Éxodo 13:17 - CHUYA QELLQA La Biblia en Quechua de Ayacucho 2012

¹⁷ Israel runakunata Faraón kachaykuptinqa, hichpalla kachkaptinpas Tayta Diosqa manam filisteokunapa ñannintachu pusarqa. Paymi nirqa: Kay runakunaqa guerrawan mancharikuspam Egipto nacionman kutikunmanku, nispa.

Quechua Ayacucho Bible 1987

¹⁷ Israel runakunata Faraon kachaykuruptinmi hichpalla kachkaptinpas Filistea casta runakunapa nacionninman riq ñannintaqa Dios mana pusarqachu. Diosmi piensarqa: —Yanqam runakunaqa guerrapi kaspanku mancharikuspa Egipto nacionman kutikunmanku —nispa.

Chuya Qellqa 1992

¹⁷ Israel runakunata Faraón kachaykuptinqa, hichpalla kachkaptinpas Tayta Diosqa manam filisteokunapa ñannintachu pusarqa. Paymi nirqa: Kay runakunaqa guerrawan mancharikuspam Egipto nacionman kutikunmanku, nispa.

Éxodo 13:17 Iomraidhean Croise

1~Reyes 8:47

chay preso kasqanku allpapi qanman kutirikamuspa qayakamusunkiman kaynata: “Mana allinkunata ruwaspam qampa contraykipi huchallikuruniku”, nispanku.

Nehemías 9:17

Manam kasukuyta munarqakuchu, nitaqmi paykunapaq tukuy ima ruwasqaykitapas yuyarirqakuchu, contraykipi hatarispankum, Egipto nacionpi esclavo kayta munaspanku kutinankupaq kamachiqninkuta akllarqaku. Chaywanpas qamqa pampachakuq Diosmi kanki, llampu sonqo hinaspa kuyapayakuqmi kanki, anaqta piñakuq hinaspa kuyapayakuq kasqaykiraykum paykunataqa mana saqerurqankichu.

Éxodo 14:10

Faraón hichpaykuptinñam, Israelpa mirayninkuna musyakururqaku Egipto runakuna paykunapa qepanta hamusqanta, chayraykum hatu-hatunta mancharikuspanku qaparispa Tayta Diosta mañakurqaku.

Hechos 15:38

Pablopaqmi ichaqa mana allinpaq hinachu karqa, punta illayninkupi Panfilia lawmanta kutikuspa paykunawan mana-ña risqanrayku.

Hechos 7:39

Ichaqa ñawpaq taytanchikkunam payta mana kasurqakuchu, hinaspam qepanchakuruspanku Egipto nacionman kutikuyta munaspanku

Deuteronomio 17:16

Chay reyqa amam achka caballokunataqa huñukunqachu, amataqmi runakunatapas caballokuna rantiqqa Egipto nacionman kachanqachu. Tayta Diosmi nisurqankichik: “Egipto nacionmanqa amam haykapipas kutinkichikchu”, nispa.

Deuteronomio 20:8

Huktawanmi tropa kamachiqkuna ninqaku: “Qamkunamanta pipas manchati kaspaqa wasinman kutikuchun. Yanqañataq manchati kasqanrayku soldadomasinkunatapas hukmanyachinman”, nispa.

Deuteronomio 28:68

Tayta Diosmi nisurqankichik Egipto nacionman amaña haykapipas kutinaykichikpaq; ichaqa kikinmi barcokunapi kutichisunkichik, hinaptinmi esclavo kanaykichikpaq enemigoykichikkunaman munachikunkichik, ichaqa manam pipas rantiyta munasunkichikchu.

Hebreos 11:27

Iñiyllawanmi Moisespas, reypa piñakuynintapas mana manchakuspan Egiptomanta pasakurqa. Mana rikuy atina Diosta qawachkaq hinam kallpanchakurqa.

Jueces 7:3

Chaynaqa, kunanyá runakunata niy: “Pipas manchakuqqa otaq umpu runaqa Galaad orqomanta wasinman kutikuchunku”, nispa. Chaymi llapa runakunamanta iskay chunka iskayniyuq waranqa kutikuptinku chunka waranqallaña qeparurqaku.