Éxodo 15:13 - CHUYA QELLQA La Biblia en Quechua de Ayacucho 2012

¹³ Kuyakuynikiman hinam kay librasqayki llaqtaykita pusawachkankiku, hatun atiynikiwanmi yachanayki wasiman pusawachkankiku.

Quechua Ayacucho Bible 1987

¹³ Prometewasqaykikuman hinam kay librasqayki runakunata pusawachkankiku. Hatun atiynikiwanmi *f**yachanayki wasiman pusawachkankiku.

Chuya Qellqa 1992

¹³ Kuyakuynikiman hinam kay librasqayki llaqtaykita pusawachkankiku, hatun atiynikiwanmi yachanayki wasiman pusawachkankiku.

Éxodo 15:13 Iomraidhean Croise

Génesis 19:16

Lot mana utqayman lloqsiptinmi, Tayta Diospa kuyapayakuyninman hina, chay iskaynin angelkuna Lotta, warminta hinaspa iskaynin warmi churinkunata makinmanta aysaspa llaqtamanta hawaman hurqorqaku.

2~Samuel 15:25

Ichaqa Sadoctam rey David nirqa: Diospa Arcanta llaqtaman kutichiy. Tayta Dios kuyapayariwaspan kutichimuwaptinqa Arcatapas chaynataq yachanan carpatapas qawaykusaqraqchá.

Nehemías 9:12

Punchawmi sayanpa puyuwan pusarqanki, tutanñataqmi sayanpa ninawan pusarqanki, chaynatam rinanku ñanta achkirqanki.

Éxodo 15:16

Dios Taytallayku, paykunaqa mancharikuymanta katkatatachunku, hatun atiynikirayku rumi hina upallachunku; runaykikuna pasanaykukama upallachunku, kay rantisqaykikuna pasanaykukama upallachunku.

Éxodo 15:17

Dios Taytallayku, qanmi yaykuchiwankiku akllakusqayki orqoman, yachanayki orqoman, santuarioyki kananpaq makikiwan allichasqayki orqoman hinaspam chaypi kawsachiwankiku.

Éxodo 20:2

Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Isaías 51:10

¿Manachum qamqa kachkanki uku-uku lamar qochata chakichispa, salvasqaykikuna chayninta lluptinankupaq ñanta kichaykuq?

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Efesios 2:4

Ichaqa llakipayakuq Diosmi llumpayta kuyawaspanchik,

1~Pedro 1:5

Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.