Éxodo 15:26 - CHUYA QELLQA La Biblia en Quechua de Ayacucho 2012

²⁶ Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Quechua Ayacucho Bible 1987

²⁶ Tayta Diosmi nirqa: —Ñoqaqa yupaychasqayki Tayta Diosmi kani, sichu sumaqta uyariykuwaptikiqa, ñawpaqniypi allin kaqta ruraptikiqa hinaspa kamachikuyniykunata uyariptikiqa chaynataq decretoykunatapas kasukuptikiqa Egipto runakunaman apachisqay onqoykunataqa manam mayqantapas apachimusqaykichu. Ñoqaqa hampiqniki Tayta Diosmi kani —nispa.

Chuya Qellqa 1992

²⁶ Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Éxodo 15:26 Iomraidhean Croise

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:38

Sichum kamachikuyniykunata ya-chachikuyniykunata kasukunki hi-naspa munasqayman hina kawsas-pa serviqniy David hina allinta ruwaptikiqa, ñoqam yanapasqayki, Davidpa munaychakuyninta hinam munaychakuynikitapas takyachisaq, Israel naciontapas makikimanmi churasaq,

2~Reyes 2:21

Eliseoqa rispan pukyuman kachita machqeykuspan nirqa: Tayta Diosmi kaynata nin, ñoqam kay yakuta allinyachini, manañam kunanmantaqa wañuypas nitaq mana imapa qespinan allpapas kanqañachu, nispa.

2~Reyes 20:5

Kutirispayki rey Ezequiasman kaynata nimuy: “Ñawpaq taytayki Davidpa yupaychasqan Tayta Diosmi kaynata nin: Mañakuwasqaykitam uyariykuyki, rikurqanitaqmi waqasqaykitapas, sanoyarachiptiymi kimsa punchawmanta temployman rinki,

2~Reyes 22:2

Josiasqa Tayta Diospa qayllanpim allinkunata ruwaspan mana ichoqmanpas nitaq alleqmanpas muyuspa ñawpaq taytan David hina kawsarqa.

Jobwan Sutichasqa Libro 5:18

Diosqa runata heridaruspanpas hina kikillantaqmi hampiykun, pimanña nanayta qoykuspanpas hina payllataqmi hampiykun.

Éxodo 12:29

Chawpi tutatam Egipto nacionpi llapallan piwikunata Tayta Dios wañu-rachirqa, palaciopi tiyaq Faraonpa piwinmanta qallarispa carcelpi kaq presopa piwinkama, llapa animalkunapa piwintapas wañurachirqam.

Éxodo 19:5

Sichum nisqayta kasukuspa pacto ruwasqaytapas cumplispaykichikqa, qamkunam kankichik wakin runakunamanta akllakusqay runaykuna. Kay pachaqa ñoqapam.

Éxodo 19:6

Qamkunam sacerdoteykuna kankichik, ñoqallataña serviwanaykichikpaq sapaqchasqa llaqta”. Chaynatam Israelpa mirayninkunaman willamunki, nispa.

Éxodo 20:2

Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 23:25

Ñoqa Tayta Diosllatam yupaychawankichikqa, hinaptinmi mikunaykitawan yaku tomanaykita bendecisaq. Onqoykunatapas ñoqam qanmanta wischusaq.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 57:18

Imaynam kawsasqantam qawarqani, chaywanpas hampispaymi payta michisaq, paytaqa ñoqam hawkayachisaq, llakinkunamantam consuelasaq.

Jeremías 11:7

Taytaykichikkunata Egiptomanta hur-qomuspaymi kasuwanankupaq kama-chirqani. Chay tiempomantam kunankama kasuwanankupaq chaylla-chaylla rimapayarqani.

Jeremías 17:24

Ñoqa Tayta Diosmi kaynata nini: Kasukuychikyá, amayá samana punchawpiqa kay llaqtapa punkuntaqa ima cargatapas apaykuychikchu, chay punchawtaqa ñoqapaq sapaqchaspa ama imatapas ruwaychikchu.

Jeremías 30:17

Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Jeremías 33:6

Chaywanpas llaqtaytaqa hampispaymi sanoyachisaq, paykunataqa imankumantapas mana pisisqatam hawkallata hinaspa mana pipapas imanasqanta kawsachisaq.

Jeremías 7:23

Paykunataqa kaynatam nirqani: Nisqaykunata kasu-kuptikichikqa ñoqam Diosnikichik ka-saq qamkunañataqmi llaqtay kanki-chik, nisqaykunaman hinayá kawsaychik, chaynapi ima ruwasqaykichikpas allin kananpaq.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Ezequiel 18:5

Allin ruwaq runaqa, allin kaqkunatawan allin arreglotam ruwan.

Oseas 11:3

Ñoqam Efraín llaqtata makinmanta pusaspa puriyta yachachirqani, chaywanpas manam reqsikurqakuchu waqaychaqninku kasqayta.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Levítico 26:13

Ñoqa Tayta Diosmi Egipto nacionmanta hurqomurqaykichik manaña paykunapa criadon kanaykichikpaq. Yugota pakipachkaq hinam criado kasqaykichikmanta libramurqaykichik, hinaspam qari-qarillataña purichirqaykichik.

Levítico 26:3

Kamachikuyniykunatawan yachachi-kuyniykunata kasukuptikichikqa,

Números 12:13

Chaymi kaynata qaparispan Tayta Diosta Moisés mañakurqa: Diosnilláy, Mariata sanoyaykachinaykipaqmi mañakuyki, nispa.

Deuteronomio 12:25

Yawarta mana mikuspaqa, qamkunapas churikichikkunapas allinmi kankichik. Mana mikuspaqa Tayta Diospa qayllanpim paypa munasqanta ruwachkankichik.

Deuteronomio 12:28

Chaynaqa, tukuy kay kamachisqaykunatayá kasukuychik, chaynapi qamkunapas miraynikichikkunapas wiñaypaq allin kanaykichikpaq, allinqa kankichik Tayta Diospa qayllanpi allinta ruwaspam chaynataq munasqanman hina kawsaspam.

Deuteronomio 13:18

Chaynataqa ruwanqa kunan kamachisqayman hina Señornikichik Tayta Diosta kasukuspa kamachisqankunatapas ruwayman churaptikichikmi chaynataq paypa munasqanman hina kawsaptikichikmi.

Deuteronomio 28:27

Tayta Diosqa Egipto runakunata hinam chupuwan, amoqllowan, sarnawan chaynataq seqsipakuykunawan mana hampikuypas atinaykichikkama ñakarichisunkichik;

Deuteronomio 28:58

Sichum kay libropi qellqasqa yachachikuykunata mana kasukuptikichikqa, nitaq ancha reqsisqa manchakuypaq Señornikichik Tayta Diostapas mana manchakuptikichikqa,

Deuteronomio 28:60

Egipto nacionpi manchakusqaykichik llapa castigokunatam qamkunamanpas kachaykamusunkichik, hinaptinmi chaykunawan ñakarinkichik.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

Deuteronomio 5:1

Israelpa llapallan mirayninkunata huñuruspanmi Moisés nirqa: Israelpa mirayninkuna, yachachisqay kamachikuykunatawan yachachikuykunatayá uyariychik. Chaykunata sumaqta yachaspaykichikyá ruwayman churaychik.

Deuteronomio 7:15

Tayta Diosmi qamkunamanta tu-kuy onqoykunata wischunqa, Egipto nacionman kachasqan onqoykunata-pas manam qamkunamanqa chayachimunqachu. Aswanqa llapallan cheqnisuqnikichik runakunatam chay onqoykunawan ñakarichinqa.