Éxodo 14:30 - CHUYA QELLQA La Biblia en Quechua de Ayacucho 2012

³⁰ Chaynatam Tayta Diosqa Israel runakunata chay punchawpi salvarurqa Egipto runakunamanta. Israel runakunam Egipto tropakunata rikurqaku lamar qochapa patanpi wischu-wischu wañusqata.

Quechua Ayacucho Bible 1987

³⁰ Chaynatam Tayta Dios chay punchaw Egipto runakunamanta Israel runakunata salvarurqa hinaptinmi Israel runakuna qawarqa lamar qochapa patanpi wañusqa Egipto runakunata.

Chuya Qellqa 1992

³⁰ Chaynatam Tayta Dios chay punchawpi Israel runakunata salvarurqa Egipto runakunamanta. Israel runakunam Egipto tropakunata rikurqaku lamar qochapa patanpi wischu-wischu wañusqata.

Éxodo 14:30 Iomraidhean Croise

2~Crónicas 32:22

Chaynatam Ezequiastawan Jeru-salenpi yachaqkunata, Asiria nacionpa reynin Senaqueribmanta chaynataq llapa enemigonkunamantapas Tayta Dios libraykurqa, hinaspam muyuriqninpi kaqkunawanpas hawkallata kawsachirqa.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Isaías 63:11

Moisesmantawan llaqtanmanta yuyarispankum tapunakurqaku: ¿Maypitaq kachkan lamar qochamanta michiqninkunatawan ovejankunata salvaq Diosqa? ¿Maypitaq kachkan Moisesman Chuya Espirituta qoq Diosqa?

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Oseas 1:7

Judá naciontam ichaqa llakipayaykuspay salvaykusaq, manam flechawanchu nitaqmi espadawanchu, manam guerrawanchu nitaqmi caballokunawanchu, manam caballopi silladakunawanchu, aswanqa Diosninku kasqayraykum, nispa.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Judas 1:5

Yachachkaptikichikpas yuyarichiytam munachkani, Egiptomantam Israel runakunata Señor hurqomurqa, Diospi mana creeqkunatañataqmi wañurachirqa.

Jueces 10:11

Hinaptinmi Israelpa mirayninkunata Tayta Dios nirqa: Qamkunataqa Egipto nacionniyuq runakunapas amorreokunapas, amonitakunapas, filisteokunapas,

1~Samuel 11:13

Chaymi Saulñataq nirqa: Kunan punchawqa manam pipas wañunqachu. Kunanqa Diosmi Israel runakunata libraykuwanchik, nispa.

1~Samuel 14:23

Chaynatam Israel runakunata Tayta Dios libraykurqa chay punchawpi. Chay wañuchinakuymi Bet-avén llaqtakama chayarurqa.