Éxodo 15:25 - CHUYA QELLQA La Biblia en Quechua de Ayacucho 2012

²⁵ Hinaptinmi Tayta Diosta Moisés mañakuptin huk sachata qawaykachirqa, chay sachata yakuman wischuykuptinmi yaku miskiyarurqa. Chaypim Tayta Dios paykunata pruebarqa, hinaspam decretokunatawan imaynam kawsanankupaq kamachikuykunata qorqa.

Quechua Ayacucho Bible 1987

²⁵ Chaymi Tayta Diosta Moises mañakuptin pay qawaykachirqa huk sachata, chay sachata yakuman wischuykuptinmi yaku miskiyarurqa. Chaypim qorqa decretotawan imaynam kawsanankupaq kamachikuyta hinaspam chaypitaq paykunataqa pruebarqa.

Chuya Qellqa 1992

²⁵ Hinaptinmi Tayta Diosta Moisés mañakuptin huk sachata qawaykachirqa, chay sachata yakuman wischuykuptinmi yaku miskiyarurqa. Chaypim Tayta Dios paykunata pruebarqa, hinaspam decretokunatawan imaynam kawsanankupaq kamachikuykunata qorqa.

Éxodo 15:25 Iomraidhean Croise

2~Reyes 2:21

Eliseoqa rispan pukyuman kachita machqeykuspan nirqa: Tayta Diosmi kaynata nin, ñoqam kay yakuta allinyachini, manañam kunanmantaqa wañuypas nitaq mana imapa qespinan allpapas kanqañachu, nispa.

2~Reyes 4:41

Hinaptin-mi Eliseo kamachikurqa: Harinata apamuwaychik, nispa. Qoykuptinkum mankaman talliykuspan nirqa: Runakunaman qaraychik mikunankupaq, nispa. Mikuruptinkum manaña paykunata imanarqachu.

2~Reyes 6:6

Chaymi profeta Eliseo tapurqa: ¿Maylawmantaq wichiykurqa? nispa. Wichiykusqan lawta qawaykachiptinmi kaspita Eliseo kuchuruspan choqaykurqa, hinaspam hachata chaylla wampurachimurqa.

Éxodo 14:10

Faraón hichpaykuptinñam, Israelpa mirayninkuna musyakururqaku Egipto runakuna paykunapa qepanta hamusqanta, chayraykum hatu-hatunta mancharikuspanku qaparispa Tayta Diosta mañakurqaku.

Éxodo 16:4

Chaymi Moisesta Tayta Dios nirqa: Ñoqam parata hina cielomanta mikuyta chayachimusaq. Runakunañataqmi lloqsispanku, huk punchaw mikunankupaq kamaqllata sapa punchaw huñunqaku, chaynapim yachasaq yachachikuyniyman hina kawsasqankuta otaq mana chayna kawsasqankutapas.

Éxodo 17:4

Chaymi Tayta Diosta qayakuspan Moisés nirqa: ¿Imatataq kay runakunawan ruwasaq? Kunanmanta asllatawanqa rumiwanchá tukuruwanqaku, nispa.

Éxodo 20:20

Chaymi Moisés nirqa: Ama manchakuychikchu. Diosqa pruebasunaykichikpaqmi hamurqa, chaynapi payta respetaspaykichik mana huchallikunaykichikpaq, nispa.

Proverbios 17:3

Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Jeremías 15:1

Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Jeremías 9:7

Tukuy Atiyniyuq Tayta Diosmi kaynata nin: Ruwasqaymanta mastaqa, ¿imataraqtaq runaykunawan ruwasaq? Qorita ninapi chulluchichkaq hinaraqmi paykunataqa chuyanchasaq.

Ezequiel 47:7

Kutimuchkaspaymi mayupa kaylaw-waklaw chimpanpi achkallaña sachakunata rikurqani.

Ezequiel 47:8

Hinaptinmi niwarqa: Kay mayuqa richkan intipa qespimunan lawmanmi, hinaspam Jordán mayupa kallpanan wayqoman uray-kuchkan, chaymantam Puchqo lamar qochaman yaykunqa. Chayman chayaruptinmi chay qochapa yakunkuna miski yakumanña tikrakurunqa.

1~Corintios 1:18

Chinkasqakunapaqqa, Cristopa cruzpi wañusqanmanta willakuyqa mana valeqpaq hapisqam, salvakuy munaqkunapaqmi ichaqa kay willakuyqa atiyniyuq.

Deuteronomio 13:3

hinaptinqa amam kasunkichikchu. Chaywanqa Señornikichik Tayta Diosmi pruebasuchkankichik, cheqapchus icha manachus tukuy sonqoykichikwan, tukuy vidaykichikwan payta kuyasqaykichikta yachananpaq.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Jueces 2:22

Chay nacionkunawanmi Israelpa mirayninkunata Tayta Dios pruebarqa, chaynapi kasukusqankuta otaq mana kasukusqankutapas yachananpaq, ñawpaq taytankuqa paypa munasqanman hinam kawsarqaku.

Jueces 3:1

Tayta Diosmi kay nacionkunata puchuchirqa Israelpa qepa nacemuq mirayninkunata pruebananpaq, paykunaqa manam Canaán allpapi guerrakunataqa rikurqakuchu.

Jueces 3:4

Chay runakunawanmi Israel miraykunata Tayta Dios pruebarqa, chaynapi kasukusqankuta otaq mana kasukusqantapas yachananpaq, chay kamachikuykunatam ñawpaq taytankuman Moisesnintakama Tayta Dios kamachirqa.