Éxodo 14:4 - CHUYA QELLQA La Biblia en Quechua de Ayacucho 2012

⁴ Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Quechua Ayacucho Bible 1987

⁴ Faraonpa soqontam rumiyarachisaq qatimusunaykichikpaq chaymi Faraonpa contranpi hinaspa lliw tropanpa contranpi rurasqayrayku alabasqa kasaq. Chaymi Egipto runakuna yachanqa ñoqaqa Tayta Dios kasqayta —nispa. Israel runakunaqa chaynatamá rurarqaku.

Chuya Qellqa 1992

⁴ Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 14:4 Iomraidhean Croise

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Éxodo 10:2

Chaynapi Egipto nacionpi tukuy imam ruwasqaymanta churikikunaman hinaspa willkaykikunaman willanaykipaq. Chaynapim ñoqa Tayta Dios kasqayta yachankichik, nispa.

Éxodo 10:27

Ichaqa Tayta Diosmi Faraonpa sonqonta rumiyarachirqa, chayraykum mana kachariyta munarqachu.

Éxodo 12:28

Chaymi Israelpa mirayninkuna ru-warqaku Moisesmanwan Aaronman Tayta Diospa kamachisqanman hina.

Éxodo 14:23

Egipto runakunapas paykunapa qepantam qatiykurqaku. Faraonpa llapallan caballonkuna, carretankuna hinaspa caballopi riqkunam lamar qochapa chawpinkama yaykururqaku.

Éxodo 14:25

chaymi carretankunapa ruedanta wichirirachirqa, hinaptinmi qatiyninkupi sasachakuspanku Egipto runakuna nirqaku: Israel runakunamanta ayqekusunchik, Tayta Diosmi ñoqanchikpa contranchikpi peleachkan, nispa.

Éxodo 14:3

Faraonmi ninqa: “Israelpa mirayninkunaqa purunpim pantaruspanku chunniqwan wichqarachikunku” nispa.

Éxodo 14:5

Israelpa mirayninkuna lloqsisqankutam Egipto nacionpi reyman willaykurqaku, hinaptinmi Faraonqa serviqninkunapiwan Israelpa mirayninkunapa contranpi tanteaspa nirqaku: Israelpa mirayninkunata kachaykuspanchikqa yanqatam ruwarunchik, ¿pitaq kunanqa serviwasunchik? nispanku.

Éxodo 14:8

Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Éxodo 18:11

Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Éxodo 7:17

Tayta Dios kaynata nin: Kunanmi Tayta Dios kasqayta yachanki, makiypi tawnawan Nilo mayuta waqtaruptinmi yawarman yaku tikrakurunqa.

Éxodo 7:3

Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Éxodo 7:5

Egipto runakunaman atiyniyta qawachispay Israelpa mirayninkunata paykunapa chawpinmanta hurqoptiymi, Egipto runakuna yachanqaku ñoqa Tayta Dios kasqayta.

Éxodo 9:16

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Ezequiel 20:9

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Ezequiel 28:22

Ñoqa Tayta Diospa nisqayta kaynata niy: Sidón llaqta contraykipim kachkani, qampa chawpikipim hatunchasqa kasaq. Contraykipi sentenciaspa castigaptiymi chuya kasqayta reqsiwanki. Chaynapim Tayta Dios kasqayta yachanqaku.

Ezequiel 32:15

Egipto nacionta purmarachiptiymi, tukuy imankunatapas qechuruptiymi, chaypi yachaqkunatapas wañurachiptiymi, Tayta Dios kasqayta yachanqaku.

Ezequiel 38:16

hinaspam Israel llaqtayta atacanki. Yaw Gog, allpatapas puyu hinaraqmi tapaykunki. Chay tukupay punchawkunapim llaqtaypa contranpi pusamusqayki, chaynapim qamnintakama paykunapa qayllanpi chuya kasqayta qawachikuptiy wakin nacionkuna, pim kasqayta reqsiwanqaku.

Ezequiel 38:23

Chaykunawanmi atiyniytawan chuya kayniyta achka nacionkunaman qawachisaq, hinaptinmi Tayta Dios kasqayta yachanqaku.

Ezequiel 39:13

Llapallan runakunam pampanqaku, chay punchawqa yuyarinanku punchawmi kanqa; chay punchawmi atiyniyuq kasqayta qawachikusaq. Ñoqa Tayta Diosmi chaynata nini.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Romanos 11:8

Qellqapa nisqanman hina: Diosmi qoykurqa, mana imapas sientiq espirituta, ñawinkuwanpas mana rikukuy atinankupaq chaynataq rinrinkuwanpas mana uyarinankupaq. Chaynam kunankamapas kachkanku, nispa.

Romanos 9:17

Qellqapipas Diosmi rey Faraonta kaynata nirqa: Qamtaqa hatarichirqayki qamnintakama atiyniyta runakunaman qawachinaypaqmi, chaynapi lliw kay pachapi sutiy willakusqa kananpaq, nispa.

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.

Josué 11:20

Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.

Jueces 4:7

Ñoqam Cisón mayuman, rey Jabinpa tropankunapa kamachiqnin Sisarata, carretankunata hinaspa tropankunata pusamusaq, chaypim makikiman churasaq, nispa.