Éxodo 15:11 - CHUYA QELLQA La Biblia en Quechua de Ayacucho 2012

¹¹ Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Quechua Ayacucho Bible 1987

¹¹ Yupaychasqay Dios Taytalláy, qam hina huk diosqa manam kanchu. Qam hina admirakuypaq chuya Diosqa manam kanchu. Qam hina alabanapaq respetana Diosqa manam kanchu. Qam hina milagrokuna ruraq Diosqa manam kanchu.

Chuya Qellqa 1992

¹¹ Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Éxodo 15:11 Iomraidhean Croise

2~Samuel 7:22

Dios Taytalláy, ¡mayna hatunmi qamqa kanki! Qam hinaqa manam pipas kanchu. Uyarisqaykupi hinapas qanmanta sapaq Diosqa manam kanchu.

1~Reyes 8:23

nirqa: Israelpa yupaychasqan Dios Taytalláy, qam hina Diosqa manam kanchu hanaq pachapipas nitaq kay pachapipas, qamqa tukuy sonqonwan kasukuspa serviqnikikunata kuyaspam pactoykita cumplinki.

1~Crónicas 16:25

Tayta Diosqa ancha hatunmi, payqa yupaychana Diosmi, dioskunamantapas aswan manchakuypaqmi.

2~Crónicas 2:5

Templo ruwasqayqa hatunmi kanqa, Diosninchikqa kay pachapi llapallan dioskunamantapas ancha hatun kasqanrayku.

2~Crónicas 6:14

Israelpa yupaychasqan Dios Taytalláy, qam hina Diosqa manam kanchu hanaq pachapipas nitaq kay pachapipas, qamqa pacto ruwasqaykita cumpliqmi kanki, tukuy sonqonkuwan kasukuspa serviqnikikunatam kuyanki.

Éxodo 18:11

Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta.

Éxodo 20:3

Amam ñoqamanta sapaq dioskunaqa kapusunkichu.

Éxodo 3:20

Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 8:10

Hinaptinmi Faraón nirqa: Paqarinpuni chinkachichun, nispa. Chaymi Moisés nirqa: Tayta Dioslla, Dios kasqanta yachanaykipaqmi mañakusqaykiman hina ruwasqa kanqa.

Éxodo 8:6

Hinaptinmi makinta Aarón haywarirqa Egipto yakukunapa hawanman, chaymi karyakuna lloqsiramurqa Egipto allpata huntaykunankama.

Éxodo 9:14

kunanmi llapallan castigoyta kacharimusaq qanman, serviqnikikunaman hinaspa runaykikunaman, chaynapim yachanki tukuy kay pachapi ñoqa hina huk Diosqa mana kasqanta.

Isaías 30:11

Chay ñanta saqeychik, allin ruwaymanta rakikuychik, amaña Israelpa Chuya Diosninwan uyapurachiwaykuchu, nispanku.

Isaías 40:18

¿Piwantaq Tayta Diosta rikchanachiwaqchik? ¿Imaman rikchakuqtataq payta ruwawaqchik?

Isaías 40:25

Chuya Diosmi kaynata tapukun: ¿Piwantaq rikchanachiwankichikman? ¿Pitaq ñoqaman rikchakuq kanman? nispa.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 6:3

Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

Jeremías 10:16

Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Lucas 12:5

Kunanmi yachachisqaykichik pitam manchakunaykichikta: Manchakuychikqa wañurachispa infiernoman wischuykunanpaq atiyniyuq kaqtayá. Arí, paytam manchakunaykichikqa.

Deuteronomio 1:30

Ñawpaqninchik riq Señornikichik Tayta Diosmi ñoqan-chikpaq peleanqa, payqa imatapas ruwanqa Egipto nacionpi chaynataq chunniqpipas ruwasqanman hinam. Chayamunaykichikkamam tukuy chunniq ñankuna hamusqaykichikpi rikurqankichik, imaynam churinta taytan marqayninpi apamuchkaq hina Señornikichik Tayta Diospas marqayninpi apamususqaykichikta”, nispa.

Deuteronomio 3:24

“Señorlláy, Dios Taytalláy, qanmi kay serviqnikiman qawachiwachkanki hatu-hatun atiyniyuq kasqaykita. Manam hukqa kanchu cielopipas hinaspa kay pachapipas qampa ruwasqaykikunata hina ruway atiqqa.

Deuteronomio 33:26

Jesurunpa Diosnin hinaqa manam kanchu, yanapasunaykipaqmi atiyninwan cielokunapa hawanpi purichkan, puyu hawantam hamuchkan.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Apocalipsis 13:4

Chay Dragontam yupaycharqaku manchakuypaq animalman atiyta qoykusqanrayku. Yupaycharqakutaqmi chay manchakuypaq animaltapas: ¿Pitaq kay manchakuypaq animal hinaqa kanman? ¿Pitaq paywanqa peleanman? nispanku.

Apocalipsis 15:4

Señorllayku, ¿pitaq mana manchakusunkimanchu? ¿Pitaq mana yupaychasunkimanchu? Qamllam chuyaqa kanki, chayraykum llapa nacionkuna hamuspanku hatunchasunki, allin ruwaq kasqaykitam qawaykachikunki, nispa.

Apocalipsis 4:8

Chay tawantin kawsaqkunaqa kasqa soqta raprayuqkamam, raprankunañataqmi kasqa hawanpipas ukunpipas ñawikunawan huntasqa, paykunam tuta punchaw mana samaykuspa nirqaku: “¡Chuyam, chuyam, chuyam Tukuy Atiyniyuq Señor Diosqa, payllam ñawpaq kaqpas, kunan kaqpas chaynataq hamuq kaqpas!” nispanku.

1~Samuel 2:2

Dios Taytalláy, ¡Qam hina chuyaqa manam pipas kanchu! ¡Qanmanta hukqa manam pipas kanchu! ¡Qam hina harkaykuwaqniyqa manam pipas kanchu.