Éxodo 14:16 - CHUYA QELLQA La Biblia en Quechua de Ayacucho 2012

¹⁶ Qamñataq tawnaykita hoqarispa lamar qocha kichakunanpaq haywariy; lamar qocha kichakuruptinmi Israel runakuna chaki allpanta pasanqaku.

Quechua Ayacucho Bible 1987

¹⁶ Qamñataq tawnaykita hoqarispayki haywariy lamar qochapa hawanman, lamar qocha rakikuruptinmi chakisqa chawpinta Israelpa mirayninkuna pasanqa.

Chuya Qellqa 1992

¹⁶ Qamñataq tawnaykita hoqarispa lamar qocha kichakunanpaq haywariy; lamar qocha kichakuruptinmi Israel runakuna chaki allpanta pasanqaku.

Éxodo 14:16 Iomraidhean Croise

2~Reyes 4:29

Chaymi criadon Giezita Eliseo nirqa: Chaylla alistakuspa tawnayta aparikuspa pasaypuni, ñanpi piwanpas tupaspaykiqa amam rimaykunkichu nitaqmi pipa rimaykususqaykitapas chaskinkichu, hinaspam tawnayta warmapa uyanman churaykunki, nispa.

Éxodo 14:15

Hinaptinmi Moisesta Tayta Dios nirqa: ¿Imanasqataq ñoqataraq mañakamuwachkanki? Israelpa mirayninkunata ñawpaqman rinankupaq kamachiy.

Éxodo 14:26

Chaymi Moisesta Tayta Dios nirqa: Lamar qochapa hawanman makikita haywariy, chaynapi Egipto runakunata, carretankunata hinaspa caballopi riqkunata, yaku maymi kasqanman kutiykuspa pamparunanpaq, nispa.

Éxodo 17:5

Hinaptinmi Moisesta Tayta Dios nirqa: Runakunapa ñawpaqninman riy, pusay-taq Israelpa ancianonkunata. Nilo mayuta waqtasqayki tawnaykitapas apaspa utqayman riy.

Éxodo 17:6

Horeb orqopim rumi hawanpi ñawpaqnikipi sayasaq, chaymi chay rumita waqtaptiki llapa runakuna tomanankupaq yaku lloqsimunqa, nispa. Moisesmi Israel casta ancianokuna qawachkaptin chaynata ruwarqa.

Éxodo 4:17

Chay tawnata apaspam señalkunata ruwanki, nispa.

Éxodo 4:2

Chaymi Tayta Dios nirqa: ¿Imataq makikipi kachkan? nispa. Moisesñataqmi nirqa: Tawnam, nispa.

Éxodo 4:20

Chaymi Moisesqa warmintawan churinkunata huk asnoman sillaykachispa Egipto nacionman kutikurqa, aparqataqmi Diospa varantapas.

Éxodo 7:19

Moisestam Tayta Dios nirqa: Aaronta niy: Tawnaykita hapispa ma-kikita haywariy Egipto nacionpi mayu-kunapa, yarqakunapa, qochakunapa, qocharayaq yakukunapa hinaspa llapa-challan yakukunapa hawanman chaynapi yawaryarunanpaq. Chaymi lliw Egipto nacionpi, kullumanta chaynataq rumimanta yaku churanankupipas yawar kanqa, nispayki.

Éxodo 7:9

“Milagrota qawachiway” nispa Faraón nisuptikichikqa, Aarontam ninki: Tawnaykita hapispa Faraonpa ñawpaqninman wischuykuy maqta uruman tikrakunanpaq, nispa.

Isaías 10:26

Tukuy Atiyniyuq Tayta Diosmi Asiria nacionta castiganqa, Madián runakunata Oreb sutiyuq qaqapi castigasqanta hina. Egipto nacionmanta hamusqanku ñanpi lamar qochapa hawanman tawnan hoqarisqanta hinam castiganqa.

Habacuc 3:8

Dios Taytalláy, ¿mayukunapa contranpichum piñakurunki? ¿Lamar qochapa contranpichum rabiakurunki? ¿Chayraykuchu caballoykikunapi sillakuspa kallpanki? ¿Chayraykuchu venceruq carretaykikunapi kallpanki?

Números 20:11

Chaynata niruspanmi Moisesqa makinta altoman hoqarispan, tawnanwan iskaykama qaqata waqtarurqa, hinaptinmi achka yaku pawaramuptin runakunapas chaynataq animalkunapas tomarqaku.

Josué 8:18

Hinaptinmi Josueyta Tayta Dios nirqa: Lanzaykita Hai lawman hoqariy, kunanmi llaqtata qosqayki, nispa. Chaymi Josué makinpi lanzata chay llaqta lawman hoqarirqa.