Éxodo 12:6 - CHUYA QELLQA La Biblia en Quechua de Ayacucho 2012

⁶ Chay animaltaqa kay killapa chunka tawayuq punchawninkamam waqaychankichik, chay punchawmi inti seqaykuyta Israel runakuna sapakama nakanqaku.

Quechua Ayacucho Bible 1987

⁶ Chay animaltaqa waqaychankichik kay killapa chunka tawayoq punchawninkamam, Israel casta lliw runakunam inti seqaykuruptinña wañuchinqaku.

Chuya Qellqa 1992

⁶ Chay animaltaqa kay killapa chunka tawayuq punchawninkamam waqaychankichik, chay punchawmi inti seqaykuyta Israel runakuna sapakama nakanqaku.

Éxodo 12:6 Iomraidhean Croise

2~Crónicas 35:1

Rey Josiasmi Tayta Diospa Pascua fiestanta Jerusalén llaqtapi ruwachirqa; punta kaq killapa chunka tawayuq punchawninpim Pascua carnerota nakachirqa.

Esdras 6:19

Preso apasqa kasqankumanta kutimuqkunaqa ruwarqakutaqmi Pascua fiestatapas Abib killapa chunka tawayuq punchawninpi.

Éxodo 12:14

Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Éxodo 12:17

Mana levadurayuq tanta fiestatam ruwankichik, chay punchawpi Egipto nacionmanta hurqosqayta yuyarinaykichikpaq. Chay punchawtam huk decretota hina wiñaypaq yuyarispanku miraynikichikkunapas ruwanqaku.

Éxodo 12:18

Qallariy killapa chunka tawayuq pun-chawpa tardenmanta qallarispam, iskay chunka hukniyuq punchawpa tardenkama mana levadurayuq tantata mikunkichik.

Éxodo 12:47

Llapallan Israel runakunam chaynata ruwanqa.

Éxodo 16:1

Israelpa mirayninkunam Elim-manta lloqsispanku Sin sutiyuq chunniqman chayarurqaku, chay chunniqqa kachkan Elimmanta Sinaiman rinapim. Chaymanqa chayarqaku, Egipto nacionmanta huk killa lloqsisqanku hawañam, iskay kaq killapa chunka pichqayuq punchawninpi.

Éxodo 16:12

Ñoqam uyarirqani Israelpa mirayninkunapa rimasqanta, paykunata niy: “Chisinkuytam aychata mikunkichik, tutapaytañataqmi tantawan saksankichik, chaynapim yachankichik ñoqaqa Tayta Dios kasqayta”, nispa.

Éxodo 19:1

Egipto nacionmanta lloqsimusqanku punchawmanta kimsa killaña pasaruptinmi, Israelpa mirayninkuna Sinaí chunniqman chayarurqaku.

Éxodo 29:39

Huknin carnerotam ofrecenki tutapayta, huknin carnerotañataqmi tardeykuyta.

Éxodo 29:41

Tardeykuyta ofrecenayki carnerowanpas chaynallatam ruwanki, tutapayta ofrecesqaykita hinallam ofrecenki; chaykunam ñoqapaq miski asnaq ofrenda.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Ezequiel 45:21

Chay punta kaq killapa chunka tawayuq punchawninpim Pascua fiesta ruwayta qallarinkichik, hinaspam qanchis punchawpuni mana levadurayuq tantata mikunkichik.

Levítico 23:5

Punta kaq killapa chunka tawayuq punchawninpim inti seqaykuymanta ñoqa Tayta Diospaq Pascua fiesta ruwayta qallarinkichik.

Números 28:16

Punta kaq killapa chunka tawayuq punchawninpim ñoqa Tayta Diospaq Pascua fiestata ruwankichik.

Números 28:18

Chay fiestapa qallarisqan punchawpim hatun huñunakuyta ruwankichik. Chay punchawqa amam pipas llamkanqachu.

Números 9:11

Ruwanqakuqa iskay kaq killapa chunka tawayuq punchawninpi inti seqaykuytam. Chay fiestapim aychata qatqe qorayuqkunata hinaspa mana levadurayuq tantayuqta mikunqaku.

Mateo 27:20

Sacerdotekunapa kamachiqninku-nawan ancianokunam llapa runakuna-ta umacharqaku kaynata mañakunankupaq, Barrabasta kacharispa Jesustañataq wañuchinanpaq.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.

Marcos 15:1

Achikyaruptinmi sacerdotekunapa kamachiqninkunawan ancianokuna, Diospa leynin yachachiqkuna hinaspa cortepi kamachikuqkuna huñunakururqaku, hinaspam Jesusta chaqnaruspanku gobernador Pilatoman entregaykurqaku.

Marcos 15:11

Ichaqa sacerdotekunapa kamachiqninkunam llapa runakunata yacharachirqaku: “Barrabasta kachariy”, nispa mañakunankupaq.

Marcos 15:25

Isqon hora paqariytam Jesusta chakatarurqaku.

Marcos 15:8

Chaymi llapa runakuna hamuspanku Pilatota mañakurqaku costumbrenman hina huk presota kacharinanpaq.

Lucas 23:1

Chaymantam llapallanku hatarispanku Jesusta Pilatoman pasachirqaku.

Lucas 23:18

Ichaqa llapa runakunam lliw qaparirqaku: Jesusta wañuchispayki Barrabasta kacharipuwayku, nispanku.

Hechos 2:23

Diosqa ñawpaqmantaraq yachasqanman hinam hinaspa munasqanman hinam Jesusta qamkunapa makikichikman churaykurqa. Qamkunam payta presocharurqankichik, hinaspam mana allin runakunawan chakatachispa wañurachirqankichik.

Hechos 3:14

Jesusqa Chuya hinaspa justo kachkaptinmi Pilato libraykunanta harkakuspa runa wañuchiq runataraq kacharinanpaq mañakurqankichik.

Hechos 4:27

Cheqaptapunim rey Herodeswan Poncio Pilato kay llaqtapi huñunakururqaku huklaw nacionniyuq runakunawan hinaspa Israel llaqtawan qampa sapaqchakusqayki serviqniki Jesuspa contranpi.

Josué 5:10

Israelpa mirayninkunam Gilgalpi samaruspanku Pascua fiestata ruwarqaku, punta kaq killapa chunka tawayuq punchawnin tardeykuyta, Jericó llaqtapa chimpan pampapi.