Éxodo 15:8 - CHUYA QELLQA La Biblia en Quechua de Ayacucho 2012

⁸ Piñakuywan pukuruptikim yakukunapas iskayman rakikururqa, lamar qochapa olankunam perqa hina sayarurqa.

Quechua Ayacucho Bible 1987

⁸ Piñakuywan pukuruptikim yakukunaqa montonakururqa. Huk muralla hinam timpuy-timpuy yakupas sayarurqa. Lamar qochapa uku chawpinmi tikarurqa.

Chuya Qellqa 1992

⁸ Piñakuywan pukuruptikim yakukunapas iskayman rakikururqa, lamar qochapa olankunam perqa hina sayarurqa.

Éxodo 15:8 Iomraidhean Croise

2~Samuel 22:16

Tayta Diospa qaqchakuyninwanmi lamar qochapa ukunkunapas rikurirqaraq, Tayta Diospa qapariyninwanmi kay pachapa cimientonkunapas rikukurqaraq.

Jobwan Sutichasqa Libro 4:9

Diospa pukuriyninwanmi paykunaqa chinkarunku, piñakuyninpa pukuriyninwanmi puchukarunku.

Éxodo 14:29

Israelpa mirayninkunam ichaqa lamar qochapa chawpinta, chaki allpanta pasarurqaku. Yakukunam alleq lawninkupi hinaspa ichoq lawninkupi perqa hina karqa.

Isaías 11:4

Wakchakunatam imam derechonkuman hina juzganqa, kay pachapi wakchakunatam Diospa munasqanman hina nanachikunqa, rimayninwanmi kaspiwan hina mana allin runata ñakarichinqa, siminmanta lloqsimuq atiyninwanmi mana allin ruwaqkunata wañuchinqa.

Isaías 37:7

Kunanmi Asiriapa reyninta llaki noticiawan hukmanyarachisaq, hinaptinmi llaqtanman kutispa hukkaqninpa wañuchisqan kanqa”, nispa.

Habacuc 3:10

Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

Habacuc 3:15

Qamqa caballoykikunawanmi lamar qochapipas purinki, tinpurichkaq yakukunapim kallpanki.

2~Tesalonicenses 2:8

Hinaptinmi chay millay runa rikurimunqa. Paytam Señorqa samayllanwan wañuchinqa, kancharistin rikurimuspanmi paytaqa chinkarachinqa.

Josué 3:13

Tukuy Atiyniyuq Diospa Arcanta apaq sacerdotekuna Jordán mayuta saruykuptinkum hinallapi takyarunqa. Hanaymanta kallpamuq yakukunam qocharuspan perqa hina churakurunqa, nispa.

Josué 3:16

hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku.