Éxodo 15:14 - CHUYA QELLQA La Biblia en Quechua de Ayacucho 2012

¹⁴ Llaqtakunam uyariruspa katkatatanqaku, filisteokunam nanaywan hapichikunqaku.

Quechua Ayacucho Bible 1987

¹⁴ Runakuna uyariruspam katkatatanqaku. Filistea runakunam nanaywan hapirachikunqaku.

Chuya Qellqa 1992

¹⁴ Llaqtakunam uyariruspa katkatatanqaku, filisteokunam nanaywan hapichikunqaku.

Éxodo 15:14 Iomraidhean Croise

1~Crónicas 14:17

Davidpa tukuy ima ruwasqankunam llapa nacionkunapi uyarikurqa, Tayta Diosñataqmi chay nacionkunaman manchakuyta qoykurqa Davidta manchakunankupaq.

Isaías 14:29

Filistea llaqtayuqkuna, maqasuqnikichikpa tawnan pakirusqanraykuqa amayá kusikuychikchu. Maqta urupa sapinmantaqa aswan kachukuq maqta ururaqmi lloqsimunqa, pawaq maqta ururaqmi lloqsimunqa.

Isaías 14:31

¡Filisteokuna, qapariyllawanña waqaychik, llakimanta qaparkachaychik, nanaywan qewipakuychik! Norte lawmantam qosni hinaraq tropakuna kallpamuchkanku, soldadokunapas tropanmanta mana chullaykuspam hamuchkanku.

Isaías 23:5

Tiro llaqtapa sasachakuyninta Egipto nacionpi runakuna uyarispankum, llakikuymanta waqanqaku.

Ezequiel 32:9

Qamta puchukarachisqayta uyarispankum huklaw nacionniyuq runakunapas hukmanyanqaku, mana reqsisqayki nacionniyuqkunapas llumpaytam hukmanyarunqaku.

Habacuc 3:6

Pay sayaykuptinqa kay pachapas kuyurinmi, qawariptinqa nacionkunapas katkatatanmi. Ñawpa tiempomantaraq kaq orqokunapas wichimunmi, ñawpa tiempomantaraq kaq moqokunapas chullurinmi. Diospa ñanninkunam ichaqa wiña-wiñaypaq takyan.

Habacuc 3:7

Cusán lawpi yachaqkunatapas hatun ñakariypi kachkaqtam rikurqani, Madián lawpi yachaqkunatapas manchakuywan katkatatachkaqtam rikurqani.

Números 14:14

kay allpapi yachaqkunaman willaykunqaku. Paykunapas yachankum runaykikunawan kasqaykitaqa chaynataq uya-uyapura paykunawan rimasqaykitapas. Yachankutaqmi paykunapa hawan-pi puyuyki sayasqantapas chaynataq punchawpi sayaq puyupi hinaspa tutan-ñataq sayaq ninapi ñawpaqninkuta risqaykitapas.

Números 22:5

Chayraykum payqa Beorpa churin Balaamman kacharqa. Balaamqa Eu-frates mayupa hichpan Amav law Petor llaqtapim yacharqa. Rey Balacmi runankunata kacharqa Balamman kaynata nimunankupaq: Egipto nacionmantam allpapas tapaykuq runakuna lloqsiramunku, hinaspam hichpallaypiña kachkanku.

Deuteronomio 2:25

Kunanmantapunim kay pachapi runakunata mancharichiyta qallarisaq. Qamkunamanta rimaqta uyarispankum mancharikuymanta katkatataspa qewipakunqaku”, nispa.

Josué 10:2

Gabaón llaqtaqa Hai llaqtamantapas aswan hatunmi karqa, runankunapas allinnin qari-qarikunam karqaku. Chayraykum rey Adonisedecpas chaynataq runankunapas llumpay mancharisqallaña karqaku.

Josué 2:11

Chay uyarisqayku anchata mancharirachiwaptinkum, manaña pi runapipas valor kanñachu qamkunawan peleananpaq. Qamkunapa Diosnikichikqa, hanaq pachapipas kay pachapipas Diosmi.

Josué 9:24

Chaymi Josueyta nirqaku: Yupaychasqayki Tayta Dios tukuy kay allpata qamkunaman qosunaykichikpaq hinaspa kay allpapi llapallan yachaqkunata wañuchinanpaq serviqnin Moisesman kamachisqanta yacharusqaykuraykum, wañuchiwanaykikumanta manchakuspa chaynataqa ruwarqaniku.

Josué 9:9

Paykunañataqmi nirqaku: Kay serviqnikikunaqa karu llaqtamantaraqmi hamuchkaniku, Diosnikichikpa tukuy ima ruwasqantam yacharurqaniku. Uyarirqanikum Egipto nacionpi tukuy ima ruwasqankunatawan,

1~Samuel 4:7

Chaymi filisteokuna mancharikuspanku ninakurqaku: ¡Diosmi campamentonkuman chayaramun! ¡Imaynaraq kasunchik! ¡Ñaw-paqtaqa manam kaynachu karqa!

1~Samuel 4:8

¡Imaynaraq kasunchik! ¿Pitaq librawasunchik chay Atiyniyuq Diosninkumanta? Chay Diosmi chunniqpipas tukuy rikchaq ñakariywan Egipto runakunata castigarqa.