Éxodo 12:7 - CHUYA QELLQA La Biblia en Quechua de Ayacucho 2012

⁷ Hinaspam yawarninta chaskispa, pascua carnerota mikunanku wasipa pilarninkunaman llusinqaku.

Quechua Ayacucho Bible 1987

⁷ Yawarta chaskispankum hinanqaku maypim mikunanku wasi punkupa iskaynin sarpunman hinaspa punkupa chakaqninmanpas.

Chuya Qellqa 1992

⁷ Hinaspam yawarninta chaskispa, pascua carnerota mikunanku wasipa pilarninkunaman llusinqaku.

Éxodo 12:7 Iomraidhean Croise

1~Reyes 6:31

“Chuyay-chuyay” sutiyuq cuartoman yaykunapaqmi, aceitunas sachamanta punkukunata ruwachirqa, chay punkukunapa chakankunawan sayaqninkunam karqa pichqa esquinayuqkama.

Éxodo 12:13

Chay yawarmi señal kanqa maymi yachasqaykichik wasipi, chay yawarta qawaspaymi hawallanta pasarusaq, chaynapim Egipto runakunata wañuchiptiy, qamkunamantaqa mana chullallapas wañunqachu.

Ezequiel 9:4

hinaspanmi nirqa: Jerusalén llaqtapa chawpinkunata muyurimuy hinaspa llaqtapi millakuypaq kaqkuna ruwasqankuta qawaspa llakikuymanta waqaqkunapa urkunpi huk señalta churamuy, nispa.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Deuteronomio 11:20

Qellqankichiktaqmi wasikichikpa pilarninkunapiwan chakankunapipas,

Hebreos 10:14

Chaynatam Cristoqa huk kutillata wañusqanwan wiñaypaq haykam Diospaq sapaqchasqa kaqkunata chuyancharun.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Hebreos 11:28

Iñiyllawanmi Moisespas, Pascua fiestatapas ruwarqa hinaspam yawartapas punkukunaman challarqa, piwi churikuna wañuchiq ángel Israelpa mirayninkunata mana wañuchinanpaq.

Hebreos 9:22

Leyman hinaqa yaqa llapallanmi yawarwan chuyanchasqa karqa. Yawar mana chaqchusqa kaptinqa huchaqa manam pampachasqachu kanman.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.