Éxodo 12:27 - CHUYA QELLQA La Biblia en Quechua de Ayacucho 2012

²⁷ hinaptinqa kaynatam ninkichik: “Tayta Diospaq Pascuapi wañuchina animalmi kayqa. Paymi Egipto nacionpi Israelpa mirayninkunapa wasinpa hawallanta pasaspa aylluykuta libraykurqa, Egipto runakunatam ichaqa wañurachirqa”, nispa. Chaykunata Moisés rimayta tukurup-tinmi, Israelpa mirayninkuna qonqora-kuykuspa Tayta Diosta yupaycharqaku.

Quechua Ayacucho Bible 1987

²⁷ kaynatam ninkichik: “Tayta Diospaq *f**Pascuapi wañuchina animalmi kayqa. Paymi Egipto nacionpi Israelpa mirayninkunapa wasinpa hawallanta pasarurqa, Egipto runakunatam ichaqa wañuchirqa, familiaykutaqa libraykurqamá” nispa. Chaykunata Moises rimayta tukuykuptinmi Israel runakuna qonqorakuykuspa Diosta adorarqaku.

Chuya Qellqa 1992

²⁷ hinaptinqa kaynatam ninkichik: “Tayta Diospaq Pascuapi wañuchina animalmi kayqa. Paymi Egipto nacionpi Israelpa mirayninkunapa wasinpa hawallanta pasaspa aylluykuta libraykurqa, Egipto runakunatam ichaqa wañurachirqa”, nispa. Chaykunata Moisés rimayta tukuruptinmi, Israelpa mirayninkuna qonqorakuykuspa Tayta Diosta yupaycharqaku.

Éxodo 12:27 Iomraidhean Croise

1~Crónicas 29:20

Chaymantam huñunasqa runakunata David nirqa: Kunanyá Tayta Diosta yupaychaychik, nispa. Hinaptinmi llapallan huñunasqa runakuna ñawpaq taytankupa yupaychasqan Tayta Diospa ñawpaqninpi hinaspa reypa ñawpaqninpi qonqoranpa kumuykuspa yupaycharqaku.

2~Crónicas 20:18

Hinaptinmi rey Josafat qonqoranpa pampaman kumuykuptin, Judá runakunawan Jerusalenpi yachaqkunapas yupaychanankupaq Tayta Diospa qay-llanpi qonqorakuykurqaku.

2~Crónicas 29:30

Rey Ezequiaswan kamachikuqkunam llapa levitakunata kamachirqaku Davidpa takisqankunawan chaynataq profeta Asafpa takisqankunawan Tayta Diosta yupaychanankupaq, chaymi hatun kusikuywan takispanku yupaychanankupaq kumuykurqaku.

Nehemías 8:6

Hinaptinmi Tukuy Atiyniyuq Tayta Diosta sacerdote Esdras yupaycharqa. Llapa runakunañataqmi makinkuta hoqarispanku nirqaku: ¡Amén, Amén! nispanku. Hinaspankum pampakama kumuykuspanku Tayta Diosta hatuncharqaku.

Éxodo 10:2

Chaynapi Egipto nacionpi tukuy imam ruwasqaymanta churikikunaman hinaspa willkaykikunaman willanaykipaq. Chaynapim ñoqa Tayta Dios kasqayta yachankichik, nispa.

Éxodo 12:11

Kaynam mikunkichikqa: Weqawnikichik allin watasqa, usutaykichikpas allin watasqa, hinaspa tawnaykichikta aptarisqa; chaynam utqayllamanña mikunkichik. Chayqa Tayta Diospa Pascuanmi.

Éxodo 12:23

Tayta Diosmi Egipto runakunapa piwi churinta wañuchistin pasanqa, punkupa chakanpi hinaspa pilarninkunapi yawarta qawaykuspanmi ichaqa karullanta pasarunqa, chaynapim Tayta Dios chay wañuchikuqta wasikichikman mana yaykuchinqachu.

Éxodo 12:28

Chaymi Israelpa mirayninkuna ru-warqaku Moisesmanwan Aaronman Tayta Diospa kamachisqanman hina.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:8

Chay punchawpim churikichikkunaman willankichik: “Kaytaqa ruwachkanchik Egipto nacionmanta Tayta Diospa hurqomuwasqanchikmantam”, nispaykichik.

Éxodo 34:25

Sacrificasqaykichik animalpa yawar-nintaqa amam levadurayuq tantatawan kuskataqa ofrecewankichikchu; Pascua fiestapi animal wañuchisqaykichikpa aychantapas amataqmi paqarinnintin punchawkamaqa puchuchinkichikchu.

Éxodo 34:8

Hinaptinmi Moisés, apurawman pampakama kumuykuspan hatuncharqa,

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

1~Corintios 5:7

Wischuychikyá chay ñawpaq huchallichisuqnikichik levadurata, chaynapi musoq masamanta ruwasqa kanaykichikpaq. Qamkunaqa kankichik Pascua fiestapi mikuna mana levadurayuq tanta hinam. Kikin Cristom chakatasqa wañurqa ñoqanchikrayku, paymi Pascua Corderonchikqa.

Deuteronomio 16:2

Chay fiestapim vacakunatawan ovejakunata wañuchispa Señornikichik Tayta Diosman ofrecenkichik. Paypa akllasqan sitiopim chaytaqa ruwankichik.

Deuteronomio 16:5

Señornikichik Tayta Diospa qosusqaykichik llaqtapiqa amam kaypi chaypiqa Pascuapi wañuchipunaykichik animaltaqa ofrecenkichikchu,