Éxodo 14:14 - CHUYA QELLQA La Biblia en Quechua de Ayacucho 2012

¹⁴ Tayta Diosmi rantikichikpi peleanqa, qamkunaqa hawkalla kaychik, nispa.

Quechua Ayacucho Bible 1987

¹⁴ Tayta Diosmi peleapusunkichik qamkunapaqqa, qamkunaqa hawkallayá kaychik.

Chuya Qellqa 1992

¹⁴ Tayta Diosmi rantikichikpi peleanqa, qamkunaqa hawkalla kaychik, nispa.

Éxodo 14:14 Iomraidhean Croise

2~Crónicas 20:15

chaymi nirqa: Judá runakuna, Jerusalenpi yachaqkuna, qampas rey Josafat, uyariwaychik. Tayta Diosmi kaynata nisunkichik: Kay nana-nanaq tropakunapa qay-llanpiqa ama manchakuychikchu nitaq hukmanyaychikchu, kay guerraqa manam qamkunapachu, aswanqa Diospam.

2~Crónicas 20:17

Manam qamkunachu chay guerrapiqa peleankichik, chaynaqa maymi kasqaykichikpim qasillalla kankichik, hinaspam qawankichik imaynam Tayta Diospa librasusqaykichikta. Chaynaqa, Judá runakuna hinaspa Jerusalenpi kaqkuna, ama manchakuychikchu nitaq hukmanyaychikchu, paykunapa contranpi paqarin lloqsinkichik, Tayta Diosmi qamkunawan kanqa, nispa.

2~Crónicas 20:29

Israel nacionpa enemigonkunapa contranpi Tayta Dios peleasqanta uyariruspankum, llapa nacionpi reykunapas Tayta Diosta manchakururqaku.

Nehemías 4:14

Hinaspaymi mancharisqallaña kasqankuta qawarispay, llapa kamachikuqkunatawan ancha reqsisqa runakunata hinaspa llapa runakunata kaynata nirqani: Ama paykunataqa manchakuychikchu, Diosninchikpa ancha atiyniyuq kasqantayá yuyariychik, chaynaqa aylluykichik, churikichikkuna, warmikichik hinaspa wasikichikrayku peleaychik, nispay.

Nehemías 4:20

Chaynaqa, maypipas trompeta tocaqta uyarispaykichikmi ñoqaykuman huñukamunkichik. Diosninchikmi ñoqanchikpaq peleanqa, nispay.

Nehemías 9:11

Israelpa qayllanpim lamar qochata iskayman rakinarqanki, chaki allpantam paykunata pasachirqanki; qatimuqninku enemigonkunatam ichaqa, rumita wischuchkaq hinaraq uku-uku yakuman wischuykurqanki.

Éxodo 14:15

Hinaptinmi Moisesta Tayta Dios nirqa: ¿Imanasqataq ñoqataraq mañakamuwachkanki? Israelpa mirayninkunata ñawpaqman rinankupaq kamachiy.

Éxodo 14:25

chaymi carretankunapa ruedanta wichirirachirqa, hinaptinmi qatiyninkupi sasachakuspanku Egipto runakuna nirqaku: Israel runakunamanta ayqekusunchik, Tayta Diosmi ñoqanchikpa contranchikpi peleachkan, nispa.

Éxodo 15:3

Tayta Diosqa guerrapi peleaqmi, Tayta Diosmi sutinpas.

Isaías 30:15

Israelpa yupaychasqan Chuya Diosmi kaynata nin: Wanakuywan kutirimuspa hawkalla kaspam salvasqa kankichik, hawkalla hinaspa hapipakuq kaspaykichikmi kallpasapa kankichik, ichaqa manam kasukurqankichikchu;

Lamentaciones 3:26

Tayta Dios yanapawananchikpaqqa upallalla suyaymi aswan allinqa.

Deuteronomio 1:30

Ñawpaqninchik riq Señornikichik Tayta Diosmi ñoqan-chikpaq peleanqa, payqa imatapas ruwanqa Egipto nacionpi chaynataq chunniqpipas ruwasqanman hinam. Chayamunaykichikkamam tukuy chunniq ñankuna hamusqaykichikpi rikurqankichik, imaynam churinta taytan marqayninpi apamuchkaq hina Señornikichik Tayta Diospas marqayninpi apamususqaykichikta”, nispa.

Deuteronomio 20:4

Señornikichik Tayta Diosmi qamkunawan kachkan, paymi enemigoykichikpa contranpi peleaspan vencechisunkichik”, nispa.

Deuteronomio 3:22

Amam paykunataqa manchakunkichikchu, Señornikichik Tayta Diosmi qamkunapa rantikichikpi peleanqa”, nispa.

Josué 10:10

Tayta Diosmi Israelpa mirayninkunapa ñawpaqninpi amorreokunata musparachirqa. Chaymi Israelpa mirayninkunaqa Gabaón llaqtapa hichpanpi anchallataña wañurachirqaku. Bet-horonman riq ñanninta qatispankuñataqmi Azeca llaqtakama chaynataq Maceda llaqtakama wañuparachirqaku.

Josué 10:14

Manam chayna punchawqa karqachu ñawpaqtapas nitaq qepatapas. Chay punchawllapim Tayta Dios kasurqa runapa chayna mañakusqanta. Chaynatam Tayta Dios ruwarqa Israelpa mirayninkupa favorninpi peleaspan.

Josué 10:42

Josueymi chay llaqtakunata patanmanta qallaykuspa lliwta chinkarachirqa. Chaynataqa ruwarqa Israelpa yupaychasqa Tayta Dios yanapasqanraykum.

Josué 23:10

Nisusqaykichikman hinam qamkunamanta chulla runalla waranqa runakunata qatikacharunqa, Señorninchik Tayta Diosmi qamkunarayku peleanqa.

Josué 23:3

Qamkunaqa rikurqankichikmi Señor-ninchik Tayta Diospa llapallan chay nacionkunata qamkunarayku tukuy ima ruwasqantaqa. Señorninchik Tayta Diosmi qamkunarayku pelearqa.

Jueces 5:20

Cielopi chaskakunam pelearqaku, maymi kasqankumantam Sisarapa contranpi pelearqaku.

1~Samuel 4:7

Chaymi filisteokuna mancharikuspanku ninakurqaku: ¡Diosmi campamentonkuman chayaramun! ¡Imaynaraq kasunchik! ¡Ñaw-paqtaqa manam kaynachu karqa!