Éxodo 13:3 - CHUYA QELLQA La Biblia en Quechua de Ayacucho 2012

³ Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Quechua Ayacucho Bible 1987

³ Chaymi Moises nirqa runakunata: —Amam qonqankichikchu kay punchawta, kay punchawpim Egipto nacionpi sirviente kasqaykichikmanta lloqsirqankichik. Tayta Diosmá hatun atiyninwan kaymanta horqosurqankichik. Chaynaqa amam mikunkichikchu qonchuyoq tantataqa.

Chuya Qellqa 1992

³ Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 13:3 Iomraidhean Croise

Génesis 15:16

Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.

1~Reyes 8:42

(paykunapas hatun sutikimantawan hatun atiynikimantam uyarinqaku) kay temploykimanta qayakamusuptikiqa,

1~Crónicas 16:12

Admirakuypaq ruwasqankunata yuyariychik, kamachikuyninkunata yuyariychik.

Nehemías 1:10

Israelpa mirayninkunaqa serviqnikikunam kaniku, chaymi hatun atiynikiwan librawarqankiku.

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Éxodo 12:15

Qanchis punchawmi mana levadurayuq tantata mikunkichik. Qallariynin punchawpim levadurata wasikichikmanta wischunkichik, chay punchawkunapi pipas levadurayuqta mikuqqa, Israelmanta wischusqam kanqa.

Éxodo 12:17

Mana levadurayuq tanta fiestatam ruwankichik, chay punchawpi Egipto nacionmanta hurqosqayta yuyarinaykichikpaq. Chay punchawtam huk decretota hina wiñaypaq yuyarispanku miraynikichikkunapas ruwanqaku.

Éxodo 12:19

Qanchis punchawmi wasikichikpi levadura mana kanqachu, pipas levadurayuqta mikuqqa, huklaw llaqtayuq kaspapas otaq castamasikichik kaspapas Israelmanta wischusqam kanqa.

Éxodo 12:2

Kay killam qamkunapaq allinnin kanqa, chay killaqa watapa qallariyninmi kanqa.

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 12:42

Chay tutam Egipto nacionmanta hurqomuspan paykunata Tayta Dios waqaycharqa. Chayraykum Israelpa llapallan mirayninkuna chay tutata yuyarispa, pascua ruwasqanku tuta rikchananku.

Éxodo 12:8

Chay tutam, chay aychata ninapi kankasqata, mana levadurayuq tantatawan qatqe qorayuqkunata mikunqaku.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:9

Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Éxodo 20:2

Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 20:8

Samana punchawtaqa amam qonqankichu ñoqapaq sapaqchasqa kasqanrayku.

Éxodo 23:15

Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Éxodo 3:20

Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 34:18

Kamachisqayman hinam mana levadurayuq tanta fiestata ruwan-kichik, qanchis punchawmi mana levadurayuq tantata Abib sutiyuq killapi mikunkichik, chaytaqa ruwankichik chay killapi Egipto nacionmanta lloqsimusqaykichikraykum.

Éxodo 6:1

Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Éxodo 7:4

Chaywanpas Faraonqa manam uyarisunkichikchu, chaymi Egipto nacionta ñakarichispay Israelpa mirayninkunata tropaykunata hina hurqosaq.

Jeremías 34:13

Ñoqa Israelpa yupaychasqan Tayta Diosmi kaynata nini: Ñawpaq taytaykichikkunata Egipto nacionpi esclavo kachkaptinku hurqomuspaymi, paykunawan pactota ruwarqani. Hinaspaymi kamachirqani:

Daniel 9:15

Señor Diosnillayku, hatun atiynikiwanmi Egipto nacionmanta llaqtaykita hurqomurqanki, chay ruwasqaykikunawanmi qamqa anchallataña reqsichikunki. Chaywanpas ñoqaykuqa huchallikuruspam mana allinta ruwarqaniku.

Mateo 10:12

Wasiman yaykuspaqa rimakuykunkichikmi.

Lucas 22:19

Chaymantam Tantata hapiykuspan Diosman graciasta qorqa, hinaspam parteykarispan nirqa: Kaymi cuerpoy qamkunarayku entregasqa. Kaytam qamkunapas ruwankichik ñoqata yuyariwanaykichikpaq, nispa.

1~Corintios 11:24

Diosman graciasta qoykuspanmi pakiykurqa hinaspam nirqa: Mikuychik, kaymi cuerpoy qamkunarayku pakipasqa. Qamkunapas kaynatam ruwankichik ñoqamanta yuyariwanaykichikpaq, nispa.

1~Corintios 5:8

Chaynaqa, Pascua fiestapi mana levadurayuq tantatayá mikusun, chay mana levadurayuq tantaqa tukuy sonqowan ruwasqanchikmi hinaspa cheqap rimasqanchikmi. Amayá huchallikusunchu nitaq mana allintapas ruwasunchu ñawpaq levadurayuq tanta ruwasqanchikta hinaqa.

Efesios 1:19

Mañakuchkanitaqmi Diospa mana imawanpas tupachiy atina atiyninmanta yachanaykichikpaqpas, chay atiyninwanmi Diosqa iñiqkunata kallpanchawanchik, chay atiynintam Diosqa sinchi kallpanwan qawachikurqa.

Deuteronomio 13:10

Egipto nacionpi esclavo kasqaykimanta hurqomusuqniki Señornikichik Tayta Diosmanta rakiy munasusqaykimantam wañunankama rumiwan chamqapanki.

Deuteronomio 13:11

Chayta qawas-pankum Israelpa llapallan mirayninkuna manchakunqaku, amaña yapamanta huchallikunankupaq.

Deuteronomio 13:5

Chay Profeta tukuq otaq revelacionninpi qawaq tukuq runaqa wañuchisqam kanqa, chay runam Egipto nacionpi esclavo kachkaptikichik hurqomusuqnikichik Señornikichik Tayta Diosmanta rakisunaykichikpaq umachasurqankichik. Tayta Diospa ñanninmantam chay runaqa rakiyta munasurqankichik. Chayraykum qamkuna ukumanta chinkachinkichik.

Deuteronomio 13:6

Sichum wawqekipas, qari churikipas, warmi churikipas, kuyay yanaykipas, llumpay kuyanakusqayki amistadnikipas, pakasqallapi nisunkiman idolonkunata ñawpaq taytaykikunapa mana servisqankunata yupaychanaykipaq, hinaptinqa amam kasunkichu, nitaqmi uyarinkichu. Chay idolokuna muyuriqnikipi kaq runakunapa diosnin kaptinpas otaq huklaw runakunapa diosnin kaptinpas amam kasunkichu nitaq uyarinkichu. Chay hikutasuqniki runataqa amam llakipayankichu, wañuchinankumantapas amam harkakunkichu nitaqmi pakankichikchu.

Deuteronomio 15:15

Egipto nacionpi esclavo kasqaykichik-manta Señornikichik Tayta Dios hurqomususqaykichiktam yuyarinkichik. Chayraykum chaynata kunan kamachikichik.

Deuteronomio 16:1

Abib killapim Señornikichik Tayta Diospaq Pascua fiestata ruwankichik. Paymi chay killapi huk tuta Egipto nacionmanta hurqomusurqankichik.

Deuteronomio 16:12

Egipto nacionpi esclavo kasqaykichikta yuyarispam kay kamachikuykunata kasukunkichik.

Deuteronomio 16:3

Wañuchipusqaykichik animalpa aychantaqa mana levadurayuq tantayuqtam mikunkichik. Egipto nacionmanta utqayllamanña lloqsimusqaykichikta yuyarispam qanchisnintin punchaw mana levadurayuq llakikuy tantata mikunkichik, chaynapim Egiptomanta lloqsimusqaykichikta kawsanaykichik punchawkama yuyarinkichik.

Deuteronomio 24:18

Egiptopi esclavo kasqaykichikmanta Señornikichik Tayta Dios hurqomususqaykichiktam yuyarinkichik. Chayraykum kay kamachisqaykunata ruwayman churankichik.

Deuteronomio 24:22

Egipto nacionpi esclavo kasqaykitam yuyarinki. Chayraykum kasukunaykipaq kaykunata kamachiki.

Deuteronomio 26:8

Chaymi hatun atiyninwan, manchakuypaq señalkunawan chaynataq admirakuypaq milagrokunawan Egiptomanta hurqomuwarqanchik,

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Deuteronomio 5:15

Egipto nacionpi esclavo kasqaykitayá yuyariy, chaymantam ñoqa Señorniki Tayta Dios hatun atiyniywan chaynataq hatun castigowan hurqomurqayki. Chayraykum ñoqa Señorniki Tayta Dios kamachiki samana punchawta waqaychanaykipaq.

Deuteronomio 5:6

Ñoqam kani Señorniki Tayta Diosqa, Egipto nacionpi esclavo kasqaykimanta hurqomusuqniki.

Deuteronomio 6:12

Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik.

Deuteronomio 6:21

hinaptinqa qamkunam ninkichik: “Ñoqaykum Egipto nacionpi rey Faraonpa esclavonkuna karqaniku, hinaptinmi Tayta Dios hatun atiyninwan hurqomuwarqaku.

Deuteronomio 7:8

Tayta Diosmi qamkunata kuyaspa chaynataq ñawpaq taytaykichikman jurasqanta cumplispan, Egipto nacionpi esclavo kasqaykichikmanta hurqomusurqankichik, hinaspam hatun atiyninwan rey Faraonpa munaychakuyninmanta hurqomusurqankichik.

Deuteronomio 8:14

amam hatun tukuqqa rikurirunkichikchu, nitaqmi Señor-nikichik Tayta Diostapas qonqarunkichikchu, payqa Egipto nacionpi esclavo kasqaykichikmantam hurqomusurqankichik.

Deuteronomio 9:12

Hinaspam niwarqa: “Chaylla kutiy, Egipto nacionmanta hurqomusqayki runakunam huchallikurunku, manapas unaypim kamachisqaykunata mana cumplispanku qorita chulluchisqa idolota ruwakurunku”, nispa.

Josué 24:17

Señorninchik Tayta Diosmi ñawpaq taytanchikkunatapas ñoqanchiktapas esclavo kachkaptinchik Egipto nacionmanta hurqomuwarqanchik. Paymi qayllanchikpi admirakuypaq kaqkunata ruwaspa hamusqanchik ñanpipas chaynataq pasamusqanchik allpapi runakunamantapas waqaychawarqanchik.

Jueces 2:12

Ñawpaq taytankupa, Egipto nacionmanta hurqomuqninku Tayta Diosta saqeruspankum, idolokunataña qatispanku muyuriqninkupi runakunapa diosninkutaña yupaycharqaku, chaynapim Tayta Diosta piñachirqaku.

Jueces 6:8

Diosñataq huk profetata kachamurqa, chay profetam kaynata nirqa: Israelpa yupaychasqan Tayta Diosmi kaynata nin: Ñoqam Egipto nacionpi esclavo kasqay-kichikmanta hurqomurqaykichik.