Éxodo 15:15 - CHUYA QELLQA La Biblia en Quechua de Ayacucho 2012

¹⁵ Edom nacionpi kamachikuqkunam hukmanyanqaku, Moab nacionpi kamachikuqkunam katkatatanqaku, Canaán allpapi yachaqkunam hukmanyanqaku.

Quechua Ayacucho Bible 1987

¹⁵ Edom nacionpi kamachikuqkunapas hukmanyarunqakum. Moab nacionpi jefekunapas katkatatanqakum. Canaan lawpi llapallan *f**yachaqkunapas hukmanyarunqakum.

Chuya Qellqa 1992

¹⁵ Edom nacionpi kamachikuqkunam hukmanyanqaku, Moab nacionpi kamachikuqkunam katkatatanqaku, Canaán allpapi yachaqkunam hukmanyanqaku.

Éxodo 15:15 Iomraidhean Croise

Génesis 36:15

Esaupa mirayninkuna ukupi kamachikuqkunam karqa: Temán, Omar, Zefo, Cenaz, Coré, Gatam hinaspa Amalec. Paykunam Elifazpa churin Adapa miraynin Edom allpapi kamachikuqkuna karqaku. Elifazqa Esaupa piwi churinmi karqa.

Génesis 36:40

Kaykunam ayllunkuman hina, llaqtankuman hina Esaupa mirayninmanta kamachikuqkuna karqaku: Timna, Alva, Jetet,

2~Samuel 17:10

Hinaptinchá maynaña guerrapi peleaq qaripas, león hina allinnin qari-qari kachkaspapas hukmanyarunqa. Llapallan Israel runakunam yachanku taytaykiqa guerrapi peleaq kasqanta chaynataq paywan kaqkunapas allinnin qari-qari soldadokuna kasqankuta.

Isaías 13:7

Chayraykum llapa runakunapa makinpas manaña kallpayuq rikurirunqa, sonqonkupas pasaypaqtam hukmanyarunqa.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Jeremías 49:23

Damasco llaqtapa contranpim Tayta Dios kaynata nin: Manchakuypaq willakuykuna uyarisqanwanmi Hamat llaqtawan Arfad llaqtapas penqakuymanta kachkanku. Manchakuymi paykunaman huntaykun, manam ima ruwaytapas atinkuchu.

Ezequiel 21:7

Sichum pipas tapusunki: “¿Imanasqataq kaynatañaqa waqachkanki?” nispa hinaptinqa kaynatam ninki: Ñoqaqa waqachkani imam pasakunanmanta willakuy uyarisqaywanmi. Chaykuna chayamuptinqa llapa runakunam hukmanyanqaku, manam ima ruwakuytapas atinqakuñachu, muspaypi hinam rikurirunqaku, manchakuymantam moqonkupas katkatatanqa. Ñam chayaykamuchkanña, chaynapunim kanqa. Ñoqa Tayta Diosmi chaynata nini.

Nahúm 2:10

Nínive llaqtaqa purmachisqa chunniq mana imayuqmi qeparun. Sonqonkupas manchakuymantam hukmanyarun, moqonkupas pasaypaqtam katkatatarun, lliwmi mana kallpayuqña qeparunku, uyankupas pasaypaqtam ayayarun.

Habacuc 3:6

Pay sayaykuptinqa kay pachapas kuyurinmi, qawariptinqa nacionkunapas katkatatanmi. Ñawpa tiempomantaraq kaq orqokunapas wichimunmi, ñawpa tiempomantaraq kaq moqokunapas chullurinmi. Diospa ñanninkunam ichaqa wiña-wiñaypaq takyan.

Habacuc 3:7

Cusán lawpi yachaqkunatapas hatun ñakariypi kachkaqtam rikurqani, Madián lawpi yachaqkunatapas manchakuywan katkatatachkaqtam rikurqani.

Deuteronomio 2:4

Runakunata kaynata kamachiy: Esaupa mirayninkunapa allpantam pasankichik. Paykunaqa aylluykichikmi, Seir orqopim yachachkanku. Paykunaqa manchakusunkichikmi, chaywanpas anchatayá cuidakuychik.

Deuteronomio 20:8

Huktawanmi tropa kamachiqkuna ninqaku: “Qamkunamanta pipas manchati kaspaqa wasinman kutikuchun. Yanqañataq manchati kasqanrayku soldadomasinkunatapas hukmanyachinman”, nispa.

Josué 14:8

Riqmasiykunam ichaqa llapa runakunata hukmanyarachirqaku, ñoqam ichaqa yupaychasqanchik Tayta Diosman hapipakurqani.

Josué 2:11

Chay uyarisqayku anchata mancharirachiwaptinkum, manaña pi runapipas valor kanñachu qamkunawan peleananpaq. Qamkunapa Diosnikichikqa, hanaq pachapipas kay pachapipas Diosmi.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 2:9

Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

1~Samuel 14:16

Saulmi Benjamín ayllupa allpan law Gabaa llaqtapi wateqaqkunata churarqa, paykunam rikururqaku Filistea tropakuna anchallataña kayman chayman kallpakachasqankuta.