Éxodo 16:10 - CHUYA QELLQA La Biblia en Quechua de Ayacucho 2012

¹⁰ Israelpa mirayninkunata Aarón rima-payachkaptinmi chunniq lawta qawarirqaku, hinaptinmi Tayta Diospa kanchaynin puyupi kachkasqa.

Quechua Ayacucho Bible 1987

¹⁰ Lliw huñunasqa Israelpa mirayninkunata Aaron rimapayachkaptinmi qawarirurqaku chunniq lawta hinaptinmi Tayta Diospa kanchaynin kachkasqa puyupi.

Chuya Qellqa 1992

¹⁰ Israelpa mirayninkunata Aarón rimapayachkaptinmi chunniq lawta qawarirqaku, hinaptinmi Tayta Diospa kanchaynin puyupi kachkasqa.

Éxodo 16:10 Iomraidhean Croise

Éxodo 16:11

Chaymi Moisesta Tayta Dios rimapayarqa:

Éxodo 16:7

Paqarin tutapaytañataqmi Tayta Diospa atiyninta qawankichik, paymi contranpi rimasqaykichikta uyarirun. Ñoqaykuqa, ¿pitaq kaniku contraykupi rimanaykichikpaqqa? nispanku.

Éxodo 24:16

Tayta Diospa atiyninmi Sinaí orqopa hawan-man tiyaykurqa. Soqta punchawmi orqota puyu taparurqa. Qanchis kaq punchawpiñataqmi puyu ukumanta Moisesta Tayta Dios qayamurqa.

Levítico 9:23

Chaymantam Moiseswan Aarón, Diosman asuykuna carpaman yaykurqaku, lloqsiramuspankuñataqmi runakunapaq Diospa bendicionninta mañakurqaku, chaymi Tayta Diospa achkiriynin llapallan runakunaman rikuriykurqa.

Levítico 9:6

Hinaptinmi Moisés nirqa: Chayta ruwanaykichikpaqmi Tayta Dios kamachikun, chayta ruwaptikichikmi paypa atiynin rikuriykusunkichik, nispa.

Números 14:10

Llapa runakunañataqmi paykunata rumiwan choqaparuyta munarqaku. Ichaqa Tayta Diospa atiyninmi Diosman asuykuna carpapi Israelpa mirayninkunaman rikuriykurqa.

Números 16:19

Coreymi Moisespa chaynataq Aaronpa contranpi llaqtata huñuramurqa Diosman asuykuna carpapa punkunman, hinaptinmi Diospa atiynin llapallan chaypi huñunasqa runakunaman rikuriykurqa.

Números 16:42

Moisespa chaynataq Aaronpa contranpi kaq runakuna muyuriqninkuman huñunakuruptinkum, Diosman asuykuna carpaman Moiseswan Aarón pasarqaku, hinaptinmi carpata puyu tapaykuptin Tayta Diospa atiynin rikuriykurqa.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.