Éxodo 15:27 - CHUYA QELLQA La Biblia en Quechua de Ayacucho 2012

²⁷ Chaymantam Elimman chayarurqaku chunka iskayniyuq pukyukunapa chaynataq qanchis chunka palmera sachakunapa kasqanman, hinaspam yakukunapa hichpanpi carpankuta sayachirqaku.

Quechua Ayacucho Bible 1987

²⁷ Paykunam chayarurqaku Elim lawman chunka iskayniyoq pukyukunapa chaynataq qanchis chunka palmera sachakunapa kasqanman hinaspam karpankuta sayachirqaku yakukunapa hichpanpi.

Chuya Qellqa 1992

²⁷ Chaymantam Elimman chayarurqaku chunka iskayniyuq pukyukunapa chaynataq qanchis chunka palmera sachakunapa kasqanman, hinaspam yakukunapa hichpanpi carpankuta sayachirqaku.

Éxodo 15:27 Iomraidhean Croise

Éxodo 16:1

Israelpa mirayninkunam Elim-manta lloqsispanku Sin sutiyuq chunniqman chayarurqaku, chay chunniqqa kachkan Elimmanta Sinaiman rinapim. Chaymanqa chayarqaku, Egipto nacionmanta huk killa lloqsisqanku hawañam, iskay kaq killapa chunka pichqayuq punchawninpi.

Isaías 12:3

Qamkunapas kusikuyllawanñam salvación qokuq pukyumanta yakuta tomankichik.

Ezequiel 47:12

Chay mayupa kaylaw-waklaw patanpiqa tukuy rikchaq fruta sachakunam wiñanqa, llaqenkunapas manam haykapipas qawinqachu, mana tukuytam rurunqapas; templomanta lloqsiq yakuwan parqosqa kasqanraykum killan-killan poqonqa. Rurunkunam mikunapaq kanqa, llaqenkunañataqmi hampipaq kanqa.

Números 33:9

Maramanta lloqsispankum Elimman chayaruspa chaypi samarurqaku, chaypim chunka iskayniyuq pukyukuna chaynataq qanchis chunka palmera sachakuna karqa.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.