Éxodo 13:12 - CHUYA QELLQA La Biblia en Quechua de Ayacucho 2012

¹² piwi qari churikichikta Tayta Diosman qonkichik, qonkichiktaqmi punta naceq orqo animaltapas; chaykunaqa Tayta Diospam.

Quechua Ayacucho Bible 1987

¹² punta naceq llapallan qari wawata Tayta Diosman qonkichik, qonkitaqmi punta naceq orqo animaltapas, chaykunaqariki Tayta Diospaqñam.

Chuya Qellqa 1992

¹² piwi qari churikichikta Tayta Diosman qonkichik, qonkichiktaqmi punta naceq orqo animaltapas; chaykunaqa Tayta Diospam.

Éxodo 13:12 Iomraidhean Croise

Nehemías 10:36

piwi churiykuta, vacaykupa hinaspa ovejaykupa punta wawankunata, kamachikuy libropa nisqanman hina, Tayta Diospa templonpi servikuq sacerdotekunapa qayllanman apamunaykupaqpas.

Nehemías 10:37

Chaynallataq Diosniykupa templonpi almacenkunaman harinaykumanta primiciata, ofrendaykumanta, sachaykupa rurunmanta, vinomanta, aceitemanta primiciaykuta Tayta Diospa templonpi servikuq sacerdotekunaman apamunaykupaqpas hinaspa cosechasqaykupa diezmonkunata llapa levitakunaman qonaykupaqpas. Paykunam chaykunata llaqtan-llaqtan maymi llamkasqaykumanta huñumuqku.

Éxodo 13:1

Moisestam Tayta Dios nirqa:

Éxodo 13:2

Llapallan piwikunata qoway, Israelpa mirayninkunamanta punta nacemuqkunaqa ñoqapam, runakuna kaspa otaq animalkuna kaspapas, nispa.

Éxodo 22:28

Amam Diospa contranpi mana allintaqa rimankichu, nitaqmi kamachikuqkunatapas ñakankichu.

Éxodo 22:29

Ama unaspam cosechaykikunapa chaynataq uvasnikikunapa punta kaq rurunta apamuwanki. Piwi churikitapas qowankipunim.

Éxodo 34:19

Lliw piwi churikichikmi ñoqapaq kanqa, ñoqapaqtaqmi sapaqchanki vacaykikunapa, ovejaykikunapa hinaspa cabraykikunapa punta kaq orqo wawankunatapas.

Éxodo 34:20

Asnopa punta wawantañataqmi huk carnerowan cambianki, mana cambiaspaykiqa chay asnochapa kunkantam qewirunki. Piwi churikichiktapas cambiankichikmi, mana ofrendayuqqa amam pipas rikurimuwanqachu.

Ezequiel 16:20

Wawaykikunatapas qarita-warmitam mikuyta hinaraq chay idolokunaman ofrecerqanki. ¿Asllapaqchu hapirqanki chuchumikaman tikrakurusqaykita?

Ezequiel 44:30

Paykunapataqmi kanqa tarpukuynikichikpa punta kaq rurunkunapas chaynataq ofrendakunapas. Tantata ruwanaykichikpaq masa ruwasqaykichikmantapas allinnintam qonkichik. Chaynapim wasikichikta bendecisaq.

Levítico 27:26

Animalkunapa punta wawanqa, punta naceq kasqanraykum ñoqa Tayta Diospaq kanqa. Chay animalkunataqa manam pipas sapaqchapuwanmanñachu, toro kaspa otaq carnero kaspapas ñoqapam.

Números 18:15

Israel runakunapa piwi churinkuwan, animalninkupa punta wawankupas ñoqa Tayta Diosman ofrecesqa kasqanraykum qampaq kanqa. Chaywanpas runakunapa piwi churinkunataqa chaynataq mana mikuna animalpa punta wawankunataqa pagaspam kutichikunqaku.

Números 3:12

Ñoqam Israelpa piwi churinkunapa rantinpi Leví aylluta akllakuni. Leví ayllukunam ñoqallapaqña kanqa.

Números 3:13

Egipto nacionpi piwi wawakunata wañuchisqaymantapunim Israel ayllukunapa piwi churinkunataqa ñoqallapaqña sapaqchakurqani. Animalkunapa punta wawantapas ñoqallapaqñam sapaqchakurqani, Tukuy chaykunam ñoqapaq kanqa. Ñoqaqa Tayta Diosmi kani, nispa.

Números 8:17

Egipto nacionniyuq runakunapa piwi wawa-churinkunata wañurachispaymi Israelpa mirayninkunapa piwi wawa-churinkuta ñoqapaq sapaqchakurqani. Paykunaqa ñoqapam, animalkunapa punta kaq wawankunapas ñoqapataqmi.

Lucas 2:23

Chaynataqa ruwarqaku Señorpa kamachikuyninpi: “Punta naceq qari wawaqa Señorpaq sapaqchasqam kanqa”, nisqanraykum.

Deuteronomio 15:19

Vacaykikunapa ovejaykikunapa punta kaq orqo uñantam Señornikichik Tayta Diospaq sapaqchanki. Vacaykikunapa punta wawan torochataqa amam llamkachinkichu, nitaqmi ovejaykikunapa punta wawan carnerochapa millwantapas rutunkichu.