Éxodo 13:9 - CHUYA QELLQA La Biblia en Quechua de Ayacucho 2012

⁹ Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Quechua Ayacucho Bible 1987

⁹ Ama qonqanaykichikpaqmi kayqa kanqa señal chaynapi makikichikpi hinaspa urkuykichikpi marka apachkaq hina Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta horqomusurqankichik.

Chuya Qellqa 1992

⁹ Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Éxodo 13:9 Iomraidhean Croise

Nehemías 1:10

Israelpa mirayninkunaqa serviqnikikunam kaniku, chaymi hatun atiynikiwan librawarqankiku.

Éxodo 12:14

Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:16

Chaynaqa, qampaqmi kanqa makikipiwan urkuykipi marca hina, Egipto nacionmanta hatun atiyninwan Tayta Dios hurqomuwasqankuta ama qonqanaykipaq”, nispa.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 3:20

Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 7:4

Chaywanpas Faraonqa manam uyarisunkichikchu, chaymi Egipto nacionta ñakarichispay Israelpa mirayninkunata tropaykunata hina hurqosaq.

Proverbios 1:9

Chay nisusqaykikunaqa umaykipaq kuyayllapaq corona hinam kanqa, kunkaykipaqpas kuyayllapaq collar hinam kanqa.

Proverbios 3:21

Churilláy, yachayniyuq kaytaqa amayá qonqaychu, allinta tantearispa imatapas ruway,

Proverbios 7:23

Sonqonta flecha parterunanta mana yachaspa trampawan hapirachikuq urpitu hinam wichiykurqa.

Cantares 8:6

Sonqoykipiyá marcata hina churaykuway, brazoykipiyá marcata hina churaykuway; kuyakuyqa wañuy hina atiyniyuqmi, celoso kaypas wañuy hina nanakuqmi. Lenwachkaq nina hinam cheqap kuyakuyqa, Diospa kawsaq ninan hinam cheqap kuyakuyqa.

Isaías 27:1

Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Isaías 40:10

Tayta Diosqa atiywanmi hamuchkan, atiyninwanmi tukuy imapi munaychakuchkan, libramusqan llaqtantam pusamuchkan.

Isaías 44:5

Paykunamantam hukkaqnin ninqa: “Ñoqaqa Tayta Diospam kani”, nispa. Hukninñataqmi ninqa: “Ñoqaqa Jacobpa mirayninmi kani”, nispa. Hukkaqninñataqmi makinpim qellqakunqa: “Ñoqaqa Tayta Diospam kani”, niqta. Hinaspam sutinman yapaykunqa “Israelpa miraynin”, niqta.

Isaías 49:16

Sutikitapas maki pampaypi qellqasqatam apaykachani, perqaykikunatapas sapa punchawmi ñawpaqniypi kachkan.

Isaías 51:9

¡Rikchariy! ¡Tukuy Atiyniyuq Dios Taytalláy, rikchariy! Atiywan pachakuy, ñawpaq watakunapi hina rikchariy, ñawpaq tiempokunapi hina rikchariy. ¿Manachum qamqa lamar qochapi manchakuypaq Rahab sutiyuq animalta tuksiparurqanki?

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Jeremías 22:24

Judá nacionpa reynin Joacimpa churin Jeconiastam Tayta Dios kaynata nin: Alleq makiypi anillo hinaña kaptikipas chaymanta hurqoruspaymi wikaparuykiman

Daniel 9:15

Señor Diosnillayku, hatun atiynikiwanmi Egipto nacionmanta llaqtaykita hurqomurqanki, chay ruwasqaykikunawanmi qamqa anchallataña reqsichikunki. Chaywanpas ñoqaykuqa huchallikuruspam mana allinta ruwarqaniku.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Números 15:39

Chay kipuyuq qaytukunata qawarispaykichikmi kasukunaykichikpaq ñoqapa kamachikuyniykunata yuyarinkichik, chaynapim chuchumika warmi hinaqa sonqoykichikpa mana allin munasqankunapiqa manaña purinkichikchu.

Mateo 23:5

Imatapas ruwanku runakuna qawanallanpaqmi. Qellqapi kaqkunatam as-asta qellqaruspa cajachakunaman churaruspa urkunkuman hinaspa makinkuman watakuyta gustanku, pachankupa patankunapipas hatun pomponkunataraqmi warkurunku.

Romanos 10:8

Ichaqa, ¿Imanintaq? Diospa palabranqa hichpallaykipiña, simillaykipiña hinaspa sonqollaykipiñam kachkan, nispa. Kaymi iñiymanta willakusqayku palabraqa:

Deuteronomio 30:14

kay kamachikuykunaqa hichpallaykichikpiña, simillaykichikpiña chaynataq sonqollaykichikpiñam kachkan.

Deuteronomio 5:15

Egipto nacionpi esclavo kasqaykitayá yuyariy, chaymantam ñoqa Señorniki Tayta Dios hatun atiyniywan chaynataq hatun castigowan hurqomurqayki. Chayraykum ñoqa Señorniki Tayta Dios kamachiki samana punchawta waqaychanaykipaq.

Deuteronomio 6:21

hinaptinqa qamkunam ninkichik: “Ñoqaykum Egipto nacionpi rey Faraonpa esclavonkuna karqaniku, hinaptinmi Tayta Dios hatun atiyninwan hurqomuwarqaku.

Deuteronomio 6:6

Kay kamachisqaykunatam sonqoykipi waqaychanki,

Deuteronomio 6:8

Kay kamachikuykunataqa señalta hinam brazoykipi chaynataq urkuykipipas watakunki.

Apocalipsis 18:8

Chayraykum huk punchawllapi kay sasachakuykuna hamunqa: Wañuywan, waqay hinaspa yarqaypas. Chay llaqtaqa kañasqam kanqa, Señor Diosqa Tukuy Atiyniyuqmi, paymi juzganqa.

Jueces 2:12

Ñawpaq taytankupa, Egipto nacionmanta hurqomuqninku Tayta Diosta saqeruspankum, idolokunataña qatispanku muyuriqninkupi runakunapa diosninkutaña yupaycharqaku, chaynapim Tayta Diosta piñachirqaku.