Éxodo 14:21 - CHUYA QELLQA La Biblia en Quechua de Ayacucho 2012

²¹ Moisesmi lamar qochapa hawanman makinta haywarirqa, hinaptinmi tukuy tuta intipa qespimunan lawmanta Tayta Dios sinchi wayrawan lamar qochata iskayman rakinarurqa, hinaptinmi chaki allpa rikurirurqa.

Quechua Ayacucho Bible 1987

²¹ Hinaptinmi Moises makinta haywarirqa lamar qochapa hawanman chaymi Tayta Dios tukuy chay tuta intipa qespimunan lawmanta sinchi wayrawan lamar qochata rakinarachirqa hinaptinmi lamar qochapa chawpin chaki rikurirurqa.

Chuya Qellqa 1992

²¹ Moisesmi lamar qochapa hawanman makinta haywarirqa, hinaptinmi tukuy tuta intipa qespimunan lawmanta Tayta Dios sinchi wayrawan lamar qochata iskayman rakinarurqa, hinaptinmi chaki allpa rikurirurqa.

Éxodo 14:21 Iomraidhean Croise

Génesis 8:1

Diosmi qawarirqa Noeyta chaynallataq paywan kuska arcapi kaq llapallan animalkunatapas, hinaspam kay pachata sinchi wayrawan pukuchimurqa, chaymi yakukuna asllayayta qallaykurqa.

2~Reyes 2:8

Eliasmi capanta pataraykuspan mayuta waqtarurqa, chaymi mayu kichakuykuptin chaki allpanta hina iskayninku chimparurqaku.

Nehemías 9:11

Israelpa qayllanpim lamar qochata iskayman rakinarqanki, chaki allpantam paykunata pasachirqanki; qatimuqninku enemigonkunatam ichaqa, rumita wischuchkaq hinaraq uku-uku yakuman wischuykurqanki.

Jobwan Sutichasqa Libro 26:12

Diosqa atiyninwanmi lamar qochata hawkayachin, yachayninwanmi Rahab animaltapas wañurachin.

Jobwan Sutichasqa Libro 38:24

Yachaptikiqa ¿maylaw ñannintataq achkiy cheqerin? ¿Maylawnintataq intipa qespimunan lawmanta pukumuq wayra cheqerin?

Éxodo 14:16

Qamñataq tawnaykita hoqarispa lamar qocha kichakunanpaq haywariy; lamar qocha kichakuruptinmi Israel runakuna chaki allpanta pasanqaku.

Éxodo 14:20

Egipto tropakunapa campamentonpa hinaspa Israel tropakunapa campamentonpa chawpinpim chay puyu churakuykurqa, chaymi Egipto runakunapaq tutayay karqa, Israel runakunapaqñataq achkiy; chaynapim chay tuta, israel runakunata Egipto tropakuna mana haypayta atirqakuchu.

Éxodo 15:8

Piñakuywan pukuruptikim yakukunapas iskayman rakikururqa, lamar qochapa olankunam perqa hina sayarurqa.

Éxodo 7:19

Moisestam Tayta Dios nirqa: Aaronta niy: Tawnaykita hapispa ma-kikita haywariy Egipto nacionpi mayu-kunapa, yarqakunapa, qochakunapa, qocharayaq yakukunapa hinaspa llapa-challan yakukunapa hawanman chaynapi yawaryarunanpaq. Chaymi lliw Egipto nacionpi, kullumanta chaynataq rumimanta yaku churanankupipas yawar kanqa, nispayki.

Isaías 23:11

Lamar qochapa hawanmanmi Tayta Dios makinta haywariykun, tukuy hinastinpi nacionkunatam katkatatachin, Canaán llaqta tuñichisqa kananpaqmi kamachikun.

Isaías 43:16

Tayta Diosmi, lamar qochanta ñanta kichaqmi, olallaña lamar qochapa ukunta ñanta kichaqmi,

Isaías 44:27

Ñoqam hatun lamar qochata chakinanpaq kamachini, kallpaq mayuykikunatam chakichini.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 51:10

¿Manachum qamqa kachkanki uku-uku lamar qochata chakichispa, salvasqaykikuna chayninta lluptinankupaq ñanta kichaykuq?

Isaías 51:15

Ñoqa Tayta Diosmi lamar qochata kuyurichini, olankunatapas qaparichini. Ñoqaqa Tukuy Atiyniyuq Tayta Dioswan sutichasqam kani.

Isaías 63:12

¿Maypitaq kachkan Moisesta yanapananpaq admirakuypaq atiyninta kachamuqqa? ¿Maypitaq kachkan llaqtanpa qayllanpi lamar qochata kichariqqa? ¿Maypitaq kachkan wiñaypaq reqsisqa kananpaq chaykunata ruwaqqa?

Isaías 63:13

¿Maypitaq kachkan llaqtanta lamar qocha ukunta pusamuqqa? ¿Maypitaq kachkan caballota hina chunniqninta mana urmachispa llaqtanta pusamuqqa? nispanku.

Habacuc 3:8

Dios Taytalláy, ¿mayukunapa contranpichum piñakurunki? ¿Lamar qochapa contranpichum rabiakurunki? ¿Chayraykuchu caballoykikunapi sillakuspa kallpanki? ¿Chayraykuchu venceruq carretaykikunapi kallpanki?

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Josué 2:10

Uyarirqanikum Egipto nacionmanta lloqsimuptikichik Puka lamar qochatapas qayllaykichikpi Tayta Dios chakirachisqanta hinaspa Jordán mayupa waklaw chimpanpi kaq amorreokunapa reynin Sehontawan Ogta pasaypaqta vencerusqaykichiktapas.

Josué 3:17

Tayta Diospa Arcanta apaq sacerdotekunañataqmi, Jordán mayupa chawpinpi, chaki allpapi hina sayarqaku, Israelpa mirayninkuna mayuta chimpay tukunankukama.

Josué 4:23

Tayta Diosmi, qamkunapa Diosnikichikmi, chimpayta tukumunaykukama Jordán mayuta qayllaykupi chakirachirqa, imaynam Puka lamar qochatapas lliw chimpay tukumunaykukama chakichisqanta hina.