Éxodo 14:8 - CHUYA QELLQA La Biblia en Quechua de Ayacucho 2012

⁸ Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Quechua Ayacucho Bible 1987

⁸ Tayta Diosmi Egipto nacionpi Rey Faraonpa sonqonta rumiyarachirqa hinaptinmi Israelpa mirayninkunata qatirqa. Israelpa mirayninkunaqa llumpay qari-qarillañam lloqsirqaku.

Chuya Qellqa 1992

⁸ Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Éxodo 14:8 Iomraidhean Croise

Éxodo 10:27

Ichaqa Tayta Diosmi Faraonpa sonqonta rumiyarachirqa, chayraykum mana kachariyta munarqachu.

Éxodo 13:16

Chaynaqa, qampaqmi kanqa makikipiwan urkuykipi marca hina, Egipto nacionmanta hatun atiyninwan Tayta Dios hurqomuwasqankuta ama qonqanaykipaq”, nispa.

Éxodo 13:18

Chayraykum Diosqa Puka lamar qocha lawman chunniq ñanninta muyuchirqa. Israelpa mirayninkunaqa tropa-tropam Egipto nacionmanta lloq-sirqaku.

Éxodo 13:9

Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Éxodo 14:17

Ñoqam Egipto runakunapa sonqonta rumiyarachisaq qepaykichikta qatiykamusunaykichikpaq, chaynapim Faraonpi, lliw tropankunapi, carretankunapi hinaspa caballopi riqkunapi atiyniyta qawachikuspay hatunchasqa kasaq. Chayraqmi Egipto runakuna yachanqaku ñoqa Tayta Dios kasqayta.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 14:7

Soqta pachak akllasqa carretakunawan chaynataq Egipto nacionpi llapallan carretakunawanmi pasarqa, sapa carretapim huk capitán rirqa.

Éxodo 15:9

Enemigom nirqa: “Haypanaykamam qatisaq, qechusqaytam rakinakusaq, chayraqmi saksasqa hina kasaq, espadayta hurqospam chinkarachisaq”, nispa.

Éxodo 4:21

Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 6:1

Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Éxodo 9:12

Ichaqa Tayta Diosmi Moisesman nisqanpi hina Faraonpa sonqonta rumiyarachirqa, hinaptinmi paykunata mana kasurqachu.

Lamentaciones 3:65

Paykunapa sonqonkuta rumiyarachiy, paykunaman ñakayniki pasaypaqta chayachun.

Levítico 26:13

Ñoqa Tayta Diosmi Egipto nacionmanta hurqomurqaykichik manaña paykunapa criadon kanaykichikpaq. Yugota pakipachkaq hinam criado kasqaykichikmanta libramurqaykichik, hinaspam qari-qarillataña purichirqaykichik.

Números 33:3

Punta kaq killapa chunka pichqayuq punchawninpim Pascua fiestapa paqarinnintinta llumpay qari-qarillaña lloqsimurqaku. Ramsés llaqtamantam Egipto runakunapa qawasqanta lloqsimurqaku.

Hechos 13:17

Israel runakunapa Diosninmi ñawpaq taytanchikkunata akllarqa, hinaspanmi Egipto nacionpi huklaw llaqtayuq hina yachachkaptinku achka-achkaman mirachirqa, chay nacionmantam paykunata atiyninwan hurqomurqa.

Deuteronomio 26:8

Chaymi hatun atiyninwan, manchakuypaq señalkunawan chaynataq admirakuypaq milagrokunawan Egiptomanta hurqomuwarqanchik,

Deuteronomio 32:27

Ichaqa enemigokunapa asipayasqa kanantam mana munarqanichu, yanqañataq contrankupi kaqkuna ninmanku: “Kaytaqa kallpallanchikwanmi ruwarunchik, manam Tayta Dioschu ruwan”, nispanku.

Josué 11:20

Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.

Jueces 4:7

Ñoqam Cisón mayuman, rey Jabinpa tropankunapa kamachiqnin Sisarata, carretankunata hinaspa tropankunata pusamusaq, chaypim makikiman churasaq, nispa.