Éxodo 12:19 - CHUYA QELLQA La Biblia en Quechua de Ayacucho 2012

¹⁹ Qanchis punchawmi wasikichikpi levadura mana kanqachu, pipas levadurayuqta mikuqqa, huklaw llaqtayuq kaspapas otaq castamasikichik kaspapas Israelmanta wischusqam kanqa.

Quechua Ayacucho Bible 1987

¹⁹ Qanchis punchawmi wasikichikpi mana kanqachu qonchu, pipas qonchuyoq mikuqqa forastero kaspapas otaq castamasikichik runa kaspapas Israel castapa huñunakuyninmanta qarqosqam kanqa.

Chuya Qellqa 1992

¹⁹ Qanchis punchawmi wasikichikpi levadura mana kanqachu, pipas levadurayuqta mikuqqa, huklaw llaqtayuq kaspapas otaq castamasikichik kaspapas Israelmanta wischusqam kanqa.

Éxodo 12:19 Iomraidhean Croise

Éxodo 12:15

Qanchis punchawmi mana levadurayuq tantata mikunkichik. Qallariynin punchawpim levadurata wasikichikmanta wischunkichik, chay punchawkunapi pipas levadurayuqta mikuqqa, Israelmanta wischusqam kanqa.

Éxodo 12:20

Levadurayuqtaqa amam imatapas mikunkichikchu, maypiña yachaspapas mana levadurayuq tantatam mikunkichik, nispa.

Éxodo 12:43

Moisestawan Aarontam Tayta Dios nirqa: Kaymi Pascuamanta kamachikuy: Pascua fiestapi mikunaykichik animaltaqa amam huklaw llaqtayuq runaqa mikunqachu.

Éxodo 12:48

Sichum huklaw llaqtayuq runa qamkunawan yachasqanrayku Tayta Diospa Pascuan ruwayta munaspaqa, ayllunpi kaq qarikunam qari kayninkuta señalachikunqaku, hinaspañam Pascua fiestata ruwanqa, chaynata ruwaspaqa castamasikichikñam kanqa. Pipas mana qari kayninpi señalasqa kaspaqa amam mikunqachu.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 13:7

Qanchisnintin punchawmi mana levadurayuq tantata mikunkichik. Chay qanchisnintin punchawpiqa manam maymi kasqaykichikpiqa imapas levadurawan poqosqaqa kanqachu, nitaqmi levadurapas kanqachu.

Éxodo 23:15

Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Éxodo 30:33

Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Éxodo 34:18

Kamachisqayman hinam mana levadurayuq tanta fiestata ruwan-kichik, qanchis punchawmi mana levadurayuq tantata Abib sutiyuq killapi mikunkichik, chaytaqa ruwankichik chay killapi Egipto nacionmanta lloqsimusqaykichikraykum.

Levítico 23:5

Punta kaq killapa chunka tawayuq punchawninpim inti seqaykuymanta ñoqa Tayta Diospaq Pascua fiesta ruwayta qallarinkichik.

Números 9:13

Pascua fiestata ruwananpaq hina kachkaspan otaq mana illaruchkaspan Pascua fiestayta mana ruwaqqa llaqtamanta chinkachisqam kanqa. Ofrendakunata ñoqa Tayta Diosman imam tiempollanpi mana ofrecewasqanraykum chay runaqa huchanmanta castigasqa kanqa.

Deuteronomio 16:3

Wañuchipusqaykichik animalpa aychantaqa mana levadurayuq tantayuqtam mikunkichik. Egipto nacionmanta utqayllamanña lloqsimusqaykichikta yuyarispam qanchisnintin punchaw mana levadurayuq llakikuy tantata mikunkichik, chaynapim Egiptomanta lloqsimusqaykichikta kawsanaykichik punchawkama yuyarinkichik.