Éxodo 12:21 - CHUYA QELLQA La Biblia en Quechua de Ayacucho 2012

²¹ Israelpi llapallan ancianokunata qayachimuspam Moisés nirqa: Carnerota otaq chivatota aylluykichikpaq hapimuychik hinaspa wañuchiychik Pascua fiestata ruwanaykichikpaq.

Quechua Ayacucho Bible 1987

²¹ Chaymi Israel casta llapallan ancianokunata Moises qayachimuspan nirqa: —Hapimuychik carnerota otaq chivatota familiaykichikpaq hinaspa wañuchiychik *f**Pascua Fiestata ruranaykichikpaq.

Chuya Qellqa 1992

²¹ Israelpi llapallan ancianokunata qayachimuspam Moisés nirqa: Carnerota otaq chivatota aylluykichikpaq hapimuychik hinaspa wañuchiychik Pascua fiestata ruwanaykichikpaq.

Éxodo 12:21 Iomraidhean Croise

2~Reyes 23:21

Rey Josiasmi llapallan runakunata kamachispan nirqa: Kay pacto libropi qellqasqaman hinayá yupaychasqanchik Tayta Diospaq Pascua fiestata ruwaychik, nispa.

Esdras 6:20

Sacerdotekunawan llapa levitakunam huk runa hinalla chuyanchakurqaku, hinaspam llapallanku chuyanchasqa karqaku. Chaymantam preso apasqa kasqankumanta kutimuqkunapaq, sacerdotemasinkunapaq hinaspa kikinkupaqpas Pascua carnerota sacrificarqaku.

Éxodo 12:11

Kaynam mikunkichikqa: Weqawnikichik allin watasqa, usutaykichikpas allin watasqa, hinaspa tawnaykichikta aptarisqa; chaynam utqayllamanña mikunkichik. Chayqa Tayta Diospa Pascuanmi.

Éxodo 12:20

Levadurayuqtaqa amam imatapas mikunkichikchu, maypiña yachaspapas mana levadurayuq tantatam mikunkichik, nispa.

Éxodo 12:3

Chaynaqa, Israelpa lliw mirayninkunata kaynata nimuychik: Kay killapa chunka kaq punchawninpim, sapa ayllu haykam kasqankuman hina, huk malta carnerota otaq malta chivatota hapinqa. Sapa ayllupaqmi huk animal kanqa.

Éxodo 17:5

Hinaptinmi Moisesta Tayta Dios nirqa: Runakunapa ñawpaqninman riy, pusay-taq Israelpa ancianonkunata. Nilo mayuta waqtasqayki tawnaykitapas apaspa utqayman riy.

Éxodo 19:7

Chaymi Moisés kutiramuspan llaqtapi kamachikuqkunata qayaspan willarqa Tayta Diospa imam nimusqankunata.

Éxodo 3:16

Israelpa ancianonkunata huñumuspa nimuy: “Ñawpaq taytaykichik Abrahampa, Isaacpa hinaspa Jacobpa Diosninmi rikuriykuwaspa niwarqa: Cheqaptapunim qamkunata watukamuykichik Egipto nacionpi imam ruwasusqaykichikta qawanaypaq.

Números 11:16

Chaymi Moisesta Tayta Dios nirqa: Israelpa mirayninkunamanta reqsisqayki qanchis chunka ancianokunata otaq paykunapi kamachikuqkunata huñumuway hinaspa asuykamuwanaykichik carpapa punkunman pusamuptiki qanwan kuska suyachunku.

1~Corintios 10:4

Llapallankutaqmi huk rikchaq yakullata tomarqaku, chay yakuqa qaqamanta lloqsimuqmi karqa, chay qaqaqa paykunawan riq Cristom karqa.

Hebreos 11:28

Iñiyllawanmi Moisespas, Pascua fiestatapas ruwarqa hinaspam yawartapas punkukunaman challarqa, piwi churikuna wañuchiq ángel Israelpa mirayninkunata mana wañuchinanpaq.

Josué 5:10

Israelpa mirayninkunam Gilgalpi samaruspanku Pascua fiestata ruwarqaku, punta kaq killapa chunka tawayuq punchawnin tardeykuyta, Jericó llaqtapa chimpan pampapi.