Éxodo 12:43 - CHUYA QELLQA La Biblia en Quechua de Ayacucho 2012

⁴³ Moisestawan Aarontam Tayta Dios nirqa: Kaymi Pascuamanta kamachikuy: Pascua fiestapi mikunaykichik animaltaqa amam huklaw llaqtayuq runaqa mikunqachu.

Quechua Ayacucho Bible 1987

⁴³ Tayta Diosmi nirqataq Moisestawan Aaronta: —Kaymi kay *f**Pascuamanta decreto: Pascua Fiestapi mikunaykichik animaltaqa amam mikunqachu extranjero runaqa.

Chuya Qellqa 1992

⁴³ Moisestawan Aarontam Tayta Dios nirqa: Kaymi Pascuamanta kamachikuy: Pascua fiestapi mikunaykichik animaltaqa amam huklaw llaqtayuq runaqa mikunqachu.

Éxodo 12:43 Iomraidhean Croise

2~Crónicas 30:18

Achka runakunam Efraín, Manasés, Isacar hinaspa Zabulón ayllukunamanta mana chuyanchasqachu karqaku, chayna kachkaspankupas Pascua animalpa aychantam mikurqaku, chaynataqa manam qellqaman hinachu ruwarqaku. Aswanqa rey Ezequiasmi paykunapaq mañakurqa kaynata: Dios Taytalláy, qamqa kuyapayakuqmi kanki, tukuy sonqonwan maskasuqnikikunatayá pampachaykuy.

Éxodo 12:11

Kaynam mikunkichikqa: Weqawnikichik allin watasqa, usutaykichikpas allin watasqa, hinaspa tawnaykichikta aptarisqa; chaynam utqayllamanña mikunkichik. Chayqa Tayta Diospa Pascuanmi.

Éxodo 12:48

Sichum huklaw llaqtayuq runa qamkunawan yachasqanrayku Tayta Diospa Pascuan ruwayta munaspaqa, ayllunpi kaq qarikunam qari kayninkuta señalachikunqaku, hinaspañam Pascua fiestata ruwanqa, chaynata ruwaspaqa castamasikichikñam kanqa. Pipas mana qari kayninpi señalasqa kaspaqa amam mikunqachu.

Ezequiel 44:7

Qamkunaqa mana qari kayninpi nitaq sonqonpipas seña-lasqa runakunata temployman pusaykuspam millakuypaqtaña ruwarunkichik. Millakuypaqtaqa ruwachkankichik wirata hinaspa yawarta ofrecewaspaykichikmi, pactoytapas manam kasukunkichikchu.

Levítico 22:10

Mana sacerdote kachkaspaqa amam pipas ñoqapaq sapaqchasqa ofrendaykunataqa mikunqachu. Sacerdotepa samapakuqninpas nitaq llamkapakuqninpas amam mikunqachu.

Levítico 22:13

Sichum sacerdotepa warmi churin manaraq wawayuq kachkaspa viudayarunman otaq qosan saqeruptin taytanpa wasinman kutiykuruspanqa, sipas kayninpi hinam chay ofrendamanta mikunqa. Sacerdote castamanta sapaq runaqa amam mikunqachu.

Números 9:14

Qamkunawan yachaq huklaw llaqtayuqkunapas ñoqa Tayta Diospaqmi Pascua fiestayta ruwanqaku, ruwanqakuqa Pascua fiestapaq kamachikuykunaman hinaspa yachachikuykunaman hinam. Chay kamachikuyllam nacionnikichikpi naceqkunapaqpas chaynataq huklaw llaqtayuqkunapaqpas kanqa, nispa.

Efesios 2:12

Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.

1~Samuel 2:27

Huk punchawmi Diospa profetan, sacerdote Eliyman hamuspan nirqa: Tayta Diosmi nin: “Egipto nacionpi ñawpaq taytaykikuna rey Faraonta servichkaptinkum, paykunaman rikurir-qani.