Éxodo 12:2 - CHUYA QELLQA La Biblia en Quechua de Ayacucho 2012

² Kay killam qamkunapaq allinnin kanqa, chay killaqa watapa qallariyninmi kanqa.

Quechua Ayacucho Bible 1987

² —Watapa qallariynin kay killam qamkunapaq allin reqsisqa kanqa.

Chuya Qellqa 1992

² Kay killam qamkunapaq allinnin kanqa, chay killaqa watapa qallariyninmi kanqa.

Éxodo 12:2 Iomraidhean Croise

Ester 3:7

Rey Asuero chunka iskayniyuq wataña munaychakuchkaptinmi, Nisán sutiyuq punta kaq killapi, Amanpa ñawpaqninpi suerteta qawarqaku, ima killapim hinaspa ima punchawpim chay tanteasqanta ruwayman churananta yachananpaq. Chaymi Adarwan sutichasqa chunka iskayniyuq kaq killapi ruwananpaq lloqsirurqa.

Éxodo 12:1

Moisestawan Aarontam Egipto nacionpi Tayta Dios nirqa:

Éxodo 12:18

Qallariy killapa chunka tawayuq pun-chawpa tardenmanta qallarispam, iskay chunka hukniyuq punchawpa tardenkama mana levadurayuq tantata mikunkichik.

Éxodo 12:3

Chaynaqa, Israelpa lliw mirayninkunata kaynata nimuychik: Kay killapa chunka kaq punchawninpim, sapa ayllu haykam kasqankuman hina, huk malta carnerota otaq malta chivatota hapinqa. Sapa ayllupaqmi huk animal kanqa.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 13:4

Kunanmi qamkuna kay Abib killapi lloqsichkankichik.

Éxodo 23:15

Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Éxodo 34:18

Kamachisqayman hinam mana levadurayuq tanta fiestata ruwan-kichik, qanchis punchawmi mana levadurayuq tantata Abib sutiyuq killapi mikunkichik, chaytaqa ruwankichik chay killapi Egipto nacionmanta lloqsimusqaykichikraykum.

Éxodo 40:17

Chaynapim iskay kaq watapa punta kaq killapa punta kaq punchawninpi santuario sayachisqa hinaspa armasqa karqa.

Ezequiel 45:18

Ñoqa Tayta Diosmi kaynata nini: Punta kaq killapa punta kaq punchawninpim, templota chuyanchanaykichikpaq allin sano malta torillota ofrecemuwankichik.

Ezequiel 45:21

Chay punta kaq killapa chunka tawayuq punchawninpim Pascua fiesta ruwayta qallarinkichik, hinaspam qanchis punchawpuni mana levadurayuq tantata mikunkichik.

Levítico 23:5

Punta kaq killapa chunka tawayuq punchawninpim inti seqaykuymanta ñoqa Tayta Diospaq Pascua fiesta ruwayta qallarinkichik.

Números 28:16

Punta kaq killapa chunka tawayuq punchawninpim ñoqa Tayta Diospaq Pascua fiestata ruwankichik.

Deuteronomio 16:1

Abib killapim Señornikichik Tayta Diospaq Pascua fiestata ruwankichik. Paymi chay killapi huk tuta Egipto nacionmanta hurqomusurqankichik.