Éxodo 12:33 - CHUYA QELLQA La Biblia en Quechua de Ayacucho 2012

³³ Egipto runakunam hikutarqaku Israelpa mirayninkunata Egiptomanta lloqsinankupaq, llapallanku wañuruyta piensasqankurayku.

Quechua Ayacucho Bible 1987

³³ Chaymi Egipto runakuna apurarqaku Israel runakunata chay llaqtamanta lloqsinankupaq. Paykunam piensarqaku llapallanku wañuruyta.

Chuya Qellqa 1992

³³ Egipto runakunam hikutarqaku Israelpa mirayninkunata Egiptomanta lloqsinankupaq, llapallanku wañuruyta piensasqankurayku.

Éxodo 12:33 Iomraidhean Croise

Génesis 20:3

Chaymi Abimelecman chay tuta musqoyninpi rikuriykuspan Dios nirqa: Kunanqa wañunkim, kay pusachimusqayki warmiqa qosayuqmi, nispa.

Éxodo 10:7

Chaymi Faraonta serviqninkuna nirqaku: ¿Haykapikamataq kay runa sasachakuyllata qowasunchik? Israelpa mirayninkunata kachariy, chaynapi Tayta Diosta yupaychamunankupaq. ¿Manachu rikunki paykunarayku lliw Egipto nacionqa purmachisqa kasqanta? nispanku.

Éxodo 11:1

Moisestam Tayta Dios nirqa: Faraonmanwan Egipto runakunamanmi huk castigotawan apamusaq, chay castigopa qepantam kachaykusunkichik, hinaspam llapallaykichikta qarqosunkichik.

Éxodo 12:39

Egiptomanta mana levadurayuq masa apamusqankumantam tortillakunata ruwarqaku, Egiptomanta qarqomuptinkum mana tiemponku karqachu qoqawllapas ruwakunankupaq.

Éxodo 6:1

Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Isaías 52:12

Manam kallpayllachu lloqsinkichikqa, nitaqmi ayqechkaq hinachu ripunkichikqa, aswanqa Tayta Diosmi ñawpaqnikichikta rinqa, hina kikintaqmi qepaykichiktapas hamunqa.

Daniel 3:22

Chaylla ruwanankupaq rey kamachikusqanraykum chaynataq hornopas llumpayta rupasqanraykum, chay jovenkuna wischuykuq soldadokunata lenwachkaq nina hayparamuspa wañurachirqa.