikuchisurqankichik, ñawpaq taytaykichikkunapapas nitaq qamkunapapas mana reqsisqaykichik mikuyta, chaynapim yacharqankichik: Runaqa manam mikuyllawanchu kawsan, aswanqa Tayta Diospa Chuya siminmanta lloqsimuq rimaykunawanmi.

Josué 7:7

Chaymi Josué nirqa: ¡Dios Taytalláy! ¿Imapaqtaq kay llaq-tata Jordán mayuta chimpachimurqanki amorreokunaman qoykuwaptikiku chinkarachiwanankupaq? ¡Ima allinchá kanman karqa Jordán mayupa waklaw chimpanpi qepakamuyniykuqa!