Éxodo 14:10 - CHUYA QELLQA La Biblia en Quechua de Ayacucho 2012

¹⁰ Faraón hichpaykuptinñam, Israelpa mirayninkuna musyakururqaku Egipto runakuna paykunapa qepanta hamusqanta, chayraykum hatu-hatunta mancharikuspanku qaparispa Tayta Diosta mañakurqaku.

Quechua Ayacucho Bible 1987

¹⁰ Faraon hichpaykamuptinñam Israelpa mirayninkuna musyakururqaku Egipto runakuna paykunapa qepan hamusqanta chayraykum hatu-hatunta mancharikuspanku Tayta Diosman qaparispa mañakurqaku.

Chuya Qellqa 1992

¹⁰ Faraón hichpaykuptinñam, Israelpa mirayninkuna musyakururqaku Egipto runakuna paykunapa qepanta hamusqanta, chayraykum hatu-hatunta mancharikuspanku qaparispa Tayta Diosta mañakurqaku.

Éxodo 14:10 Iomraidhean Croise

2~Crónicas 18:31

Chaymi carretakunapi kaq capitankuna rey Josafatta rikuruspanku nirqaku: Paymi Israel nacionpa reyninqa, nispanku. Hinaspam muyuriqninman churakuruspa peleanankupaq pasaykuptinku, rey Josafatñataq yanapakuyta mañakuspan qaparirqa, chaymi Tayta Dios yanapaykuspa enemigonkunata paymanta asurachirqa.

Nehemías 9:9

Egipto nacionpi imaynam taytaykupa ñakarisqantam qawarqanki, Puka lamar qochapa patanpi qayakusqankutam uyarirqanki.

Éxodo 13:17

Israel runakunata Faraón kachaykuptinqa, hichpalla kachkaptinpas Tayta Diosqa manam filisteokunapa ñannintachu pusarqa. Paymi nirqa: Kay runakunaqa guerrawan mancharikuspam Egipto nacionman kutikunmanku, nispa.

Éxodo 15:25

Hinaptinmi Tayta Diosta Moisés mañakuptin huk sachata qawaykachirqa, chay sachata yakuman wischuykuptinmi yaku miskiyarurqa. Chaypim Tayta Dios paykunata pruebarqa, hinaspam decretokunatawan imaynam kawsanankupaq kamachikuykunata qorqa.

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Isaías 7:2

Chaytam rey Acazman chaynataq ayllunkunaman kaynata willaykurqaku: Siria llaqtawan Efraín llaqtam contraykipi hukllaña kachkanku, nispanku. Hinaptinmi rey Acazqa runankunapiwan, sinchi wayrapa kuyuchisqan sachakuna hinaraq katkatatarqaku.

Jeremías 22:23

Libanomanta apamusqa cedrokunapa chawpinpim hawkallaña qesaykipi yachachkanki; ichaqa maynataraq qaparkachanki wachakuq warmita hina nanay hapisuptiki.

Deuteronomio 9:7

Kaytayá yuyariychik: Señornikichik Tayta Diosta chunniqpi piñachisqaykichiktaqa amam haykapipas qonqarunkichikchu. Egipto nacionmanta lloqsimusqaykichikmanta kayman chayamunaykichikkamam Tayta Diostaqa mana kasurqankichikchu.

Josué 24:6

Egipto nacionmanta ñawpaq taytaykichikkunata hurqomuptiymi, Egipto tropakuna carretankunawan chaynataq silladakunawanpas Puka lamar qochakama qatimurqaku.

Josué 24:7

Chaymi ñawpaq taytaykichikkuna qayakamuwaptinku hatun tutayaywan Egipto runakunamanta rakirqani. Lamar qochatam Egipto runakunapa hawanman kutiykachispay chaywan pamparachirqani. Qamkunaqa rikurqankichikmi Egipto runakunawan imam ruwasqaytaqa. Unay watam chunniqpi karqankichik.

1~Juan 4:18

Cheqap kuyakuypiqa manam manchakuyqa kanchu, cheqap kuyakuyqa chinkachinmi manchakuytaqa. Manchakuyqa castigotam apamun. Manchakuqqa manaraqmi cheqap kuyakuytaqa yachanraqchu.