Éxodo 16:12 - CHUYA QELLQA La Biblia en Quechua de Ayacucho 2012

¹² Ñoqam uyarirqani Israelpa mirayninkunapa rimasqanta, paykunata niy: “Chisinkuytam aychata mikunkichik, tutapaytañataqmi tantawan saksankichik, chaynapim yachankichik ñoqaqa Tayta Dios kasqayta”, nispa.

Quechua Ayacucho Bible 1987

¹² —Ñoqam uyarirqani Israelpa mirayninkunapa rimasqanta, paykunatayá niy: “Tutaykuqtam mikunkichik aychata, achikyaqtañataqmi saksankichik mikuywan chaymi yachankichik ñoqaqa yupaychasqaykichik Tayta Dios kasqayta” nispa.

Chuya Qellqa 1992

¹² Ñoqam uyarirqani Israelpa mirayninkunapa rimasqanta, paykunata niy: “Chisinkuytam aychata mikunkichik, tutapaytañataqmi tantawan saksankichik, chaynapim yachankichik ñoqaqa Tayta Dios kasqayta”, nispa.

Éxodo 16:12 Iomraidhean Croise

1~Reyes 20:28

Tayta Diospa profetan hamuspanmi Israel nacionpa reyninta nirqa: Siria runakunam nichkanku: “Tayta Diosqa orqokunapi diosmi, manam qechwapi dioschu” nispanku, aswanqa ñoqam wak nana-nanaq runakunata makikiman churasaq chaynapim yachankichik Tayta Dios kasqayta, nispa.

Éxodo 12:6

Chay animaltaqa kay killapa chunka tawayuq punchawninkamam waqaychankichik, chay punchawmi inti seqaykuyta Israel runakuna sapakama nakanqaku.

Éxodo 16:11

Chaymi Moisesta Tayta Dios rimapayarqa:

Éxodo 4:5

Kay señalwanmi creenqaku ñawpaq taytaykichik Abrahampa, Isaacpa hinaspa Jacobpa Tayta Diosnin qanman rikurisusqaykita.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Éxodo 7:17

Tayta Dios kaynata nin: Kunanmi Tayta Dios kasqayta yachanki, makiypi tawnawan Nilo mayuta waqtaruptinmi yawarman yaku tikrakurunqa.

Jeremías 31:24

Judá runakunapas, llaqtankunapi yachaqkunapas, chakra llamkaqkunapas hinaspa uywa michiqkunapas chaypim yachanqaku.

Ezequiel 34:30

Chaynapim yachanqaku ñoqa Tayta Dios paykunawan kasqayta; paykunam llaqtay kanqaku ñoqañataqmi Diosninku kasaq. Ñoqa Tayta Diosmi chaynata nini.

Ezequiel 35:13

Qamqa mana upallaykuspam ñoqapa contraypi rimarqanki, contraypi rimasqaykitam ñoqaqa uyariruni.

Ezequiel 39:22

Israelpa miraykunapas chay punchawmanta qepamanmi Tayta Dios kasqayta yachanqaku.

Joel 3:17

Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.

Levítico 11:44

Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Números 11:4

Israelpa mirayninkunamanmi huklaw llaqtayuq runakuna hukllawakaramurqa. Paykunam wiksanku huntachiyllapi yuyaymanaqku. Chaymi Israelpa mirayninkunapas paykunata qatipakuspa kaynata nispa waqarqaku: ¡Maypiraq aycha mikuykunanchi-kpaq!

Números 14:27

Kay Israelpa mana allin miraynin-kunapa contraypi rimasqanta, ¿haykapikamataq uyarisaq? Contraypi mana allinkuna rimasqankutam uyariruni.