Éxodo 12:29 - CHUYA QELLQA La Biblia en Quechua de Ayacucho 2012

²⁹ Chawpi tutatam Egipto nacionpi llapallan piwikunata Tayta Dios wañu-rachirqa, palaciopi tiyaq Faraonpa piwinmanta qallarispa carcelpi kaq presopa piwinkama, llapa animalkunapa piwintapas wañurachirqam.

Quechua Ayacucho Bible 1987

²⁹ Tayta Diosmi wañurachirqa Egipto nacionpi llapallan piwikunata, chawpi tuta horatam payqa wañuchirqa palacionpi gobiernaq Faraonpa piwinmanta qallarispa carcelpi kaq presopa piwinkama, wañuchirqataqmi llapa animalkunapa piwintapas.

Chuya Qellqa 1992

²⁹ Chawpi tutatam Egipto nacionpi llapallan piwikunata Tayta Dios wañurachirqa, palaciopi tiyaq Faraonpa piwinmanta qallarispa carcelpi kaq presopa piwinkama, llapa animalkunapa piwintapas wañurachirqam.

Éxodo 12:29 Iomraidhean Croise

Génesis 15:14

Ñoqañataqmi ñakarichiqninku nacionta ñakarichisaq, chaymantam miraynikikuna llumpay apu lloqsimunqaku.

Jobwan Sutichasqa Libro 34:20

Runakunaqa tutam qonqayllamanta wañurunku, paykunaqa chaqwakuruspankum chinkarunku; munaychakuqkunapas runakunapa mana imanasqallanmi chinkarunku.

Éxodo 11:1

Moisestam Tayta Dios nirqa: Faraonmanwan Egipto runakunamanmi huk castigotawan apamusaq, chay castigopa qepantam kachaykusunkichik, hinaspam llapallaykichikta qarqosunkichik.

Éxodo 12:12

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.

Éxodo 12:28

Chaymi Israelpa mirayninkuna ru-warqaku Moisesmanwan Aaronman Tayta Diospa kamachisqanman hina.

Éxodo 13:15

Sonqonta rumiyarachispa Faraón mana kachariwaptinkum runapa piwi churinmanta qallarispa animalpa piwinkama llapa piwikunata Egipto nacionpi Tayta Dios wañurachirqa. Chayraykum Tayta Diospaq wañuchiniku llapallan punta nacemuq animalkunata, hinaspam piwi qari churiykutapas cambianiku.

Éxodo 4:23

Ñam nirqaykiña churiyta kacharinaykipaq chaynapi hatunchawananpaq, mana kachariyta munaptikiqa piwi churikitam wañurachisaq, nispa”.

Éxodo 9:6

Paqarinnintin punchawmi Tayta Dios chaynata ruwarqa. Egipto nacionpi animalkunam lliw wañururqa, Israelpa mirayninkunapa animalninkum ichaqa mana chullallapas wañurqachu.

Isaías 24:22

Lliwta huñuruspanmi paykunata uchkupi presocharunqa, carcelpim wichqarunqa, unay punchawkuna pasaruptinmi paykunata ñakarichinqa.

Isaías 41:11

Qamkunapaq piñakuqkunaqa, lliwmi hukmanyaspa penqaypi tarikunqaku, qamkunawan atipanakuqkunaqa pasaypaq chinkachisqam kanqaku.

Isaías 51:14

Ñakarichisqa presokunam chaylla kacharisqa kanqaku, calabozopiqa manam wañunqakuchu, mikunankupas manam pisinqachu.

Jeremías 38:13

Chay-natam Jeremiasta waskakunawan pozo-manta hurqorurqaku, hinaptinmi carcelpa pationpiña qeparqa.

Jeremías 38:6

Hinaptinmi Jeremiasta hapiruspanku reypa churin Malquiaspa pozonman waskakunawan uraykachirqaku. Chay pozoqa tarikurqa carcelpa pationpim. Ichaqa chay pozom mana yakuyuqña karqa, chayraykum Jeremiasta kachaykuptinku mituman chinkakuykurqa.

Habacuc 3:5

Paypa ñawpaqnintam wañuy hamuchkan, qepantañataqmi peste hamuchkan.

Zacarías 9:11

Yawarwan pactota ruwasqanchikraykum, mana yakuyuq pozokunapi presochasqa kasqankumanta runaykikunata libramusaq.

Números 3:13

Egipto nacionpi piwi wawakunata wañuchisqaymantapunim Israel ayllukunapa piwi churinkunataqa ñoqallapaqña sapaqchakurqani. Animalkunapa punta wawantapas ñoqallapaqñam sapaqchakurqani, Tukuy chaykunam ñoqapaq kanqa. Ñoqaqa Tayta Diosmi kani, nispa.

Números 33:4

Egipto runakunapa piwi wawa-churinkuta Tayta Dios wañurachiptinmi pampanankukama Israelpa mirayninkuna lloqsimurqaku. Chay punchawpim Egiptopa diosninkunata Tayta Dios penqayman churarqa.

Números 8:17

Egipto nacionniyuq runakunapa piwi wawa-churinkunata wañurachispaymi Israelpa mirayninkunapa piwi wawa-churinkuta ñoqapaq sapaqchakurqani. Paykunaqa ñoqapam, animalkunapa punta kaq wawankunapas ñoqapataqmi.

Hebreos 11:28

Iñiyllawanmi Moisespas, Pascua fiestatapas ruwarqa hinaspam yawartapas punkukunaman challarqa, piwi churikuna wañuchiq ángel Israelpa mirayninkunata mana wañuchinanpaq.

Hebreos 12:23

Chaypitaqmi kachkan ñawpaqmanta Diosman iñikuqkunapa huñunakuyninpas paykunapa sutinkuqa hanaq pachapim qellqasqa kachkan. Asuykurunkichiktaqmi llapallan runakuna juzgaq Diosmanpas hinaspa chuyanchasqa runakunapa espiritunmanpas,