Éxodo 16:15 - CHUYA QELLQA La Biblia en Quechua de Ayacucho 2012

¹⁵ Chayta rikuruspankum Israelpa mirayninkuna, mana ima kasqanta yachaspanku ninakurqaku: “¿Imataq kayqa?” nispanku. Chaymi Moisés nirqa: Kayqa Tayta Diospa mikuy qosusqaykichikmi, nispa

Quechua Ayacucho Bible 1987

¹⁵ Israelpa mirayninkuna rikuruspankum mana ima kasqanta yachaspanku ninakurqaku: “¿Imataq kayqa?” nispa. Chaymi Moises paykunata nirqa: —Kayqa Tayta Diospa qosusqaykichik mikuymi.

Chuya Qellqa 1992

¹⁵ Chayta rikuruspankum Israelpa mirayninkuna, mana ima kasqanta yachaspanku ninakurqaku: “¿Imataq kayqa?” nispanku. Chaymi Moisés nirqa: Kayqa Tayta Diospa mikuy qosusqaykichikmi, nispa

Éxodo 16:15 Iomraidhean Croise

Nehemías 9:15

Yarqaymanta kaptinkum cielomanta mikuyta qomurqanki, yakumanta kaptinkum qaqamanta yakuta hurqomurqanki, prometesqayki allpaman yaykunankupaqmi kamachirqanki.

Nehemías 9:20

Yachachinanpaqmi Espirituykita qorqanki, mikunankupaqpas mana pisiytam maná tantata qorqanki, yakumanta kaptinkupas mana pisiytam yakuta qorqanki.

Éxodo 16:31

Chay hoqarisqankutam Israel runakuna suticharqaku “maná” nispa, chayqa karqa yuraqmi, culantropa muhun hina, gustonñataqmi karqa mielniyuq galleta hina.

Éxodo 16:33

Hinaptinmi Aaronta Moisés nirqa: Huk mankata hapispa chay mikuymanta iskay kilota Tayta Diospa ñawpaqninpi churamuy, chaynapi miraynikichikkunapaq waqaychasqa kananpaq, nispa.

Éxodo 16:4

Chaymi Moisesta Tayta Dios nirqa: Ñoqam parata hina cielomanta mikuyta chayachimusaq. Runakunañataqmi lloqsispanku, huk punchaw mikunankupaq kamaqllata sapa punchaw huñunqaku, chaynapim yachasaq yachachikuyniyman hina kawsasqankuta otaq mana chayna kawsasqankutapas.

Proverbios 9:5

“Hamuspa convido ruwachisqayta mikuychik, vino alistasqayta upyaychik.

Números 21:5

Hinaspam Diospa contranpi chaynataq Moisespa contranpi rimaspa nirqaku: ¿Imapaqtaq Egipto nacionmanta hurqomuwarqankiku kay chunniqpi wañunaykupaq? Mikuypas yakupas manam kanchu. Maná sutiyuq mikuytapas amirunikuñam, nispanku.

Lucas 12:30

Tukuy chaykunamantaqa Diosta mana reqsiqkunallam llakikun. Qamkunapa Taytaykichikqa ima pisisusqaykichiktapas yachanñam.

Juan 6:49

Ñawpaq taytaykichikkunam “maná” sutiyuq tantata chunniqpi mikurqaku, chaywanpas wañururqakum.

Juan 6:58

Kaymi hanaq pachamanta hamuq tantaqa. Ñawpaq taytaykichikkunaqa “maná” sutiyuq mikuyta mikuchkaspankupas wañurqakum, pipas kay tantamanta mikuqmi ichaqa wiñaypaq kawsanqa, nispa.

1~Corintios 10:3

Chaynataqmi Diospa qomusqan mikuyllata llapallanku mikurqaku.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Deuteronomio 8:3

Yarqaymanta ñakarichisuspaykichikpas “maná” sutiyuq mikuytam mikuchisurqankichik, ñawpaq taytaykichikkunapapas nitaq qamkunapapas mana reqsisqaykichik mikuyta, chaynapim yacharqankichik: Runaqa manam mikuyllawanchu kawsan, aswanqa Tayta Diospa Chuya siminmanta lloqsimuq rimaykunawanmi.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.

Josué 5:12

Chay allpapi kawsaykuna mikusqanku punchawpa paqarinnillantam mikunanku “maná” taniramurqa, chayraykum Israelpa mirayninkunaqa, Canaán allpapa rurunkunataña chay wata mikurqaku.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.