Éxodo 16:28 - CHUYA QELLQA La Biblia en Quechua de Ayacucho 2012

²⁸ Chaymi Moisesta Tayta Dios nirqa: ¿Haykapikamataq kamachikuyniykunatapas chaynataq yachachikuyniykunatapas mana kasukunkichikchu?

Quechua Ayacucho Bible 1987

²⁸ Chaymi Tayta Dios nirqa Moisesta: —¿Haykapikamataq mana kasukunkichikchu kamachikuyniykunatapas chaynataq yachachikuyniykunatapas?

Chuya Qellqa 1992

²⁸ Chaymi Moisesta Tayta Dios nirqa: ¿Haykapikamataq kamachikuyniykunatapas chaynataq yachachikuyniykunatapas mana kasukunkichikchu?

Éxodo 16:28 Iomraidhean Croise

2~Reyes 17:14

Paykunam ichaqa mana kasukurqakuchu, aswanqa Tayta Diospi mana hapipakuq ñawpaq taytanku hinam rumi sonqo karqaku.

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Éxodo 16:27

Wakin runakunam qanchis kaq punchawpi huñuq lloqsirqaku, ichaqa manam imatapas tarirqakuchu.

Éxodo 16:29

Amam qon-qankichikchu, ñoqam qoykichik samana punchawta, chayraykum soqta kaq pun-chawpiqa mikuytapas iskay punchawpaq qoykichik. Qanchis kaq punchawpiqa, sapakamam hinallapi kankichik, amam pipas maymi kasqanmanta lloqsinqachu, nispa.

Isaías 7:13

Chaymi Isaías nirqa: Rey Davidpa castankuna, kayta uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Isaías 7:9

Samaria llaqtaqa Efrainpa otaq Israel nacionpa capitalninmi, Remaliaspa churin Pekañataqmi Samaria llaqtapa reynin. Sichu qamkunapas ñoqapi mana hapipakuspaqa manam unaytaqa takyankichikchu, nispa.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Jeremías 9:6

Tayta Diosmi kaynata nin: Pantachinakuypa chawpinpim kawsakunku, engañakuq kasqankuraykum paykunaqa mana reqsiwayta munankuchu.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Ezequiel 20:16

Kamachikuykuna qosqaytapas wischupakuspankum mana decretoykunaman hinachu kawsarqaku, samana punchawniykunatapas pasaypaqtam sarutyarurqaku. Paykunaqa idolokunapi sonqoyuqllam kawsarqaku.

Ezequiel 5:6

Jerusalenmi ichaqa kamachikuyniykunata chaynataq decretoykunatapas mana kasukurqachu. Payqa lliw nacionkunamantapas chaynataq muyuriqninpi llaqtakunamantapas aswan mana allinraqmi rikurirurqa, kamachikuyniykunatapas qepancharuspanmi mana decretoykunaman hinachu kawsarqa, nispa.

Números 14:11

Hinaptinmi Moisesta Tayta Dios nirqa: ¿Haykapikamataq kay runakuna piñachiwanqa? ¿Haykapikamataq qayllankupi tukuy señalkunata ruwachkaptiypas mana creewanqakuchu?

Números 20:12

Ichaqa Moisestawan Aarontam Tayta Dios nirqa: Ñoqapi mana hapipakuspa Israel miraykunapa qayllanpi mana hatunchawasqaykichikraykum, qosqay allpamanqa Israelpa mirayninkunawan kuskaqa mana yaykunkichikchu, nispa.

Marcos 9:19

Jesusñataqmi nirqa: ¡Mana iñiyniyuq runakuna! ¿Hayka-pikamataq qamkunawan kasaq? ¿Hay-kapikamataq aguantasqaykichik? Chay warmata apamuychik, nispa.